15 March 2011

Ka fapa hnêna lehkhathawn

Ka fapa duhtak,

Kei ka dam a, kei ang bawkin dam ve rawh. He lehkha hi muangchânga ka ziah a ni a, a chhan chu ka chhiar chak theih loh vâng a ni - chu vângin nang paw’n khawngaih takin muangchângin i lo chhiar ve hrâm dâwn a nia. I tel lo chuan eng kan ni lo, keini chhûng hi. I pa paw’n tûkin khân kan in atanga mel 20-a hlaah motor accident a awm thu a chhiar fuh hlauh mai a, ‘thenawm lawk alawm’ tiin hman lo chung chungin kan va kal tâk kha; mel 20 chu a hla reuh lutuk.

Thla hmasa khân lehkhathawn keng thei tur an awm avângin lehkha rawn thawn che ka tum a, mahse, kan khawtlângah buaina tênau a awm a, house no. thlâk a ngai hlauh va. Kan in address a la chiang lo lutuk a, lehkha pawh ka rawn thawn rih lo mai a nih kha. Tûnah chuan address thar kan nei tawh bîk asin.


Thla kaltâ mai khân washing machine kan lei thar a, toilet bul maiah i pa’n a dah a, inthiar zawha kutsil nan a lo remchâng kher asin - i pa remhriat dân hi. I pa hi chhun hrâm hrâm i tum dâwn nia aw.. Thawmhnaw pângngai chu chain awmna jeans kekawr kha vawi nga ka su tawh e.

Tûn lai chu kan khaw awm dân hi a ninawm lek lek a ni. Kâr khat chhûngin tum hnih ngawt ruah a sûr a, a tum khatnaah ni thum a sûr a, a tum hnihnaah ni li ngawt a sûr a, kâr khat chhûng a bei tihna a nih chu.

Ruah a sûr nasa a, tûn lai chu khua a vâwt lutuk. I theih hrâm chuan kawrlum mi rawn thawn ta che. I nutei’n ‘email hmangin awlsam takin a inthawn theih’ a ti a, email-in i rawn thawn mai dâwn nia aw..

I pa paw’n thlânmual sâm hna a hmu a, a hnuaiah mi 500 vel an awm a, lal a inti ve lutuk asin.

I û paw’n tûkin khân fa a nei a, kan la tlawh hman lo. Mipa nge hmeichhia a nih kan la hre si lo va, a patea nge i nih a nutei tih pawh kan la hre thei lo a nih hi.

I bialnu pawh kha hmânni-ah intihhlum a tum a, a thu hnuhnungah a ruang chu tuifinriat ngeia paih turin a ti a. Tichuan, chutianga a awm hnuah tuifinriat-ah an paih ta a; mahse, tuifinriat mawng a thlenin a harh leh a, tui hâkin a thi ta tho tho a nih kha. A lainatawm reuh asin aw..

He’ng zawng thil hrilh theih che a ni e, thil thar danglam deuh hlek thleng a awm mai si lo va.

Duhtâwk phawt mai ang aw..

P.S: Bawiha, ka hmanhmawh êm avângin pawisa ka rawn ti tel hman lo va, ka hman hunah aw.. He lehkha pawh hi seal chhut lohvin ka rawn thawn ta mai. Lâk chhuah a har lêm lo vang chu maw..

Note: Hei hi site pakhata ka hmuh, chawhpawlh zeuh zeuh a ni a, site chu ka hmu leh ta mai lo! A rei deuh tawh a..
Share:

19 comments:

  1. A khai aw.

    Washing machine a kut sil chu an in sil vung chur thin ngei ange le.

    "I bialnu", thalaite hian nu leh pate hriatpui ngei a ngaihzawng neih hi a tha ka ti khawp mai, zep leh ruk tit tet awm hauh lo vin.

    ...khrum

    ReplyDelete
  2. @K'u Khrum, a ni viau! :) Nia, nu leh pate hriatpuinaa ngaihzawng neih hi a fair a ni! Ka lawm e'm..

    ReplyDelete
  3. ka nui ru tut2 mai chawhpawlh awmang lo lutuka,tha viau bawk sia ha2....pafa fing tak in ni ngei ang lol..nway happy bday ..

    ReplyDelete
  4. @Mama: Ka lawm e!! A nuihzatthlakin a nuihzat tlak ngawt a nia!

    ReplyDelete
  5. Lehkhathawn tha tak anih hi. Pa in a fapa hnenah lehkha a thawn a "I pa paw'n" a ti chhen mai khi, ka bangbo lek lek alawm le. Pafa innel tak an nih dawn khi. Ka nui ka nui mai.


    Lehkhathawn ngata chanchin inhrilh hriat thin lai kha a lo va la rei lo tak em. Tunah zet zawng mahni thut hmun atangin kan duh lai lai kan be pawp thei ta. Kan va lo changkang tawh tak em.

    ReplyDelete
  6. @Pu Cari, ka lawm e! A thawntu khi a pa ni lovin a nu zawk a nia! Han chhiar tha leh chhin mah la, pa anga a thawnna i hmu miah lovang! :)

    ReplyDelete
  7. Kutsil nan washing machine hman chu a ...ka chhiar nawn leh ngat mak ve...

    ReplyDelete
  8. Hehe.. Pu Hv, an che mak fú a nia! :)

    ReplyDelete
  9. Lehkhathawn hlimawm tak a nih hi mawle.

    email chuan kawrlum chu i thawn ta em?

    ReplyDelete
  10. TS,

    Comedian search ami kha i ni em? No offence.. just curious :)

    ReplyDelete
  11. Khai aw... Pafa lehkhathawn chhiara ka han chhiar ve ngawt chu le... A nuihzatthlak dan a ngai reng tho ve.

    Pu Tsa hi chu Comedian Search ah a tel lovang, pa upa lam, kulmuk tak a nia.

    ReplyDelete
  12. @Triple, kan la inthawn ta lo chu a nih hi maw..!

    @Anon, aw ni e.

    @Pu Cari, i ho em mai a! :)

    ReplyDelete
  13. A va dangdai hlawm em !! Ka khi reng mai.

    ReplyDelete
  14. This comment has been removed by a blog administrator.

    ReplyDelete
  15. A va dangdai ve aw. Ka nu lehkha ni ta se ka a ngaihnawm ka ti thin ngawt ang....

    ReplyDelete
  16. @dolerich, lehkhathawn dangdai chu a ni chiang alawm tiraw.. Hahaha.

    ReplyDelete
  17. eng pawh ni se tinge ka pic hi a lan hnawk ruai a..ka megphawk hraw mai..

    ReplyDelete
  18. @Mapui, midang pawh a nih tho khi.. I thlalak size a lian deuh a nih ka ring. I hmeltha lutuk!

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers