20 July 2011

Tunge ka nih?

* Mi thil ka awt a, neih dân ngawt ka ngaihtuah hîn; chutih laiin mahni thil pêkchhuah harsa ka ti leh ém êm si.

* A thlâwna thil neih hi a nawm ringin ka châk ém êm a; mahse, a thlâwna neih theih hi pakhatmah a awm lo tih ka hre dêr si lo.

* Mi zawng zawng hi ka duhdân leh
ha ka tihdân anga nung tura ngaiin, ka rêl zawt zawt hîn a; mahse, mi min sawi ve dân tur ka ngaihtuah ngai si lo.

* Mi
anpui nana sum neih nei lo leh phal nei hauh si lovin ka duhzâwng lei nan chuan neih loh leh ui réng ka nei dêr si lo.

* Ka nundân leh khawsaknaa midang inrawlh ka hmuh theih loh viau laiin ka duhdâna midang an awm loh hian ka thinrim viau lawi si.


* Mahni intodelh leh thawhchhuah nei miah lovin incheina ka duh sâng fú si a. Chhûngte thawhchhuah sa aiin ka thawhchhuah sa mil tâwk tè tè-a incheiin ka mawi zâwk a ni tih ka hre dér si lo.

* Ka neih, ei leh in leh thil dang zawng zawng hi a thawha thawhchhuah sa vek a ni tih hre reng chung siin hnathawh ka zak tlat mai bawk si.

* Phuba lâk hi hnehna emaw ka tih laiin hmêlma leh buaina a hring a ni tih ka hre dêr si lo.

* Biak Inah ka kal a, thawhlâwma Rs. 20 ka pêk chuan ka neih bâk bâk thawhah ka inngai
hîn; mahse, bazara ka kal chuan Rs. 20 lek chu eng thamah mah ka ngai leh si lo.

* Biak In chhûnga darkar hnih vêl ka
hutin rei ka ti ém êm a, TV en/computer games khêlh nan darkar hnih chu ka kham leh chuang si lo.

* Bible bung khat pawh ka chhiar peih loh viau laiin thawnthu bu ngaihnawm deuh ka chhiar chuan a phêk tam leh tam loh ka ngaihtuah chang dêr si lo.

* Biak In leh Kohhran thiltihna tura hun ka neih dâwnin, inpuahchah nana kâr hnih vêl tal ka neih loh chuan chawpchilh ka ti a; thil dang ka phûrna deuhah erawh chawpchilh takin ka ti zung zung thei tho si.

* Chanchinbu leh TV-a thuthar an puante ka awih zung zung laiin Pathian thu ka hriatte leh a thiltih makte ka la ringhlel fo si.

* Vânrama hmun chan ka duh viau laiin thleng turin thih ka hreh leh viau bawk si a.

* Engati nge thil
ha tih hi ka harsat ém êm laiin thil sual tih hi a ha zâwk emaw ka tih tlat hin mai le?

Kei hi tunge ka nih teh hrep le aw..?!!
Share:

23 comments:

  1. A tam zawk khi ka lo ngaihtuah ngai miah loa, ka in bih let a, siam that ngai ka lo tam hle mai,.. a tha lutuk i post hi!
    Ka darthlalang nise, nitin a, in enletna nifo tur hian save keuh teh ang! A tha lutuk, lo tizel rawh khai. Duhlo chung chung in maipawl min puttir a, mahse kan thatna tur alo nizawk si

    ReplyDelete
  2. A va tha hlawm e aw.... Ka chhiar thla zel a, ka tlim tawk lohna ka hmu tam tulh tulh a, mahni insiamthat ka ngaihna a lo tamzia ka hmu chhuak chiang kher mai. Kei pawh hi eng teh ual nge ka lo nih bik tehreng le? I thuziak hi ka tan chuan inzirna tur hlir a lo ni.

    ReplyDelete
  3. Ohhh..Philosophy of Life lam a ni a. Tha hle mai!

    Ka duh vek a zavai hian. Ka lo save e.

    ReplyDelete
  4. i ziak ngaihnawm thlawt e. Keini zawng hman loh nen kan hul ngar ngar mai a nih hi. han ti zel teh.

    ReplyDelete
  5. @Hmelthatea: Ka lawm e! I blog ka la hmang tangkai zel a nih hi!

    @Pu Caribou: Ka lawm thin e. Min tiphur leh min tichaktu i ni e.

    @K'u Krista: Ka lawm e. 'Krista nen in inhria em ni?' titu ka tawng ta zeuh zeuh mai. :-)

    @Pu Rpa: Nia, i blog a reh teh a nia. Lo update vat rawh. Ka lawm e.

    ReplyDelete
  6. Midang hian i thu ziah ang hi ziak ve ta sela an ziak ngaihnawm ve thiam angem aw, ka ti ta fo mai. A tha thin thlawt a ni.

    ReplyDelete
  7. Ngaihnawm thin khawp mai. I blog hi engtizia nge ni nimin piah lam atang tawh khan ka lut thei miah lo mai. removed tawh a inti zel a. Hei zanin chu ka lut thei mial e. Hetiang lam hi i ziak thiam khawp mai. Han ziak zel teh.

    ReplyDelete
  8. I ziak tha khawp mai, template thar a nalh bawk.

    ReplyDelete
  9. @Pu Hva: Em em thina che! Haha.. Ka lawm lutuk e.

    @Noddy: Nia, a URL ka thlak a. Chhemdam tiin ka thlak a, ka ngaihtuah chiang a, ka blog min hlutsaka an blog-a ka blog link min dahsaktute an lut thei dawn lo tih ka hre leh sia, a ngai angin ka thlak leh vat a nih hi. :-) Ka lawm e.

    @Sangpuiipa: Ka lawm e. :-)

    ReplyDelete
  10. This comment has been removed by the author.

    ReplyDelete
  11. I sawi zawng2 deuh thaw khi ka nun ah ka in hmeh bel thei. A va tha tak em! Sermon tam tak aiin a tha zawk.

    ReplyDelete
  12. @Chhanapa: I lo tlawh avangin ka lawm lutuk e. I hman chang changin i lo lut fo dawn nia.

    ReplyDelete
  13. sawi sel tur a awmlo.ka in ngaihbel deuh in ka in hria.heee atha ka ti lutuk in ngaih tuah chiana tham anih hi,chhiar man a awm khop mai.i post ka chhiar hian zir tur ka neih belh ziah mai a,anuam kati in chhiar man a awm kati khop mai,ka lawm e.

    ReplyDelete
  14. Engemaw zat khi ka ni chiah. Darthalanga inen, a nuam lo fu mai!

    ReplyDelete
  15. @omom: A va lawmawm thin em aw.. I mi faknate hian min tichakin min tiphur thin khawp mai.

    @mesjay: I lo leng a, ka lawm e. I lo leng thin dawn nia. :-)

    ReplyDelete
  16. Ni tina hriat chhuah fo atan a va tha ve aw, ka nitin nun hman dan nen ka han inchhut let a, ka tlin loh zia ka inhmu uar uar mai.

    -triplestar

    ReplyDelete
  17. @triplestar: I reh riauvin ka hria :-) Ka lawm e.

    ReplyDelete
  18. Hringnun chanchin fiah takin i tarlang e. Thiltha tih kan tum laiin sualin minlo phuarbet thin a ni. In ngaihtuah harh a thiltha lama ke pen a pawimawh khawp mai. Kan duhthlanna dik tak leh mite tana malsawmna ni tura hmang turin.

    ReplyDelete
  19. A dikin a va tha hlawm kher em. Kan chhiar nawn tluk2 mai.

    ReplyDelete
  20. A dikin a va tha hlawm kher em. Kan chhiar nawn tluk2 mai.

    ReplyDelete
  21. Tlangval HUGO ;-) I ril thei hle mai! KA van duh hlawm tak em!

    ReplyDelete
  22. @Pu Duhawma: Ka lawm e. I comment a tawiril khawp mai.

    @Unknown: Ka lawm e.

    @Sekibuhchhuak: Ka lawm e. Hugo-a Pa!

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Powered by Blogger.

Ka luh ṭhinna

Followers