27 January 2011

Lâwm hle rawh!

Kawngpuia i kal mai mai lai pawhin lâwm tur i ni. India ramah nitin motor chesual (motor sut leh accident etc) vângin mi 200 vêl an thi ziah asin. Chu'ng mi 200 zînga i tel loh avângin lâwmthu sawi mawlh mawlh rawh.
Nungdama i la awm hi Siamtu zahngaihna a ni. India ramah nitin mi 30 vêl zêl chu mahni an intihlum asin. He thu i la chhiar avângin i la intihlum lo phawt chu a nia! Chu vângin mahni intihlum duh khawpa rilru beidawnna i neih loh avângin i engkima i engkim chungah lâwm hle ang che.

State râlmuang taka i lo chawrchhuah avâng ringawt pawhin lâwmthu sawi tur i ni. Kan chênna India ramah hian nitin helho (terrorist) kut tuarin mi 10 vêl zèl an thi ziah a; chu'ng zînga i tel loh avângin lâwmna châng hre thar leh mawlh rawh.

Hmeichhia i ni emaw, mipa i ni emaw i awm mai mai lai pawhin lâwmthu sawi mawlh mawlh rawh! India ramah nitin mi 50 vêl chu pâwngsual an tawrh avângin hrehawm takin an kun tlawk tlawk asin! Chu'ng, nitina mi 50 vêl chunga pawikhawih lova i tan avâng leh a thlentu i nih dâwn loh avângin Siamtu hnênah lâwmthu han sawi hlauh teh.

Khawvêl sualna a sáng telh telh a, tualthah pawh ngaihah kan neih ta! Nitin tualthah avângin kan India ramah mi 100 zêlin nunna an chân a, chu'ng nun chân zînga i tel loh avângin lâwmthu sawina châng hre tur i ni.

He India ram zauvah hian chênna in maktaduai 179 ngawt a awm a, chu'ng zîngah 'ka tà' tia sawi ve tur i nei em? I neih loh chuan rilru siam thar nan hmang mawlh ang che.
Share:

16 comments:

  1. Na han sawi em em tur nei lova ka awm hi a va lawmawm tak em. Damlo che theilo, khuma mu reng, zun leh ek pawh thiar thei lova bawksawp reng te, taksa zeng avanga kum tam tak khuma mu tawh te ka hmuh chang hian kei hi ka va lo vannei bik em. Chhia leh tha hriaa ngaihtuahna seng thei, hlim thei, lungngai thei, tap thei leh rilru buai miah loua ka la dam hrim hrim hi, mite angin hausa ve le lu lo mah ila lawmthu sawi mawlh mawlh tur ka lo ni. Pa nei lo pawh ni ila, nu tal neia ka la awm hi ka va vannei tak em. Fa nei thei ve lo nupa, fanau it ngawih ngawih ka hmuh chang hian chhangchhe theia min siamtu Pathian hnenah lawmthu sawi tur ka lo ni.

    TS, i thuziak hi a sei lo na a, a tha lutuk, ngaihtuahna i tithui khawp mai. Lawmthu sawina tur ka va lo ngah tak em. Thuziak tha tak tak chhiar tur ka nei thin te hi ka va vannei tak em.

    Mahse, kei leh ka chhungte nena kan chenna turin in ka la sa ve thei lo. Pa nih ue mai hi chu a lo harsa lova, patling nih erawh a lo harsa e a nih hi.

    ReplyDelete
  2. Ni e Pu Cari, i sawi dik chiah alawm. Engkim mai hi lawmna tur ni hian ka hria a. Ka aia hnuaihnung zawk leh harsa zawk te, pianphunga rualbanlo ka hmuhte hian hmuhsit vang ni miah lovin ka vanneih zia hi ka hrechhuak fo thin.


    Ka thil rawn tarlan ho khi link ka dah lem lo va, hnawk mai maiin ka hria a. Chubakah site hran hrana mi chuk khawm a nih avangin buaithlak mai mai ka ti et mai a! A rintlak a nia. Ka post hma lawkin ka google nasa mai!

    Taima takin ka blog i rawn tlawh a, mi chhiarchhuahsak a, mi comment sak lehzel bawk a, i chungah ka lawm hle mai!

    ReplyDelete
  3. Thu tha tak a va ni em ! Nitin hian kan thawh hlim atang hian kan vanneihzia hi ngaihtuahin chhiar thin ila chuan kan nun hi a nuam sawtin ka ring.Ka vanneihna ka lo chhut ngai lem loh tam tak min hriattir avangin ka lawm e.

    ReplyDelete
  4. @hanc: Ka thuziak fahrah te te min chhiarsak thin avangin ka lawm e. Lawmna tur hlir a lo ni! I chungah ka lawm hle mai!

    ReplyDelete
  5. A va han tha tak em... Kan engkimah hian lawmna tur alo awm zel mai. Thenkhat chuan A malsawmna lam hi kan chhiar duh mang thin lo. I ziak tha khawp mai

    ReplyDelete
  6. Cyber: Malsawmna chhiarsen loh kan dawn hi hmuh hmaihin kan vanduaina kan chawi vawng zawk fo thin; mihring kan ni miau si a le.. Mi vannei kan lo ni e. I rawn len avangin i chungah ka lawm hle mai!

    ReplyDelete
  7. A va tha ve aw.. Kum 1996 kum khan vellore-ah Queen Cassette 'Made In Heaven' album ka lei a. Zan thla eng hnuaiah lungleng takin ka ngaithla a. Ka ngaihthlak zinga hla pakhat 'My Life Has Been Saved' thu kha min ngaihtuah chhuah tir.. Kan lo vanneih bik zia hi aw..ti vawng vawng chungin ka ngaithla ta a nih kha..

    ReplyDelete
  8. @Noddy: I rawn lenluh avangin ka lawm e. Mihringte hian ngaihtuah chiang tak tak duh ila chu kan harsatna aiin kan vanneihna kan hmu tam zawk awm mang e ka ti ta hial mai! I chungah ka lawm hle mai!

    ReplyDelete
  9. Ziak tha hle mai. Pathian hnenah hian lawmthu sawina tur zawn chuan lawmna thu sawina tur hi kan nei reng thin reng a ni. Pumna ka neih lai hian ka vawih thei lo te hi mi vawih pung pung te hi ka awt em em a, vawih tur te hian Pathian hnehah ka dil a, ka vawih thih hi chuan ka va han lawm thei tak.

    ReplyDelete
  10. @chepahakhata: I rawn lenglut a, ka lawm hle mai. Nangmah i ni tih ka hre chiah!

    Hehehe.. I comment-ah ka'n nuih vak vak chu le..!

    ReplyDelete
  11. I thuzaiah chuan ngaihtuahna a ti thui hle ma. Ni e, Pathian min kaihhruaina leh enkawlna han ngaihtuah hi chuan, kan fel bik vang ni hauh lova nung dam leh hrisel taka kan am te hi awm hliah hliah tur kan ni reng a ni.

    Zing thawh hlim te hian tum bur ai chuan han nui deuh sak ringawt phawt mai ila tuk chhuak a fuh duhdeuh mahna, darthlalanga inenchunga ha innuih deuh sak phei chu a tha lehzual maithei a ni.

    ReplyDelete
  12. @Triple: Ka lawm lutuk e. Darthlalang ka hmuh apiangin ka nui sak thin - Pathian kut themthiamzia ka hmu a..!

    ReplyDelete
  13. A tawpberna khi ka ngaihtuah a, mahni Pa te neihsa loh chu ka lo nei reng reng hleinem..

    ReplyDelete
  14. @chhangte_ll: I rawn lenluh avangin ka lawm lutuk e. Kei pawh hi engmah neih ka lo nei reng reng hleinem mawle..!

    ReplyDelete
  15. can anybody tell me where this photograph was taken? it is really heart touching

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers