10 March 2011

February Fiamthu

1. Taxi driver pakhat pawh hi a pute'n an bàn a, a thiante'n, “Taxi i khalh tawh lo em ni?” an tia, ani chuan, “Ka pute'n ka duh lo chung chungin min bàn alawm le,” zu ti nuah nuah a.

2. Ka thianpa bialnu hi a changkang teuh ve asin, an inbia a, "Thleng ka'n sil lawk ang a, ka sil zawhah kan inbe-text leh dawn nia," zu ti a!

3. Pa pakhat tawngkam thiam lo pawh hi a fapa a thi a. Miin ralna pawisa an pe dawn a. "A ngai lo, hetiang beisei vanga thil ti pawh kan ni lo," a ti vel.

4. Nu pakhat pawh khan a fapa kha a'n chhuang mai mai khawp a. A thiante hnenah, "Mama hi chu mi inzirmi tak a ni, thla thum lek handiman-ah a tang dêk dêk a, a horn a'n hre nghal pang-ah!" zu ti ham ham!

5. An inkhawm boruak kha a hot thei mai mai. Chairman khan, "Tunah Bible chang hit deuh ka'n chhiar ang e," a ti vel. 


6. Bus accident pawh kha an accident-na kha a sang awm asin. An tlakthlak lai khan passenger leh conductor-te khan a driver an hauthla mawlh mawlh.

7. Khawvel bike intlansiaka corner la-ulh ber pawh kha a tukah a nu'n, "Mama, heti em em hian a ni maw i lak-ulh thiam a?" tih pahin a vuiliam.

8. Tlangval pakhat pawh kha, khawhar lenpuinaah nula hmeltha deuh khan thingpui a rawn sem a, a sem kân si, a ban laklawh kutzungchalin a lo tin uai tawh si, a zak tihngaihna hre hek lo chuan, "Theng..theng, ka kap fuh che," a ti vel!

9. "Thenawmpa, eng vangin nge in chhunga in nu a zai apiang hian pawnah i chhuah daih zel a?"
"Thenawm khawvengin ka sawisa emaw an ti ang tih ka hlau a..!"

10. Boxing an khelh dawnah a tawngtai ve a, taksa chêtna a la chang zui!

Note: Misual.com lama February Fiamthu nen a hrang hlak a ni.
Share:

10 comments:

  1. I comment pekna siam chu va dangdai ve. thil thalo a rawn pop chhuak dawn maw kan ti hman a lawm le.

    Ka nui nasa hle mai

    ReplyDelete
  2. Ku TSa chu, chhiat tawh kara fiamthu lam hawi maw. Hah a ti dam ngei mai.
    Ka active leh tep tawh e.

    ...khrum

    ReplyDelete
  3. last point khian min tinui nasa zual. Fiamthu thiamte hi mi rilru chak an ni chawk, thu leh hlaah pawh an ril...

    ReplyDelete
  4. @Pu Rsa: He2. A chawisawn zung zung theih a, a thuziak chhiar pah duh phei chuan a awlsam lehzual ka beisei. Ka lawm lutuk e.
    @K'u Khrum: Eng chhiat nge i lo tawh tak le aw..? Nia, lo active vat rawh, kan khua a har tawh a nia..
    @Pu Rp: Last para khi chu ka phuah ve liau liau a ni ve tlat..he2. Khi'ngho khi February thla chhunga ka fiamthu hriat thar zinga tha zual an ni a, 10 dang chu misual.com-ah ka post tawh kha. Ka lawm takzet e.

    ReplyDelete
  5. Pu.J.Lianchungnunga driver Petera pawh a boss in ban a tum a. Ani chuan, "Ka pu hei leh chen kan inzui tawh a, tih chi miah ani lovang. Khai khai khai i chawm kan nia, engtin nge kan nun zawh tak ang le, inban chi kan nilo reng reng...." a ti. Kum 10 chuang in zui tawh an ni bawk a, an inhrechiang...an in ban lehlo hairehai

    ReplyDelete
  6. Hahaha.. Pu Hv, i va hre mak e! Pu J. Lianchungnunga pawh chu a fel hrim hrim a nih chu! Petera pawh chu a fing reng reng.. Haha

    ReplyDelete
  7. Mahni chauh vin ka nui dir chur chur mai. Nuih hak hak tur min chhawp thin a, a lawmawm thei khawp mai. Kan fiamthu thiam te nuihzata bawlzan mai ching an awm thin. Keia tan zawng min tihlim thin tu kan fiamthu thiam te hi an lo va hlu tak em.

    ReplyDelete
  8. @Pu Cari, ka lawm khawp mai.Fiamthu thiamte pawh hian tihlimtu an mamawh ve tho a nia aw..!

    ReplyDelete
  9. He he va hlimawm thin ve, last fiamthu khi hit top, boxing ring chhunga taksa chetna han chan chu tihchi loh teh ang chu :-O

    -triplestar

    ReplyDelete
  10. Hehehe.. @Triple, a ni khawp mai tiraw..! A entu tan a nuihzatthlak duh ngawt ang le..

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers