04 November 2011

Facebook ka bansan e!

A tha ber dawn em tih chu ka la hre hauh lo va, mahse, facebook lam hi ka lut tlem ang ka ti thin a, ka lut tlem tak tak thei bawk si lo va. November ni 4, zing lam khan ka deactivate ta ringawt a ni.

Ka thian thate kha ka ui angreng khawp mai! Mahse, thian tak tak anga ngaih theih chin chu an phone no. ka nei hlawm tawh tho va, thil pawi eng em a thleng lovang chu maw..

November ni 1 atang khan exam (mai mai!) kan nei a. Chuta a thiama ka'n thiam loh turu rapthlak zia kha! Zir ila chu a zia deuh mahna. Exam pawimawh vak a nih loh avangin ka la serious lo hrim hrim a, mahse, ka rilru ngaihtuahna han bo zia kha!


Tichuan, internet, a bikin facebook hi ka khawih nasa em a, hemi vang a nih dawn hi ka ti a. Ka facebook account chungah ka thin a'n rim khawp a! Tichuan, facebook hian ka hringnun hrim hrim hi a tibuai a, mi rilru ka tina zingin ka rilru a nat phah ngun bawk a, ho të të-ah. Ka deactivate chuan facebook avanga ka buaina leh harsatna zawng zawng hi ka pumpelh dawn a ni ka ti a, hun tam tak khawhralna a lo ni bawk nen. Zirlai lamah lah ni se nikum lama lo fail thinrim tawh ka nia, beih ngawrh ka duh deuh bawk nen, ka deactivate ta mai a ni.

Facebook hi hmang sual lovin ka inhria a, ka ngaihtuah ka ngaihtuah pawhin ka hman tangkaina ka hre tam em em a, hemi avang deactivate phal lo reng ka ni rëng bawk a. (Deactivate ka duhna chu a rei tawh mai!) Hei, a khawharthlak dawn khawp mai!

Kum thar lamah kan dam a nih chuan ka la rawn luh leh ngei ka ring.
Share:

19 comments:

  1. Mahni tana chakai khawrh kan nih theuh avang hian mahni tana tha tur a kan hriat ang zelin hma kan la mai turah ka ngai.

    I chhuahsan hreh khawpin ka ring, mahse tul a i hriat miau avanga chhuak i ni a, ka chhuang che.

    A hun i tih tikah kan inkawm tlang leh dawn nia. Misual em chu i chhuahsan loh ka beisei e.

    ReplyDelete
  2. Facebook hi a tangkai ve tho laiin hun tam tak khawhralna a ni a, a tello hian a khawsak theih khawp mai. Fb lam i chawlhsan ta rau rau anih chuan i blog lam hi i tuaihnum tha thei deuh ang tih ka lo beisei ve tawp a nia aw.

    Zirlai nih lai chuan kan zirna tibuai thei apiang hi kan hmelma a ni mai. Tha taka lehkha zira tha taka hlawhtlinna i chan ngei theih nan ka duhsakna sang ber ka hlan a che.

    ReplyDelete
  3. Thianpa decision ropui tak leh harsa tak a ni kati lo theilo...Kei ngei pawh hian deactivate ka tum ngun khawp mai, mahse a ngai em em emawnile ka ti ta a..keimah leh keimah ka in challenge a, facebook hi inhneh tir ka tum reng renglo..ka hun awl ah chuah ka lut ang ka ti a ni. Mahse ka deactivate hun chu ala thleng ve ngei dawnin alang.

    I ngaihawm dawn hle mai, khawhar tak2 pawh an tam ngawt ang...

    Chuan3 lehkha zir tih khi chu achhan bulber a nilo thei mai lo maw ka tia..

    ReplyDelete
  4. Facebook hi chuan kan hun a la hnem ve em bawk a lawm. Keipawh tun tum Mumbai lam ka let kha ka hna lam a ka tih thatloh vang khan FB a ka group regu na zawng zawng ka chhuahsan hmiah :( Thian tha deuh deuh ho han kalsan tawp chu a har ve a, mahse kan tan a tha zawk tura kan hriat chu ti tawp mai tur. i ti tha lutuk nangpawh. Chuan i exam leh thil dang tih tum te kha taima deuhvin han ti zel la, chuan nakinah te pawh FB te chu a rawn luh that leh reng theih a lawm. i thiante ho hi tumah kan lo bo phah dawn chuanglo, kan lo awm reng e, i rawn leh leh kan nghak reng e :)

    ReplyDelete
  5. @Pu Hv: Ni e, kum khat chuang lo khawih tawh a nia, a harsa khawp mai. Mahse, ka la inchhir rih lo chu a nia. Kum thar kan exam zawh lamah chuan lo luh leh ka tum, chumi hma chu ka insum thei em ang chu maw.. Misual lam chu a hma aiin ka tam phah turah ka ngai.

    @Pu Caribou: I mi duhsaknaah ka lawm khawp mai. Ni e, blog lampang pawh theihtawp chhuah ka tum tawh ang. Inah internet connection ka nei si lo va, a buaithlak ve deuh bawk a. A update lam han taima ula, a chhiar leh comment lamah tal ka lo tang ang.

    @Marvinic: Thianpa, thutlukna awlsam chu a ni lo chiang khawp mai. Mahse, ka thian tha tak takte chuan an phone no. tawh a, misual leh blog kaltlangin a in-contact theih tho bawka ka ti ta mai. Thildang chu a hming chuan a awm ve a, mahse, engmah tham chu a ni lo...hehe.

    @Sandman: Hotupa, hah a dam huai huai mai. Kei paw'n thian duhawm tak tak leh nula fel leh chhe lo tak tak, min be chhe em em si lote han kalsan chu harsa ka ti alawm...haha. Nia, kum thar February March velah ka lo lut lehin ka ring, ka dam chuan. Ka lawm e.

    ReplyDelete
  6. Mahni in control thei te hi khawvela mi chak ber an ni sia. Thil tha zawk atan i bansan a, alo tha lo zawk anih chuan activate leh mai tur a lom. Kei pawh lehkha ka zir lai chuan kan exam chhung Internet deactivate a, Laptop ka khung tha hmiah zel. A him ber...!! :D

    ReplyDelete
  7. Facebook hi chuan min tibuai ve bawk em ani, i tan a tha tur anih avanga i thlah ngam hi i fakawm

    ReplyDelete
  8. @beethugs: Nang meuh i rawn lut chu ka lawm kher mai. Ka hmang uar uchuak em alawm!

    @Pu Rpa: Ka lawm lutuk e. Ka inthunun zawh loh vang zawk a nia. A tawk chauha hman ka thiam lo vang zawk a ni.

    ReplyDelete
  9. A tha lutuk! Thu tlukna hi kan siam fo a, hetiang thutlukna hi hmuhnuam ka ti thin.

    Kei pawh ka deactivate a, mahse tunlai chu thil ka chhu a ka activate zuai. Ka [il bo leh lek lek. Min ti buaitu ni awma lang sira hnawl theih hi putlinna dik tak a ni. Kum lam a nih lohzia ka'n lo ziak leh hram ang e.

    Good Post!

    ReplyDelete
  10. Deactivate lo khan nangmah kha in deactivate zawk ta la... hehe.
    Tak tak ah zirlai nih lai phei chuan hetiang anga regu viau hi a tha pawh ka ti lemlo.

    ReplyDelete
  11. @Krista: Ka lawm e. A hmahruaitu zawk i nia, i deactivate ngamna khan min influence khawp mai..hehe.

    @Sangpuiipa: Nia tiraw.. Mahse, ka inthunun thei miau si lo va, ka regu ropui mai sia, hetianga inhrek a ngai ta a ni. :-) Ka lawm e.

    ReplyDelete
  12. Deactivate chu ka duh ve reng, mahse in communicate nan hian a tha ve em a, mi chanchin hriat nan. Sangpuiipa rawtna ang khian keimah ka in deactivate hmiah mai, mi biak duh emaw neih hunah va online leh keuh mai a. Ka tlawh loh chhung khan ka chan ropui em em lo tih ka hria.

    ReplyDelete
  13. @dolly: Kei deuh hian ania ngai dawn che ni. Hei, lung a leng nghal a nia...hehe.

    @aduh: Ka inthunun zo tlat lo. Phone atangin ka lut ber thin a, luh a awl si. Mahni han deactivate chu ka hlawhchham a ni ber mai.:-)

    Ka blog tehlulah in lo luh duh avangin ka lawm kher mai.

    ReplyDelete
  14. mi sawi loh danin ka sawi dawn. An fak luai luai che a, ka fak ve dawn lo che-nau hauhin ka'n hau ang che.

    Ngah nge addict khawp khawpa i khawih, ngah nge nangmah lam in-control lova thil dang i dem? I deactivate khi a tha lo ka ti lo- a philosophy hi ka dem...hrethiam em mahni aia mi dang puh daih chingho i dem ve em em te kha.

    I awm tawh loh chuan biak duh zawk chein kan buai anga sin aw!! In control la lo lut leh thuai mai zawk rawh-tin i thiltih lai nen pawh a inrem source tha tak a ni. Lehkha zir tha lo khawpa i khawih a nih chuan deactivate mahla lehkha zir aia khawih tur hi i dah bo seng chuang lovang.

    In control chungin ka lo lut leh han ti la, a tha fe zawk. haha..a na em? ka hau ta vak mai che.

    ReplyDelete
  15. @Pu Rpa, hrethiam e. I mi duhsaknaah ka lawm lutuk! Ka luh leh chuan a ngai të bawk ka ni leh palh ang. Ka incontrol thei thlawt lo! Tuilian siak kam tum ai chuan a hnar sahchah mai a fuh zawk tâkin..:-) Ka la inchhir rih lo. I mi duhsakna kha hau ka ti phal lo, ka lawm lutuk ringawt. Hauh ka tulnaah chuan min hau bawrh bawrh zawk rawh. Thil pawimawh a awm chuan phone no. pawh kan inpek tawh tak kha maw..

    ReplyDelete
  16. Chutia nang berin min rauhsan daih chuan a va khawharthlak dawn ve le.. Mahse, a ṭha zawk lam apiang tih theih hi a ṭha alawm. I tan hlawkna tam tak a awm ngei ka beisei e.

    ReplyDelete
  17. @Bawiha: Thianpa, i mi duhsaknaah ka lawm takzet e. A tha zawnga hlawkna tam tak ka chhar mekin ka hria.

    ReplyDelete
  18. Thil reng reng a hman dan tawk thiam hi a fuh ber fo asin ... Paul C.Lalchungnunga Zarkawt Valley

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers