March 31, 2011

Blog ka siam tanna hi a la rei lo khawp mai a. Nikum (2010) September ni 7 khan he blog hi ka siam a, thu ka post tan a. Chhêmdam tih ringawtin ka siam tawh a, mahse, a template vel ka tih dik loh tâk nuaih avangin ka titawp leh nghal vat a, a hming ngai a hman nawn theih tawh si loh va, Chhêmdam Thlifîm ka ti ta duah mai a nih hi. Chhêmdam tih hming kha ka ui ngei mai!

Hetia blog khawvela ka rawn zuanluh atang hian thiante blog han tlawhkualte hi nuam ka ti a, blog ka neih hma atang tawhin ka lut kual nasa tawh a ni. Mizo Blog Directory atang saw'n ka lut mai thin a, ka hlei ve-na lam a nih avangin nuam ka ti phian mai. Tûnah pawh hian ka thiante blog ka luh fo-na thin, ka blog-ah pawh lo lênglût fo thînte blog tlêm chu ka'n sawi-hawt mai mai teh ang! A zawng a za chuan ka ziak kim sêng dâwn chuang law. Ka duh duh ka ziak hmasa a nih hi!


Lalhmaa: He blog hi science lampang hriatzau nana tha fahran mai hi a ni a, science lama châk lâk nan ka hman mai bâkah a post tam tak a bengvarthlâk hliah hliah a. A neitupa Pu Caribou hi ka post apiang chu taima takin min comment-sak thîn a, Mizo blog khawvelah chuan ani aia comment thiam hi an tam vakin ka ring lo. A hlu ka ti takzet a, ani hian phûrna tam tak min siam thîn a ni. Sandman nen hian 'Mizo Blog Pa' ka ti e.

Henry Vangchhia: Hei hi ka blog hriat hmasak pawl leh luh hmasakna pawl a ni. A blog-a thu inziak hi a nuna a lo tawn tawh, a inpuanchhuahna tak tak a ni hlawm a. Thu hlimawm a tam a, nui ver ver chungin a blog ka chhuahsan thîn. A neitu Pu Henry-a paw'n chanchin a lo ngah khawp mai. Tûn hnaiah a neitupa hian blog lamah harhtharna a chang a, thiante blog-ah pawh a comment hmuh tur a awm deuh zut tawh a, a lâwmawm ngei mai!

Hriselna: He blog hi luh a manhla takzet. A blog-a luh chuan a hming ang ang hian hriselna lama hriat tur pawimawh tam tak kan hmu thîn. A blog hi doctor pakhat a tling tak meuh meuh a ni. A neitupa Khumchiktheia hi bâwl fuh vëk vëk chuan doctor dang râwn a ngai tawh lo.

Tluangtea Vanchhawng: He blog hian kalpui bîk em em a nei lo. A châng chuan thawnthu tawi kan hmu a, a châng leh a chanchin ngaihnawm, a châng leh thlalak lampang; a chawhchawrawi em avângin mitin huapzo blog a ni! A neitupa Pu Tluangtea hi a reh vang vang a, thu ngaihnawm tak nen a lo kîr leh thîn.

Auld Lang Syne: He blog hming hi a awmzia ka hre lo char char a, hetia ka ziah dâwn avângin ka'n google chhin a, poem hming a ni âwm e. He blog-ah hian Pathian thu tha tak tak chhiar tur kan hmu thîn. A blog neitu Pu Ropuia hi Pathian rawngbâwltu a ni a, a rawngbâwlna lam chanchin ngaihnawm tak tak a ziakte chu keini'n thlarau lam chaw-ah kan lo hmang thîn.

Sekibuhchhuak: Hetah hian thlalak hmuhnawm, mit tivara hriatna tizau thei thil hmuh tur a awm thîn a, awmhmun atangin ram dangte khawsakphung kan hriat theih phah thîn a, luh man a awm thîn hle. Pathian thu lampang rawngkai kan hmu zeuh zeuh a, blog luh man awm tak a ni.

Ngirtling: Hetah hian thu ngaihnawm leh hlimawm kan hmu thîn. Thuziak awm te hi a tlángpuiin  nui ver ver chunga chhiar chi a ni hlawm a, a châng chuan a mimal ngaihdân tha tak tak a rawn ziak thîn. A neitupa hi nupui ngam lo mah ni se, thiante blog-a luh peih deuh mai hi a ni a, a bîkin ka tân chuan a hlu hle.

Dawldanga: He blog-ah hian thuziak zirtir nei tha tak tak kan hmu thîn. A châng chuan thu hlui lampang a rawn thet a, a chanchin ngaihnawm chhiar tur kan hmu leh zeuh thîn. A blog-a lêngte hi beidawngin min chhuahtîr ngai lo.

He'ngte bâkah luhna thin chu ka ngah khawp mai. ^-||RaLtE||-^-^ te, digimalt te, laldoma te, Lailentlang leh My INNERMOST hi Pathian thu hawi thuziak tamna a ni a, thlarau lama tuihâl chânga pûr châwkna tha tak a ni. Tin, Dolerich te, MSI@ROSE te, Pakhuangte te, Vanneihtluanga leh Siktuithiang te hi literature lam hawi thuziak tamna a ni a, literature-a tui tân chuan luh manhlâ tak a ni bawk.

He'ngte bâkah HOME-ah hian thu tawi zirtir nei tha tak tak chhiar tur a tam a, GILBERT RENTHLEI-ah hian mi khawvel huapa milâr leh entawntlâkte chanchin chhiar tur a awm thîn bawk. C'est Moi-ah hian Mizoram pâwn lam chanchin bengvarthlâk chhiar tur a tam a, ZOBERS-ah hian thu tawi te te dahkhâwm, ngaihtuahna tithui thei tak tak chhiar tur a awm thîn. Tin, RO BAWM hi a chawhchawrawi hle a, thu bengvarthlâk tak tak, khawl thil lampang ziahna leh thlai lam chanchin chenin chhiar tur a awm thîn a. Auhmun hi thu hlimawm lampang ziak thîntu, Stephen Auhmun-a auna hmun a ni. Mizo hnam rawngkai thu leh hla chhiar duh chuan Zochepa's Blog-a luh mai a finthlâk thîn hle.

Mizo blog hi a za têl a awm tawh a. Thenkhat chu enkawl zui lêm lohva zuzi mai mai a nih laiin thenkhat ve thung erawh chu sum hmuh theihna tham khawpin a lûn a ni. Eng pawh ni se, blog kan neia kan siam a nih chuan hlamchhiah mai lo ila, thu chi hrang hrang fawkkhâwm hi mi dang tân hmasâwn zêlna a ni tih hriain tan i la sauh sauh ang u.
Categories:

24 comments:

  1. Khai khai khai...TS-a thin hi a.... I tizahthlak em mai. Mi te reu reuvin an hria ang a, mi nuih ka tiza palh ang e. Ka blog siam ve te hi chu ka kuthlei rahchhuah mai mai ania lawm. Keini ang hmui leh kutzungtang atangin thu tha chhiar tur a chhuak ve hlei lo ang e. "Mizo Blog Pa" nihna chu Pu H.V.-a emaw Pu Ropuia emaw hian chang zawk teh se.

    I sawi ang hian, ni e, mizo blog hi a tam khawp mai. Ka lo hmelhriat tawh thin te blog pawh ka hmu nual mai. Blog siam ve mai hi chu a harsa lem lova. Mahse, update erawh a harsa khawp mai. Kei pawh hi, thiante in zahawm em mai a, chuvangin hman lo chung leh ziak tur hre lo chung pawhin ka han update ve hram hram thin anih hi.

    Chhiartu awm lo thuziak hian hlutna a nei lova, chuvang chuan comment min peksak thintu te hi ka tan chuan an hlu takzet a ni tih hi ka han zep tel zauh teh ang.

    Zofate blog tlangzarh sak a, lo tihlar sak thintu, update thar ber ber lo tarlan sak tawh thintu Pu Sandman-a chungah hian lawmthu ka han sawi daih ang e.

    ReplyDelete
  2. Ku TS, min bawl! hets. Ka blog in kawng a bo mek a min khalh ngil tu tur tawi fel deuhin i rawn ziakah ka ngai ka lawm e.

    I taima hle mai, fak tlak i ni tak zet zet e, 'chhemdam thlifim' thaw heuh heuh zel rawh e, AMEN.

    ...khrum

    ReplyDelete
  3. @Pu Cari, i phu ka ti khawp mai. Sandman chungah chuan lawmthu sawi tur kan ni. Mizo blog tana sulsutu ka ti lo thei lo.

    @K'u Khrum, Kei pawh ka lawm em em e.

    ReplyDelete
  4. Mai mai che chuan aw hahaha, follow dan ka thiam lawklo alawm. Ka blog pawh kha gothica in ka chanchin ziak turin min nawr seka, aman min lo siamsak vanga ziak ta choh ka ni zawk.

    Min chhiar sak thin hlawm a, ka lawm khawp mai. Chhuizui ngam thlap zel ziak zel turin ka inbuatsaih zel ang.

    ReplyDelete
  5. Pu Hv, blog i lo nei lovang tih a hlauhawm ngawt mai. Gothica pawh a titha ka ti. I chanchin ngaihnawm tak tak liam mai tur kan hriat phah a, a tangkai ka ti takzet. Nia, han ziak sauh sauh la, a chhiar ka inpeih reng a nia.

    ReplyDelete
  6. E khai iti lawmawm e. Ka blog tirh ( bravejournal-ah -Kum 2006 )lam khan Mizo blog hi uihum lek kan la ni awm e. Sandman hian mi a tiphur thiam ber mai. kan thahnem zel a, a lawmawm. Chutihrual chuan, update reng erawh taimak har tak ani fo mai.

    ReplyDelete
  7. @Seki, blog i lo nei hma hle mai. Ka lawm e!

    ReplyDelete
  8. TSa chu eng tin nge ka nupui ngam loh te i lo hriat a, min lo spy a ni maw he he

    Blog hi siam ve ka tum tirh chuan ka pamtul deuh ti tih a, caribou zarah hei ka han puitlin ve tawk a nih hi.

    Chhemdam Thlifim han dawn hi chuan kan hahdam sawng sawng zel chu a nih hi.

    ReplyDelete
  9. @Tripel, ni ang chu mawle.. Haha.. Pu Caribou chu a thawhhlawk khawp mai. Ka lawm lutuk e!

    ReplyDelete
  10. Mizo Blog Directory hi han enkawl peih awm se aw, kei hi chuan ka free time neih nen hi chuan ka tlin lo a nih hi. Pending registration an tam tawh mai mai... :(

    "Mizo blog hi za tel a awm tawh a"... tunah hian mizo blog ka subscribe ho zawng zawng chu 421 an ni mek e :) Kan tam tawh khawp mai, North East zingah chuan tam ber kan ni ti i la, ka sawi sual lovang.

    ReplyDelete
  11. Blog hi an ti teh fo va, misual.com a mi hi ka tlawh ve thin a. A siam dan thiam ka duh ve ngawt mai, mahse a ziah dan tur ah ka buai leh awm tho sia .... te ka tia! In ropui e..

    ReplyDelete
  12. @illusionaire: Min va barakhaih ve le! Teh thut che chuan. I thawhrimna leh inpekna hi a fakawm ka ti khawp mai. Mizo blog chu a lo tam tawh hle mai, thanharhna ropui tak a ni.

    @thinchhia: Nang pawh min barakhaih khawp mai! I blog chu ka lut zeuh zeuh tawh a, ka lo la comment ngai miah lo va! Ka lo tlawh thin dawn nia. I rawn lut chu ka lawm khawp mai.

    @VaiVa: Nang pawh min barakhaih chiang lutuk! I blog kha tha deuhin enkawl mai mai teh! I update peih lo lutuk. I hman chang hi chuan i hnathawhna lam chanchin te hi rawn post thin la.. Keini tan chuan bengvarthlak leh hmuhnawm a lo tling thin a nia.

    ReplyDelete
  13. Naaa...khonge k blog i van soi ve lo?? Ö.ö ka chhuak tau nghaaal..lolzzz

    ReplyDelete
  14. Tsa mai mai thin hi aw, fak leh hluah hluah thin a...

    ReplyDelete
  15. awiawm lo thin teh e. ziah tur hriatloh avanga tawi mai mai alawm mawle. hehe

    ReplyDelete
  16. @Rp: Khawnge i blog?? Haha..

    @Elares: Faktlak hlawm miau hek le!

    @Cyber: Khatiang chi kha ziak zel rawh. I thiam ka ti lutuk tlat.

    @MS: Ka hmu che chu ka phu e zuk mai! Haha..

    ReplyDelete
  17. "North East zingah chuan tam ber kan ni ti i la, ka sawi sual lovang."

    Nia keipawh mak ka ti lo, Mizo hi chu kan kam tam bawk a :)

    ReplyDelete
  18. E khai! Pu Bena teh nawlh chu aw.. I rawn leng chu ka lawm kher mai.

    ReplyDelete
  19. Ka blog duhzawng ka'n ziak chhuak ve teh ang.. :) i ti tha e.

    ReplyDelete
  20. Blog tha tak ilo nei kiau a....i ti tha khp mai. Kan site (dawrpuiveng.com) ilo lut atangin ka rawn chhui ve top che, ilo leh leng fo thin dawn nia :)

    ReplyDelete
  21. @^-||RaLtE||-^: Ka lawm e!

    @Zaia: Nia, han ziak chhuak ve teh khai. Kei ai chuan ziah tur i hre hnem zawk daih ang.

    @A es: Teh nawlh che chuan. Ka lawm e. Nang pawh i rawn leng lut ziah dawn nia.

    ReplyDelete

Eng nge i ngaihdân?

Subscribe to RSS Feed Follow me on Twitter!