22 April 2011

April Fiamthu

1. Bawnghnute a zuar ve a, fak dân tur a hre si lo. "Bawnghnute tui pawlh loh no. 1 khat cheng 10, pawlh loh tak tak 20," te a ti vel.

2. Doctor sum duh pawh khan a'n duh mai mai. Putar pakhat a inentir ve a. "Ka pu ka thawh thutin ka lu a hai thin a," a tia, doctor chuan, "Tho thut lo la ni mai alawm, khawi cheng 100!" a lo ti tih zawm zat..

3. Doctor: Ka postmortem pa pakhat pawh kha lo dam leh ta ang se, a mâwl tawh ngawt ang.
Tlangval: Ngatinge?
Doctor: A  kal-ah a thluak ka dah daih alawm.

4. Exam-naah khan a'n thiam àwm lo mai mai asin, a hmaa thu hnenah, "Min hrilh ve la, cheng 20 ka pe ang che," te a ti vel.


5. Khawvela mi zawng zawng hi kristian ni vek ila, piangthar vek ila, setana a hrilhhai âwm..!

6. Naupang pakhat pawh kha, "Pawl engzat nge i nih? an tia, "Pawl 7 tur ka nia, pawl 6 ka fail a, ka nawn," a ti zaih zel.

7. Naupang pakhat pawh kha an inkhâwmnaah, "Lazara nge mi hausa nih i duh?" an tia, naupang chuan, "Dam laia mi hausa, thih hnua Lazara," a lo ti zaih!

8. Rinzuala khan sakei kha a hmu hnai asin, "A hmuihmul pawh kha zo purun ang sung a ni," te a ti vel.

9. School naupang pakhat pawh kha class lak laiin kuhva a ei a, an sir-in, "Open your mouth," a tia, a tihngaihna hre lo chuan, "Ha ha ha!" a ti tawp!

10. Zu in mi pakhat pawh kha motor accident-naah khan a na lo pawlah a tang hlauh mai a, a rawn bai chhuak saih saih a, "Pathian-in zu in turin min la duh a nih hi!" a rawn ti heu mai!

11. Thleninpa -  Ka pu, eng nge i hming?
Mikhualpa - R. Beiseia. Nang eng nge i hming?
Thleninpa - Artalhtumlo-a.

Note: Hei hi misual.com-a mi nen a inang lo a nia.
Share:

11 comments:

  1. Mi-1na:- Thianpa, tunah engnge i zir tak zel a?

    Mi-2na:- Ka zir tawhlo, MA kha ka pass ta lo ani

    Mi-1na:- Uai, engtizia nge? Eng harsatna vang nge nita a?

    Mi-2na:- Pawl 8 kha ka pass thei tlat lova...

    ReplyDelete
  2. Fiamthu miah lovin, bawnghnute tui pawlh miah loh hi chi hrang hrang, a man inang lo thluah, a awm tlata ka hriat chu le. Rinzuala sakei hmuh khi a hnaih hmel tiar tiar khawp mai.

    Thianpa, fiamthu hi i va lo hre hnem em em ve le. Tihian, nang chuan thla tinin min tihlimin min tinui ziah bik a, i fel khawp mai. Nuih hi hriselna a ni a, i zarah ka hrisel sawt dawn anih hi. Ka lawm khawp mai.

    ReplyDelete
  3. Cybera chu va hre maksak ve aw..hahaha.

    @Pu Cari, i ti lawmawm thin. Fiamthu hmunpuia chêng kan nih hi le...hahaha.

    Ka lawm e.

    ReplyDelete
  4. Khi sang chungin i fiamthu ka chhiar, ka hrisel phah leh sawt.

    I fiamthu 11-na 'Kapu, eng nge i hming' tih lai tak hi ka helh deuh. Mizo tawngah chuan 'tunge' tih tur niin ka hria. Sap tawngah chuan 'what is your name?' tih ni mahsela, kan tawng chuan 'Tunge i hming?' tih zawk tur a ni lo maw.

    Hei hi chu i thiam loh pawh a ni lova, thlen inpa leh a mikhualpa thiam loh liau liau a nih zawk hmel. Nang meuh chuan i tisualin ka ring lo. tawng kauchheh lamah chuan kan U i ni si a

    -triplestar

    ReplyDelete
  5. This comment has been removed by the author.

    ReplyDelete
  6. Ziah tur tha tak tak i hre thei mange aw, hairehai :D


    Bawnghnute tak, ahlang ang chi hi alo thalo nasa mai mihring hrisel nan.

    ReplyDelete
  7. @triple, ni dawn tak e tiraw.. Tun hma chuan 'eng nge' tih hi dik zawkin ka hre thin a, mahse, 'tunge' tih hi dik zawk dawnin ka hre ta.. Khi pawh khi ka dah lui deuh a nia, remchangah ka lo thlak ang! I mi hrilhnaah ka lawm lutuk e.

    @Pu Hva, chutiang ka lo hre ve ngai hleinem.. Ka bengvar leh ta sawt e. Hairehai!..hahaha.

    Ka lawm e.

    ReplyDelete
  8. A tawp ber khian min tinui nasa zual. Fiamthu thianghlim i ngah hle mai tak a. fiamthu hi ka lawm bawka ka chhiar reng peih.

    mi tehna pakhat chu an fiamthuah a ni thin a, i gentleman hle a ni tih i fiam thuah a lang. tin,fiamthu thiam leh hriate hi mi rilru chak an ni chawk. thnks.

    ReplyDelete
  9. @Pu Rpa, ka lawm khawp mai. Mahse, fiamthu ho khi ka fiamthu a ni vek bik lo a nia aw..!! I mi fakna chu phu lo hle mah ila, ka lawm lutuk e.

    ReplyDelete
  10. Tha zel e Ku TS. A dang pawh a niang.

    ...khrum

    ReplyDelete
  11. @K'u khrum, ka lawm e. Ka lo ti zel dawn nia!

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers