10 October 2011

Keini chu thingtlângmi kan nia, kan mâwl a nia!

Ni 10, October 2011 (Thawhtanni)-a Ramhlun South-a thil pawimawh ti-a ka kal haw chu bus-ah ka chuang phei a. Israel Point kan thlen chuan khua a thim tan tawh a. Bus stand-a kan din lai chuan nu pakhat sam kir bap leh pa pakhat hi an fanu ni âwm tak nen an lo lût a. Chutih lai chuan chhak lama Zoen Electricals Store chhûnga current êng vel chu pâwnah a rawn inkâp chhuak a. A kawt kawngpui vel chu rawng hran hranin a rawn kâp êng sep sep a.

Chu chu an hmuh chuan lo lût pathumte chuan mak tih hmêl takin an thlir thap a, an râk chûl a. An paber phei chu a bus chhûnga a lanchian deuhna laiah a phei a, ding meuhvin a thlir a.

Inngaitlâwm takin, "Keini chu thingtlângmi kan nia, kan mâwl a nia," a ti deuh sek a. A bula nula naupang lampang thutna bula thutna âwlah chuan a thu a. "Khi khi Ênga dawr a nih khi," a ti a ti mai a. A fanu lah chuan, "Khi, kawngpui pawh a êng sep sep mai, a mawi lutuk," a ti chûl a. An nuber chuan inthiam loh hmêl taka midang en zuk zuk chungin a va en bawk a. An tân chuan hmuhnawm a tling.


Kan tlân a, bus fare an rawn khawn a. Paber chuan, "Pariat hmun thum sawmhnih pali," tih pahin, "Sikulpuikawn," a ti lauh va. Pawisa a pe a. A bula nula thu chu thil a zâwt mawlh mawlh a, conductor pawh a nui vur vur a. Nuber leh an fanu chu tukverh lam an hawi chhuak a, inchhâwng sâng tak tak leh thil dang dangte chu an en zui ngawih ngawih a.

Chutah chuan he thil hi ka ngaihtuah zui veng veng a.

Engati nge thingtlângmite hian thingtlâng kan nih hi kan inhriat viau le? Kha patling pawh kha khawpui paho ai chuan a fing zâwk hauh lovang. Mahse, "Keini chu thingtlângmi kan nia, kan mâwl a nia," a ti kher khan ka thinlung a vit khawp mai. Hetiang thinlung kan putna chhan hi eng nge ni ta ber ang le?

Thâwkkhat lai khan khawpuimite hian thingtlângmi hi kan hmusit viau thin a. Tun thleng hian hmun thenkhatah chu chu a la awmin a rinawm. Chu thingtlângmi kan hmuhsitna chu thingtlângmite hian kan hai lo va, khawpuimite bulah inngaitlâwm leh inthlahrung dâkin kan awm fo. Hei hian thil tha aiin thil tha lo zâwk a thlen a. Thingtlângmi nih avânga mahni inngaihhniam riauna te, mâwl bîk ta viauva inhriatnate a thlen a, hmasâwnna kawngah min tithuanawmtu a ni fo.

Thingtlângmite hian khawpuimite tih theih chu kan ti thei ve vek a, kan rilru pawhin a tlin a ni. An zirna anga zirna kan neih loh vang te, kan khawsakna hmun inan loh vangtein kawng tam takah kan tluk lo mai zawk a. Chutih rualin khawpuimite pawh hian thingtlangmite chu kawng tam takah tluk lohna a nei ngei ang. Kan awmna hmun a zirin kan thiam leh tih theih a dang a, chu chu kan inpawm thiamsak tawn a ngai a, tangkai taka a kalkawp theih chuan thil ropui tak a lo chhuak thei a ni.

Thingtlângmite hian thingtlangmi nih avanga mahni inngaihhniamna thinlung i pu lo teh ang u. He kan rilru hi min tichak lotu leh kan dinhmun tihniamtu a ni zawk e.

(Tawngkam thiam loh luat a leiah ka sawi tum pawh ka sawi chhuak thei lo. Chhiartute'n ka sawi tum chu in man vek tho chuan ka ring e!)
Share:

21 comments:

  1. Hmasawnna leh thil tha zawng zawng khawpuiah a awm vek a, a chuangbang tlem azawng thingtlang lamin an chang ve chauh thin. An chanai hmanga inla milian tam tak an awm ka ring bawk. Development kuangbang zut phak lo thingtlang khua tam tak an awmin ka ring hial. Thil man engkim a to tawh si a, thingtlanga loneih ringawta eizawn chu a hautak tawh awm mang e tiin ka ngaihtuah fo thin.

    Thingtlang lamah hian pa fing tak tak, pa rawn tlak leh thluak tha tak tak an tam; mahse hnuchhawn ramah an awm miau si a, an tan kawl a eng ve tak tak thei thin lo. Zopa, thingtlangpa, thingtlang pamawl tih tawngkam te pawh hi hman fo loh a tha asin. Thingtlanga chengte hi ei leh barah an intodelh hle a, khawpuia chengte chawmtu ber an ni, kan hmun hniam ngawt theih an ni lo. Anni pawh inhmu hniam ngai miah suh se.

    ReplyDelete
  2. Chhemdam Thli hi thli chhia a ni ngai lo va; cyclone angin a rawng lo bawk! Nunphung kai hruaithei chi a lo chhuak leh ta. Tha thin e...

    A tawk chiaha intih thing tlang mi nih hi ka tuk fo thin. Mahni nihna- identity hlauh hi thanmawh bawk diktak niin ka hre ve tlat.

    Tuna i tawn mek hi tlemin a uchuak deuh hlek a nih hi a. An chanchin pawh a ngaihnawm e.

    Thingtlang khua atanga lehkha zir khawpui naupang anga khawsak tum ve ngawtte hi an hlawhtling ngai mang miah lo. Sam tih phir leh incheina to tak takah an luang rala an chhungte harsatna leh an khua an chhuahsan chhan an hai tlat zel.

    Ka sawi tam em mai a! Ka vei zawng tak a nia, ngamtlakah i bulah ka lo sawi mai mai a ni e. I ngaihdan a tha.

    ReplyDelete
  3. A ni ngawt tak a sin, thingtlanga pianga seilian tam tak hian mahni inhmuh hniamna neih hi awl khawp mai. Kei hi thingtlanga piang, high school pawh thingtlanga zo thak ka nia, thingtlang nun hi chu ka hre ve thawkhatin ka hria.

    Ama'rawhchu khawpui, abik takin aizawl mi nia kan hriatte kha an lo changkang vek bik lo tih ka hriatna pakhat chu :- thingtlnga kan awm laiin kan kawm rualpui pakhat hi aizawl atangin a rawn zina, zaithiam kan tih zawng lah an audio cassette chungchang vel kan sawi lai chuan, ani aizawl naupang ber chuan,"Keini pawh Tape kan nei" a rawn ti ta maia, aizawl naupang tia kan lo ngaihsan rilruk lai khan, ngaihsan ang he hu khan a lo sang vak bik lo a lo ni.

    He thu ka han sawi chhan chu, inti khawpui mi em em zingah pawh hian thingtlangmi te tluk lo tam tak an lo awm ve reng a ni tih hriat nan a ni.

    Ka tupa (ka farnu fa) hi thingtlang In 40 vel khua ah zirtirtu hna thawk turin a kal dawn a, ka fuihna chu, "An ni aia thingtlang mi zawkin han awm ang che, han inti aizawl mi reng reng suh" tih a ni. A han zawm a nih ka ring, a thawhna khua ten an ngaina in kohhran leh khawtlangah pawh an lo hmang tangkai khawp mai.

    Ka han ziah tak duah chu a.

    -triplestar

    ReplyDelete
  4. "Mi fingin ka fing an tilo," tih chu a dah zero hlauh anih hmel. A takah a vervek ngawtin ka ring, tlat mai a!


    Lungleng khaw ho, Tlangnuam lam atanga ke ngata Aizawl bazar an rawn kal thin lai khan kan in hi an chaw fakna ber pakhat ani thin.

    Kapu khan khawpui zia an hriat nan tiin, zan hnih/khat tal riak turin a sawm ngat2 fo mai. Anni erawh chuan an khua an thlahlel lutuk chu uite vawihkhum an sawi ang mai hian an za sek lo chauh kha ani thin si a. Ka pu mangang chuan, "Mawl chintawk hi a awm ngai. Kha Nghathu hi zuk tuh rawh u. Marble te hi ching ula ti nia," hi a ti hrep thin.

    Tun hnu hian ka pu thurawn la lova lang (lehlang) zela Aizawl an rawn kal thin kha pawi an tih thu an sawi fo mai. "Khawvel in min tlansan.." an ti a ni ber awm e.

    ReplyDelete
  5. Ni e, sawi kher lo se, a mawi zawk ang tih ka ring. Thingtlang chhuak, thingtlang tlangval chu achhapah matric result nil reng reng thin school atanga chhuak ka ni na a, mahni tawka in-upgrade erawh ka tum ve thin, ka phak tawkah.

    Khawpui zia ka huat deuh chu-kan khua an lo kal hian(hmelhriatte bik)hmun danga an thlen hian tlawh-chhuak turin min beisei a, an khuaah tlawhchhuak turin min beisei leh bawk a, min tlawh ve hi an tum lo reng reng-'i va rawn lang har ve' te hi an ti zaw mah thin a; chuvangin ka sual a tichhuak a tumah tlawh hranpa hi ka tum bik lo hial thin.

    Chanchinte hi(chhungteah pawh) va report-tu tur zawkah hian min ngai a, anmahni lam chuan rawn sawi hi an tum lem lo viau thin a, ka sawi peih bik lo thin-sual min ti maithei mahse ka chapo pawh a ni mahna...

    ReplyDelete
  6. @Pu Caribou: I comment a tha kher mai. Mahni indahhniam lutuk hian midangte hmuhah min tihniam ve thei tlat ka ti.

    @K'u Krista: A dik khawp mai. Mahni nihna theihnghilh thaka khawsak chu a tha ka ti chuang miah lo!

    @Triplestar: I comment a ngaihnawm khawp mai. Ni e, khawpuia awm chu a tlangpui thuin an hawiherah pawh a hriat deuh va, chutih rual chuan nikhua lo ve tak tak pawh an tam khawp a. Chuvangin thingtlangmi nih avanga inngaihhniam luat hi a tha ka ti lo khawp mai.

    @Pu Hva: Mahni inher rem zel hi a pawimawh khawp mai. I comment ang khian, mahni thlen chin apianga hmasawn tum miah loh hi inchhirna a ni fo reng a ni.

    @Pu Rpa: Ka rilru dik tak i rawn sawi chhuak! Mi tlawh pawh tum lem lova kan tlawh loh avanga vui thinte hi thianah pawh ka kawm rei thei ngai lo. I comment zet chu ka ei duak duak a ni ber e!

    Thian duhtakte, buai chung chung pawhin in lo leng lut hram hram a, thu fahrah te te pawh taima taka min chhiarsakin comment hlu leh ngaihnawm, tha tak takte min hnutchhiahsak thin a, ka lawm takzet a ni.

    ReplyDelete
  7. Thingtlang atang hi chuan kan ram khawpui ber (Aizawl) hi chu a ngaihsan awm em a ni. Kei ka tan chuan london, ny, mumbai etc.. tih ho vel ai chuan ka ram Jerusalem a ni e. A chhunga cheng mizo nen hian ramdanga awze ho ai chuan ka thlang zawk e.

    Nia, post-tupa mawl deuh a inngai tlat i tawn chang pawhin, tu ta bik mah a nilo tih leh, mizoram khawpui chhuanawm zia leh a ta a nih zia a theih ang angin lo hriattir thin turin ka ngen a che. (Y)

    ReplyDelete
  8. Thingtlang mi dik tak ka ni a. Ka rilru erawh a thingtlang tih ka hria a, mahse, ka thingtlang mi nihna ka sawi ka sawi ngai lem lo. Ka sawi kher ngai lovin, a hria chuan hria sela, ahre lo chuan hre lo mai rawh se tih hi ka ngaihdan a ni.
    Khawpui mi ang takin engkim ka ti ve tur tihna pawh a ni chuang lo.

    ReplyDelete
  9. keini chu thingtlang mi kan nia tih chu.. keini chu mirethei kan nia..tia mahni retheihna chapopui and chiah hian ka ngai..tupawh thingtlang origin nei vek kan nia..tuna asawi tu ngei pawh kha "thingtlangpa, i mawl em? tiin han zawt chiah la, thingtlangpa leh mimawl a intih leh tih loh chu a lang chiang ngei ang.

    ReplyDelete
  10. Dawt sawi miahloh chuan Thintlang kilkhawr tak atang a rawn kal hi chu a hawiher reng reng hi a diklo tlat thin. Ka hmuhsitna lam pawh a ni chuanglo a.

    Vawikhat Biahte khua atang hian tlangval pakhat hi a rawn zin a, kan thenawmah a thleng a. Tumah vak kawmtur a neih loh avang khan min rawn kawmngaih ve em em ringawt a. Lenchhuah puiah min sawm thin a. Camera nen ngei mai khawlai a thla lak sak tur a min phut tlat thin kha chu awm a nuam teh chiam lo. Mahse amah ka hmaizah ve sia, nuamlo ti chungin chungin Aizawl khawlaiah kan hmet de ta chuai chuai a nih kha. :-P

    Khawpui leh thingtlang a seilian chu a in an theih ngailo. Khawpuiah na na chuan Facility te, Environment te leh mihring hrim hrim kan lo advanced deuh tawh vang pawh a ni mahna.

    ReplyDelete
  11. Chuanin kan insawithei ve lawks :-P

    Thintlang lamah chuan Aizawl mi na na chu minlo ngaisang deuh a ni ang engteh ual nilo mah ila. Ka Ni(Ka Pa cousin) hian Darlawn mi pasalah a nei a. Chumi tum chuan karkhat vel Darlawnah kan han cham a. Kan cham chhung khan nula lenpui tur kha an awm ve deuh reng :-P A chipchiar chuan sawilo mai ang. :-D

    P.S. Thintlang ka la kal vaklo a, Darlawn khua kha chu ava han nuam tak em. A khaw inzar dan kha a fuh tawp. Zu pawh a tam :-P

    ReplyDelete
  12. @Chhuaklinga: A ni khawp mai. Ram danga awm tan hlei hlei Aizawl hi chu a thlakhlelhawm ang. Ka lo hrilh zel tawh dawn nia. :-)

    @lra: I ngaihdan kha a hahdam mai ka ti! Chhuang ni hauh si lova mahni nihna sawi fo hi midang tan pawh ninawm tak tur chu a ni viau a nia.

    @hehe: Nia, keini chu 'chu e kha e' tih ching ho hi chu an ninawm khawp mai. Mi inngaitlawm uchuak deuh hi chuan lawm an hlawh lo.

    @Alejendro: I ti duh e, thingtlangmi ka nia, Aizawla han awm vang vanga haw leh chang hian a nuam pha tho nia..hahaha. Khawpui mi tan chuan thingtlanga zin chu thalai tan a hrehawm loh. Nula an nih chuan inleng an ngah em em a, tlangval tan lenna tur hlir. Anmahnin min biak that loh chuan an nu leh pate talin min betha tho tho..haha.

    I tlangval sawi ang chi hi chu thingtlang mi an nih vang pawh ni lovin amah hrim hrim kha a hawihhai vak lo a ni ngei ang. Hetiangah hian lehkha zir miah lo hi an hriat thin khawp a nia, hmuhsitna ni lovin.

    Thian duhawm tak tak te, i comment tha tak takte avangin ka lawm takzet a ni.

    ReplyDelete
  13. Kei pawh nu leh pa Champhai khua ve tho ka ni a, a nihna takah chuan thingtlang mi vek kan lo ni e. Alejendro chu Aizawl khawlaia thlalak chu a lo zak a ni maw, keiin nuam ka lo tih tehreng nen. Tunkum ka lo haw te khan sin Inrinni zing bazar ah arsa te, sarep te, chawhmeh, engkim mai kha thla ka la a, ka bazar pui ten min ning thei ras. Chapchar Kut phei kha chuuu ka duh duh kha an thla lak ka dil tawp. Mi in thla min lo laksak an tih leh ka laksak hmiah, a hek lo e, delete leh tur tho kha nia :P

    ReplyDelete
  14. TuaiSialA, comment ah reply button i dah ve sia a reply theih miah loh.

    aduhi, tunah chuan enge a an ang ka hrelo. Ka sawi hunlai hi chuan Burmese ho bak in khawlaiah thla an la ngailo a. :-P Anihna takah chuan Ka Pa Pu hi Thiak khaw chhuak a nia, Aizawl a pem hnua ah ka Pi (Ka Pa Nu) te pawh an piang a.. Chuan Ka Nu lam ve thung a ka Pu hi Reiek khaw chhuak a nia. Aizawl a pem hnuah ah ka Nu te unau pawh an piang a.. Thintlang khua ka intih ve tho chu a ngai i tihna emni? :-P

    ReplyDelete
  15. @Miss aduh, i rawn lenglut a ka lawm e. Champhai khawchhuak ve tho i nih chuan VaiVa te nen pawh in inhlat vak dawn loh chu a. :-P Ni r'u!

    @Alejendro: Nia, he blog template hi siam sa ka download, ka hman mai mai a nia, reply button kha a hming mai mai a nih hmel..he2. Han inchhui han inchhui thui zel chuan khawpui mi tak tak hi Mizo zingah kan awm dawn hauh lo mai a. Chuvangin thingtlang mi chu tuman hmusit thei bik kan ni law.. Ka lawm thin e.

    ReplyDelete
  16. @Alejendro, Thintlang nilo in Thingtlang. Biahte nilo in Biate. i tisual palh nge i uang.. he he

    ReplyDelete
  17. A dik khawp mai. Kei pawh thingtlang mi kania, mahse ka mawl lo....:)

    ReplyDelete
  18. @Rohlupuia, a type sual a niang..:-)

    @Sangpuiipa, kei pawh...hehe.

    In lo lenglut a, ka lawm e.

    ReplyDelete
  19. I blog tlawh a manhla thin khawp mai. A ngaihnawm thin khawp mai.

    ReplyDelete
  20. Ts chu i ziak ngaihnawm e... Thingtlang life hi a nuam ka ti. Aizawl chu a laklawh tih chang ka ngah!!

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Powered by Blogger.

Ka luh ṭhinna

Followers