28 March 2011

Dangdai

Hmânni chu thil thleng dangdai deuh leh maksak deuh ka zawnna lamah he'ngte hi ka hmuchhuak nawlh a, ka rawn dahchhuak ang e. He'ng thla ka hmuh leh an chanchin ka chhiar atangin ka vânneihzia leh Pathian ropui zia ka hre nawn awn awn mai.

1. Chinese naupang hmai pahnih nei.
Chinese naute pakhat, Kangkang chu hmai pahnih neiin a piang! A hmai pâwnlang zâwk (ti mai ang!) hi a beng bulah a intan a, hmaikâwr a ang hle nghe nghe. Doctor-te paw'n hei hi a chhan chiah an hre lo va, uluk lehzuala enkawl a ngaih tur thu an sawi. A nu leh pate pawh surgery tûl apiang ti thei tura an inpeih a ngaih hmêl.
Hmai inthuaha chu
A nu nen
Damdawiinah uluk taka enkawl a ni
2. Âwma ke to.
 India rama mi, kum 8-a upa, Deepak Kumar Paswaan chu a âwmah ke pahnih leh kut pakhat bâkah mawngtam ang deuh a chawr ngãuh mai! A rilru ngaihtuahna erawh a pângngai vek thung. Hemi vâng hian he naupang hi ‘Octopus-boy’ tiin hminglem an vuahsak nghe nghe a.
Âwma ke to chu
He chawr hi nikum, 2010 June thla khân Bangalore-ah doctor-te'n darkar 4 chhûng ngawt an zai a, hlawhtling takin an paihsak a ni. An paihsak hnuin Deepak-a hian lâwm takin, “Ka taksaa thil nung dang nena ka hun hman reng thîn lak ata ka zalên ta! Tûnah chuan nun pângngaiin ka nung thei dâwn ta!” a ti nghe nghe.
Doctor-te'n theihtâwp chhuahin an zai
Zai hnuah a pa nen
3. Nula vânduai.
He American nula hi a khawngaihthlâk khawp mai. Natna vâng tak a vei avânga hetianga lo awm hi a ni a; a ruh leh thluak hnathawh zawng zawng chu a tha vek thung. Kum 16 leh 19 mi a nihin thi lek lekin a damloh phah tawh. A pian tirhin a mit pahnih hi a buang a, a mit dinglam erawh chu kum 4 mi a nih a rawng a rawn danglam a, a chhiat phah ta nghe nghe a ni.
Nula vânduai-i chu
Ei a duh ve hle, minute 15 danah thil a ei ziah a, nitina a thil ei chu calories6000 atanga 8000 lai a ni a, mahse, a thau phah chuang lo chu a nih si hi! Kum 21 mi Lizzie Velasquez hi Texas-a chêng niin communication zirlai a ni a kg 25.4 chauhva rit niin a taksaa thau hi awm loh châng (0%)te a awm thîn.
A ei thei teh a nia!
An chhungkuain
Tuma'n an thinhrîk lo
Hetianga piangsual leh vânduai tak tak hi khawvelah mi tam tak an awm a, hmuhsitna lam ni lovin chu'ng mi tam tak zinga ka tel lo hi ka vânneihzia tilangtu a ni a, min siamtu chunga lâwm ngawih ngawih tur ka lo ni.
Share:

12 comments:

  1. malsawmna hi a chhiar thiam tu tan chuan chhiar sen a ni si lo a

    ReplyDelete
  2. Aw..! Rose, nang meuh i rawn lenglut chu ka lawm kher mai.

    ReplyDelete
  3. Chinese naupang Kangkang hmai awmdan chu a makin a vanduai hle mai. Khitiang piansualna khi ka vawikhat hmuhna. ‘Octopus-boy’ khi chu piangsual rau rauvah a vannei hle mai. Lizzie Velasquez natna vei pawh khi a mak dangdai khawp mai.

    I chhiar zau peih azarah ka beng a var phah leh ta.

    Piangsualte hi an va han vanduai chungchuang tak e aw. Pianto dik pangai thlapa kan pianga kan nung thei hi kan va vannei bik tak em. Kan beisei vanram nuamah chuan mitdel, kebai, bengngawng, piangsual an awm tawh lovang.

    ReplyDelete
  4. @Pu Cari, an vanduai khawp mai. American nula khi kan rama mi chu ni se kawmtu leh besawm peihtu a hmu ngut na maw chu.. Piangsual an en leh chhawnchhaih danah hian zir tur kan neiin ka hria. Ka lawm lutuk e.

    ReplyDelete
  5. Fu ke kima kan lo piang hichu kan vannei teh e...

    ReplyDelete
  6. @chhangte_II, ni e, anni aia fel leh tha kan ni bik hauh chuang si lo!

    ReplyDelete
  7. Phawrh chhuak dangdai vele. An khawngaihthlak hlawm e.


    Chinese naupang khi hmalam atang chuan Hmaikawr vuah a ang.

    ReplyDelete
  8. I thil post chu a dangdai hle tak mai, an va khawngaihthlak hlawm ve, mi pangai taka kan lo piang chhuak ringawt pawh hi lawm hliah hliah tur kan lo ni tih a chiang hle mai.

    ReplyDelete
  9. @Pu Hv, a ang khawp mai. Thenkhat tan phei chuan hmaikawr a vuah emaw tih tur a ni tak tak a!

    @Triple, Ni e, kan nihnaah hian lawm tur kan lo ni e.

    In comment avangin ka lawm tak zet zet e.

    ReplyDelete
  10. @Pu Hv, a ang khawp mai. Thenkhat tan phei chuan hmaikawr a vuah emaw tih tur a ni tak tak a!

    @Triple, Ni e, kan nihnaah hian lawm tur kan lo ni e.

    In comment avangin ka lawm tak zet zet e.

    ReplyDelete
  11. Ku TS, a va dangdai tak ve le. First khi enge tih ka hre mai thei lo tlat, a diagnosis i sourcea an ziah dan han sawi law law teh a.

    Mi inchhiarzau tak, keu neuh neuh, bih chet chet, ngaihtuah veng veng mi i nih hmel.

    ...khrum

    ReplyDelete
  12. @K'u Khrum, ka lawm e auh! Source hi ka dah ang a, copy paste tawp la, i lo chhiar dawn nia.
    http://www.weirdasianews.com/2010/07/03/baby-china-born-face/

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers