23 May 2011

Hmán leh tûn

Kum 100 kal ta (1910) khan car hi khawvel pumpuiah 20,000 aia tam lo a awm a, tûnah chuan 1 billion a awm tawh; a zâtve chu USA-a mi a ni.

Kum 100 kal taa motor speed average chu 10 mph (16km/h) a ni a, tûnah chuan 30 mph (48.28032 km/h) a ni tawh.

Kum 100 kal taa building sáng ber chu Eiffel Tower niin 1063 ft (324 metres)-a sáng a ni a, tûnah chuan 2640 (800 metres)-a sáng, Burj Dubai a ni.

Kum 100 kal ta khan chawhrualin hmeichhiain artui hnàng hi shampoo-a hmangin thla khatah chumi hmangin vawi khat an lu an su âwk a, tûnah chuan shampoo chi hrang hrang 1000 chuang hmangin kârtin lu an su tawh.


Kum 100 kal ta khan Cannabis leh heroine hi damdawi dâwrah awlsam taka lei theihin a awm reng a, tûnah chuan Cannabis hi zawrh phal a ni tawh lo va, zu dâwr erawh khuahkhirhna hnuaiah a awm thung.

Kum 100 kal taa mihring thihpui tam ber chu Pneumonia leh hritlâng a ni hîn a, tûnah chuan lungphuchâwl, cancer leh motor accident hi thihpui tam ber a ni.

Kum 100 kal ta khan United States-a mihring awm zawng zawng hi maktaduai 92 niin khawvel pumah chuan tluklehdingawn 1.7 a ni a, tûnah chuan US-ah mi maktaduai 100 awmin khawvelah mihring tluklehdingawn 7 ngawt an awm tawh a ni.
Share:

11 comments:

  1. A bengvarthlak leh hle mai. Kum 100 liam taa Mizoram leh tun hun pawh hi han khaikhin chhin ta ila, mak tih tham tur khaw a va tam dawntak em. Tun atanga kum za a liam leh meuh chuan kan Zoram hmelhmang pawh hi a danglam nasa ngawtin ka ring.

    ReplyDelete
  2. Bengvarthlak hle mai.
    mahse motor speed khi ka hresual nge 30km/hr lek anih ka ring lo deuh!!

    ReplyDelete
  3. @Pu Caribou: Ni e tiraw.. A danglam zia chu thlalak atang ringawt pawhin a langchiang thin khawp mai.

    @sisen: Huiham! Mi chengvawng tak nih loh hi a pawi a ni. Ka source pawh ka hre tawh lo. Mahse, tunah USA motor speed chu 50-80 mph a ni a, khawvelah chuan 30 mph (48.28032 km/h) chu a âwm lo lutuk lovin ka hria.

    In lo lènluh avangin ka lawm takzet e.

    ReplyDelete
  4. Hnial hrat leh lawk...average speed tih nise chuan a dik ka ring, mahse a hma chiah thu khi...'speed sang ber' tih a ni sia, 30mph hi speed sang ber emaw tih a awl e.
    engpawhnise, hriatna a tizau, maipawl kan pu leh ta, a tha ka ti

    ReplyDelete
  5. Hahaha.. Ka tlawm ta e. Average speed chu a ni chiang. Ka'n edit nghal vat ang e.

    ReplyDelete
  6. Bengvarthlak hle mai.

    Inchhawng sang ber Eiffer Tower Tih khi Eiffel Tower tih zawk tur a ni lo maw, ziah sual palh a nih ka ring e.


    -triplestar

    ReplyDelete
  7. @triple, a ni dawn tak e maw! Tisual nuai mai a nih khi a.. Ka thlak nghal e. Ka lawm lutuk e.

    ReplyDelete
  8. i zarah kan bengvar leh ta sawt mai,hmeichhia lh mipa inkar hmangaihna lam hi han sep rawtui ve teh a,ha ha

    ReplyDelete
  9. @zaia: Nia mawle! La rawn tih ka tum dawn nia. I rawn tlawh thin a, ka lawm khawp mai.

    ReplyDelete
  10. Motor speed khi khawilai a teh nge aw. Cannabis hi California county thenkhatah leh hmun dangah pawh phalna neia lei theihin zawrh a ni.


    US ah tunah hian million 300+ mihring an awm.

    I post bengvar thlak thin mange aw.

    ReplyDelete
  11. @Pu HV, ka zawn ngial paw'n kasource ka hre tawh mai lo tlat! Cannabis hi phalna neia zawrh phal a nih loh thu a inziak a. I comment a bengvarthlak khawp mai. Ka lawm e.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers