09 April 2011

Riang

Lungngaia rûm
Lungchhiaa insûm
Lungawi lova tûm chu

Thlarau rethei leh riangvai
Thlantui fîmin a bual leh a hual
Thinlung baihvai leh beidawng chu

Sianga riang tura piang
Nun hlimna zawnga ûmtu
Nung tura thih hreh tlat chu

An zalh ta e
Piallei daiah

Awm lo atâ lo awmin
Awm atâ a awm ta lo
Share:

17 comments:

  1. va mawi reuh e. Ka phuah ni awm a ni.hehe.

    I phuah a ni ngei ang a, a mawi ngei bawk e. A inrem dan thleng khian ka duh hle mai.

    James Lianmawia hla phuah ka hre chhuak zawk mai "Ka la thlakhlelh em avangin ka chelh a,a awmah beiin ka tahawh a, 'cham rih rawh aw' tiin ka ngen tak lawm lawm a; mahse ani chu a dai riai riai a, dairial a chang zo ta..." tih kha maw le

    ReplyDelete
  2. A tawi ril leh hle mai. A hlathu bul te khi ka han bih chiang a, i hmingpum lamtawi anih duh hmel te ka ti deuh va. I hlahril thuziak hi, a chepa kai atanga hrilhfiah tur ni ta se, ka inzuam lo khawp mai. Thuziak, fiamthu thawh, lemchan, poem phuah, etc. etc,, i talent hian a huam zauvin a lian tham khawp mai. A dang pawh han ti zel teh khai.

    ReplyDelete
  3. @Pu Rp, ka lawm hle mai. Hlawm khatna leh hlawm hnihna khi zawimuanga ka phuah a nia, post ka duh avangin a bak zawng khi chawpchilh takin. Mi ropui, Pu James Lianmawia hla phuah hriatchhuah phah nana i hmang phei chu ka lawm lehzual e.

    @Pu Cari, chîk leh uluk takin min chhiarsak a, ka lawm khawp mai! I mi fakna zozaite khi ka phu hlawl lo a ni e. Ka lawm tak meuh meuh.

    @Mami02, ni e, riang tak a ni. Riang takin khawvel a chhuahsan ta a nih kha! I lo lenglut a, ka lawm takzet e.

    ReplyDelete
  4. 'Nung tura thih hreh tlat chu' tih lai khi chu a Pathian thu lam zawnga ka rilru-ah a lan daih chu. Mihringte hian chatuan nunna nei tur hian kan mihring mihrinna hi thihsan kan hreh tlat thin, tih lam zawng daihin.

    A tawpna te khi a tawi fel thlip thlep khawp mai. I phuah mawi ril e.

    ReplyDelete
  5. 'Nung tura thih hreh tlat chu' tih lai khi chu a Pathian thu lam zawnga ka rilru-ah a lan daih chu. Mihringte hian chatuan nunna nei tur hian kan mihring mihrinna hi thihsan kan hreh tlat thin, tih lam zawng daihin.

    A tawpna te khi a tawi fel thlip thlep khawp mai. I phuah mawi ril e.

    ReplyDelete
  6. A va tha in
    A va han mawi ve le
    Tlangval TSA thu thiam
    Tluk loh rim nam vengggg veng!!

    ReplyDelete
  7. @Pu Hv, ka lawm e.

    @Triple, ni e, Pathian thu lam chu a hawi hrim hrim alawm! Ka lawm e.

    @Miss aduhi:
    I rawn lenglut chu ka va lawm em!
    I comment tawi chu a va tha nalh em!
    I fakna chu ka va phu si lo em!

    ReplyDelete
  8. Mizo tawng i thiam hle mai a, in ngaihtuah fe hnuah a awmzia ka hrethiam chauh :)

    ReplyDelete
  9. @chhangte, ka lawm lutuk e. I rawn leng lut hrim hrim pawh kha ka lawm. :D Mizo tawng ka thiam loh zia chu ka hria alawm! :)

    ReplyDelete
  10. @chhangte, ka lawm lutuk e. I rawn leng lut hrim hrim pawh kha ka lawm. :D Mizo tawng ka thiam loh zia chu ka hria alawm! :)

    ReplyDelete
  11. I va thiam e, ka copy a nia i hming nen.

    ReplyDelete
  12. @Chicco, ka lawm e. I lo copy duh chu a lawmawm e! I rawn lenglut pawh ka lawm e!

    Ka lawm nawn awn awn e Pu Seki!

    @Ropuia, ka lawm khawp mai. Nang nge nge. I rawn leng lut hrim hrim pawh ka lawm e.

    ReplyDelete
  13. @Chicco, ka lawm e. I lo copy duh chu a lawmawm e! I rawn lenglut pawh ka lawm e!

    Ka lawm nawn awn awn e Pu Seki!

    @Ropuia, ka lawm khawp mai. Nang nge nge. I rawn leng lut hrim hrim pawh ka lawm e.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers