17 May 2011

Hlonuar

1. CHHÛNGKUA: Mimosaceae chhûngkaw zîngah a tel.



2. A HMING
Botanical hming: Mimosa Pudica Linn.
Sap hming:         Sensitive plant/Touch-me-not.
Mizo:                  Hlo nuar

3. A PIANHMANG: Kung sen, nem, zâm chi a ni a, hlîng hlîrin a khat bawk.
A hnah: Lawithing hnah ang maiin a sîn a, a hnah kuang a inhawitawna ṭo tlar chi a ni.

A par: Par tuvu, sendang rawng kai a ni a, July thla leh August thla velah a pâr ṭhîn.

A rah: A kâwm chu inchi ½ vela sei, kawm deuh a ni a, a chhûngah a chî 3-4 vel a awm ṭhîn.


4. A O DUHNA HMUN: Khawiah pawh a ṭo mai.

5. DAMDAWIA HMAN DÂN
A hnah
1. A hnah râwt sawm phîng zâwna belin naupang zuncheh hmangin a ngeih.

2. Taitla tân a hnah tihsawm hi bawnghnute nen in pawlh hila a ngeih hle.

A zung
1. A zung tah tui hi pânah bel ila, a zang a chhuak mai.

2. A zung chhum tui hi in ila, kal leh phînga lungte awm a tisawm thei.

3. A zung sah pawlh, râwt pawlh hi tui nen pawlh ila, vûngin a ngeih.

A hnah, a rah leh a kung
1. A hnah, a zung, a pil leh a hnah râwt pawlh tui sawr hi vûngah hnawih ila, a ngeih hle.

2. Thi-a luak, santen, asthma damdawi leh thisen chakna damdawiah thil dang nen chawhpawlhin an hmang bawk ṭhîn.

'Damdawi Kung te' tih lehkhabu, Saptawna ziah aṭanga lâkchhuah a ni. A bu a hlui tawh viau, a kâwm a awm tawh loh avângin a chhuah kum ka hre thei ta lo va, thuhmahruai aṭangin a ziaktu hming ka hre thei a, kum 198+ tih vela ziah a ni maithei. Post tur a vâng êm a, blog a hmuar hmain ka rawn post a ni e.
Share:

16 comments:

  1. A lem dah tel hrám ka tum a, ka net-in a phal ngang lo a ni!

    ReplyDelete
  2. A bengvarthlak leh hle mai. Hlonuar hi thenkhat chuan Hlozak an ti. A hnah kuang bul hi a puar deuh hlek a, helai tak hi "pulvinus" an ti a. Hei hi a hnah tinuar tu ber a ni.

    Damdawi atan a that tak tak leh tak tak loh hi laboratory ah test thuai thuai nise, a tha takzet anih chuan a rang thei ang berin "patent" vat a tha khawp ang.

    I inchhiar zauna zar kan zo va, kan beng a var leh ta.

    ReplyDelete
  3. Pu Caribou, i rawn sawi zau ka rin avangin i comment ka lo nghakhlel khawp mai a, ka beisei ang ngeiin i rawn sawi zau a, ka lawm khawp mai.

    Damdawi atana a thatna khi Mizo damdawi/ramhmul damdawi a ni mai a, hriatchian chu a chakawm khawp mai.

    ReplyDelete
  4. Bengvarthlak e.

    Hlonuar hi a hnah nuar miah lova la thei hi chu zaidam tak an ni an ti thin. Nuar lova lak tumin kan inlaksiak fo, a har khawp mai.

    ReplyDelete
  5. @triple, ka lawm e. Keini hriat dan thung chu nuar miah lova lak theih chu hausakna tih a ni thung a. Nuar hma leh nuar har deuh te hi an lo awm ve niin ka hria.

    ReplyDelete
  6. Naupan laia kuthleiin sava veh dawn paha Pu P.Lalupa te kawmthlang lama kan khawih kan khawih bak kha ka hre thui reng reng hleinem. ALo van hlu vele.

    A bengvar thlak thin e.

    ReplyDelete
  7. @Pu Hva, thil hi i hre rei thei khawp mai. Ka lawm lutuk e.

    ReplyDelete
  8. Vawiinah kan school naupang ho nen hlonuar hmun kan sam hrep thung mai. Kan inanglo hlawm viau ang a

    A bengvarthlak khawp mai, good post

    ReplyDelete
  9. @Cyber, i rawn lenglut chu ka lawm khawp mai. Hnawksak tham khawpin in sikul velah a tam a ni maw.. Kei chu hlonuar ka hmu khât ta raih raih khawp mai.

    ReplyDelete
  10. Mimosa pudica hi ka lo zir ve hrep tawh a sin.. Lei tih thatnan a tha tih pawh ka lo zirchhuak ve tawh a.. He hnim hrim hrim hi a character dangdai lutuk hian mi a hip bik tlat a sin.. A zung densawm chhumtui hi Kal tha lo tan a tha an ti

    ReplyDelete
  11. kan khua ah chuan avang khawp mai,takina,a hnah vuai miahlo a lak tumin vawi tam ka hlawhchham tawh!lol!

    ReplyDelete
  12. @Xingibera: I comment chu a bengvarthlak hle mai. Hnim dangdai tak chu a tling ve khawp mai.

    @zaia: Thil har tak chu niin ka hria. Kei pawh ka hlawhchham ngun mai.hehe

    In lo lènluh avangin ka lawm takmeuh meuh a ni.

    ReplyDelete
  13. Hetiang hi collect na an siam a, mizodamdawi.blogspot.com ah a comntri theih

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers