16 November 2011

Chhêmdam Fiamthu - 1

1. Pitar hmeithai beng tha vak tawh lo pakhat hi zanah misual rual hian an rawk a. "Ka pi, i nunna i la duh chuan i neih zawng zawng min pe vek rawh; a nih loh chuan.." tiin an chemte kenin an tin vel a. Pitar chuan, "Mimâwl ho, tunge zan zanah chemte zuar ngai a?" a lo ti daih!

2. Hmeltha chhinchhiahna a nei kim vek. Biangsum pahnih, khuavang, khabe phir — a'n nui chiah mai chu kel chiah chiah.

3. A thiante'n, "Eng vangin nge zu i in tâk reng mai le..?" an tia, ani chuan, "I unaupa neihchhun Rangvamual-ah awm se, i nu Phunchawngah awm se, nang Melthum-ah awm la, i in lo bik dawn em ni?" a lo ti hlur.

4. Kan thianpa pawh khan miss call a dawng a, a call lêt a. "Tunge mi biak, biak che min tum mi, tu biak nge mi biak!" te a ti vel a, an ngawi vung vung a, "Mâwla," an tia, an dah daih.


5. Chini hmuam chungin âng phuauvin a muhil a, a muthilh hlânin a chini hmuam fanghmir-in an lo thiar kuit vek.

6. Nupui ngam lo tih takah an nuin a koh changte hian a phu zuk phawt a, a eih chauh zel.

7. Mi pakhat hian lumehna dawrah a lu a mehtir a. Hmeichhe pakhat hian hmanhmawh hmel tak hian, "U Hming, in in a kâng; i nupui fanaute pawh an kâng nasa," a rawn ti a. A lu meh pawh ngaihtuah hman lovin hmanhmawh takin an in lam pan chuan a tlan haw vat a. Kawng chanve a thlen hnuin Hminga a ni lo tih leh tlangval a la ni tih a inhrechhuak thut a, hmanhmawh zetin ha siamna dawrah a tlan lut fua.

8. Tlangval pakhat pawh hian bialnu zahmawh sawi hrât deuh mai a nei a. Tum khat chu sms ruak (blank) a thawn ve ringawt a, a bialnu chuan, "Ngati nge a? I va rawn thawn ruak kêng kûng ve," a rawn ti hram.

9. Mi pakhat pawh kha an sir-in, "Chingal hi saptawngin eng nge?" a tia, naupang chuan, "Lushai surf," a lo ti hmiah.

10. Mi pakhat piangthar ve pawh kha a thiante'n thil rei lo sawi nan an hmang.

Ka fiamthu blog kha blogger lam chiang lo nge, mi'n lo hack-in an lo remove zâwk ni, ka lut thei ta si lo va, (Sorry, the blog at fiamthuhuang.blogspot.com has been removed a inti zel) hetah fiamthu ka rawn dah leh zauh zauh thin tawh dawn nia.
Share:

21 comments:

  1. Fiamthu huang liau liau atana thahnemngai taka i siam blog ah i lut thei lo chu a pawi hle mai. Engti zia nge maw ni dawn le. Mite tana hlimna thlentu ber fiamthu hlir dahna blog te chu "misual tawpkhawk" tan lo chuan han in hack sak chi pawh niin ka hre lo. Enge maw titia i luh leh theih hram ka beisei khawp mai.

    Lumehtir pa khi a va haihawt chaingkuang e aw....

    ReplyDelete
  2. @Pu Caribou: Ka lawm thin e. Fiamthu Huang blog chu tha leh mai turah ka ngai deuh. Hetiang hian midang pawh a awm fo tawh a, a tha leh mai zel a..

    ReplyDelete
    Replies
    1. I fiamthu pakhat hmanlai mizo upa zahmawh fiamthu kha ka va han chhiar lehchak tak

      Delete
  3. A va common lo hlom ve, ka nui kur2 mahniin :) Blog a tha hle mai

    ReplyDelete
  4. @A_es: I lo hlimpui a, ka lawm e. :-)

    ReplyDelete
  5. Ka va nui nasa!! # 6 leh 9 khi!! ha ha ha!! TS, Vitamin min pek leh avangin ka lawm e! rawn ti zel rawh aw...

    ReplyDelete
  6. @Pi Ma-i: Ka lawm thin ngawt mai. Ka lo ti zel dawn nia.

    ReplyDelete
  7. Zan rei tawh ah kan nuih huk chu le. I ti lawmawm thin e.
    Chhana Pa

    ReplyDelete
  8. @Chhana Pa: I lo lenglut chu ka va lawm ve aw.. I hlimpui phei chu ka lawm lehzual e.

    ReplyDelete
  9. TS chu i fiamthu chhiar nuam thei ngei mai... creative thei khawp mai.Tunlaiah fiamthu common deuh deuh a tam tawh sia , nuihna tur hi a vang tawh riau ania.. 6-na phei khi chu, ka la na ltk a, ka pum ana vek alawm le.

    ReplyDelete
  10. @beethugs: A va lawmawm thin ve aw.. Lo hlimpui zel rawh.

    ReplyDelete
  11. Ka chhiar pahin ka nui ver ver mai.

    No 2 ka chhiar lai khian ka nui huk nia mawle, hit lo thei eeee

    ReplyDelete
  12. @triplestar: I lo nuihpuia a lawmawm hle. :-)

    ReplyDelete
  13. Tha thei hle mai. Parukna khi hahahha ka lehkha chhiarlai emaw a kan nu inka dar a rawn khawih thut chang minti hrechhuak hairehai :D

    ReplyDelete
  14. Hahaha.. Pu Hv, i ngam chiah nange? Haha.

    ReplyDelete
  15. #6 ang khi a tak tak ah ka hre nual haha Nuihzathlak hlawm thin e

    ReplyDelete
  16. @Jerusha: Tumah i nihtir loh turah ngai ang, 6 ang khi...hahaha. I rawn lut thin a, ka lawm e.

    ReplyDelete
  17. Fiamthu blog luh theih loh hi chu a pawi ka ti khawp mai, luh ka tum hian ka hawi hai thei khawp mai. A that leh thuai ka duh e.

    blank msg khiii, hahaha... :D khi tiang tlem tel deuh chi khi. (Y)

    tren tren.

    ReplyDelete
  18. @Chhuaklinga: Nia, kei paw'n pawi ka ti. Ka la tha thei lo chu a ni e. He lamah i lo insawn mai a ni ang chu tiraw..hehe. Fiamthu ka lo dah zeuh zeuh ang. I lo lut thin a, ka lawm lutuk e.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers