21 February 2011

Keimah - II

Mihringte hi tuarchhel avânga hmuh zawh loh pawh hlawh chhuak thei tur chu ni ila, a chuang a liam ka nei tawh ang!

Retheihna hian khawngaihna tipung ta sela chuan, mi khawngaihna ka dawng sêng lo vang!

Lungngaihnaah hian hlimna chhar chhuah tur awm sela chuan, hlim tâwp ni rêng ka nei lo vang!

Hausaknaah hian chatuan nunna awm chu ni sela, ka thi hma ngawt ang!

Thawkrim zawng zawng hi hlawhtling ta vek se, ka hlawhchham leh rang ngawt ang!

Kawtlaia tleirâwl tè tè-te tîtî-na tawngkam hi a takin nunpui chiah ila chuan, kohhran dân pâwnah ka awm vãng tawh ang!

Nulât laia sex hman apianga nau paia hrin nghâl zêl tur chu ni sela, pasal nei tur thenkhat chu an thlahte nen an nih duah ka ring!

Mahni intodelh hi hlawhtling tehfung hman tlâk ber ni sela chuan, hlawhtling tehfung hman tlâk loh ber ka ni ang!

Khawvêl pum hi nei vek ila, ka va ngah àwm êm!

Mi zaidam leh nunnêm takte hi nupui ngam lo ni ta vek se, ka kawppui chu a va châk dâwn lo rua êm!

Sum ngah ngah hmêltha ni se, ka hmaiah pasi a to vang!

Nunhlui ngaia khawhar hlum theih ni se, pian nawn leh ka thlang zâwk àwm e!

Hmangaihna hi a mit a dela, inneih ni hi a vâr ni a nih tak meuh chuan, thim hi ka va ning tawh tak êm!

Pathianni apianga sa ei thei chauh hi vànram kai tur ni se, leibâ tam tak nen vànrâm ka kai ang!

Mizo tawng hmang thei zawng zawng hi Mizo tawng thiam ni ta sela, ka harsatna pakhat a bo!


Ka tel lova hringnun hman hi harsa ka va ti tehlul êm!

A chunga mi zawng zawng khi, ‘keimah’ a nih tak zet chuan, ka lo va han nikhua lo àwm êm!
Share:

13 comments:

  1. Ts, i thu leh hl te hi an rilin awmzia an va nei thuk ve le. Chang tin khi ka chhiar nghauh nghauh a, a tir lam pang phei khi chu chhiar nawn ngai khawp anih khi. A hmasa ami nen khan kan MBSE hruaitu te hian hmu fuh hlauh se ka ti khawp mai. Naupang zirlaibu ah hian a aia ho mai mai ka hmu hnem khawp mai. A hmasa ami nen khan uluk lehzualin han revised la, tichuan "Thu leh Hla" magazine lamah published la ka duh khawp mai.

    ReplyDelete
  2. TS Khuphong 3:16 zuk ni ngawt a :D

    ReplyDelete
  3. Rawn ti tha leh thak thak hle mai a, tluk loh rim i nam hle mai a. Complete work of Ts hi a la chhuak lovang tih kan sawi thei ta lo.

    ReplyDelete
  4. @Pu Rp & Chhangte: In uar lulai em mai! Ka lawm lutuk a.

    ReplyDelete
  5. I ti tha hle mai, hetiang hi chhiar a nuam, rawn ti zel rawh.

    ReplyDelete
  6. Rawn ti zel rawh. i ti ngaihnawm thiam khawp mai

    ReplyDelete
  7. I blog chuan min chhemdam thlifim ngei e, rawn ti zel tawh

    ReplyDelete
  8. @Pu Rinliana: Ka lawm e!
    @nangmahsanghhal!: Ka lawm lutuk e.
    @Te-a: Ka lawm e!

    In lo len luh avangin ka lawm tak zet e.

    ReplyDelete
  9. hetiang chi hi chhiar nuam ka tih ve zawng tak, a tha reuh khawp mai

    ReplyDelete
  10. @Dawldanga: Ka lawm lutuk e. I lo chhiar ziah dawn nia!!

    ReplyDelete
  11. @Dawldanga: Ka lawm lutuk e. I lo chhiar ziah dawn nia!!

    ReplyDelete
  12. @Dawldanga: Ka lawm lutuk e. I lo chhiar ziah dawn nia!!

    ReplyDelete
  13. Ngaihtuah chhuah dan dan te pawh i hre zawk mange, nang hi i ril ru riau

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers