21 December 2011

Ka Ṭhian Hynata-i Tân

Ka hian, tu tawn atan maha ka duh loh ka chanchin ka hrilh ang che aw..

Kum 1993-ah ka piang a. Ka pian phat a
angin ka harsatna hi a inan nghal emaw tih mai tur a ni. Thla ruk mi ka nihin, ka pian avanga min làwmtute nui ri pawh a reh hmain ka nu leh pate an inhen a. Min hringtu ka nu chuan min pawm duh miau loh avangin ka pa’n min enkawl a.

Kum riat ka nih a
anga tun thlengin ka pi (ka pa nutei) bulah ka awm a, ‘Nu’ tur dang ka neih miau loh avangin min enkawltu ka pi chu ka ‘Nu’ ta a ni. Nu ângchhûng nuama awm ka châk hin; ka hiante ka awt em em a, mahse, hla taka awm, engtik lai maha lo kir leh tawh ngai lo tur ang chauh a ni si.
 

Unau pianpui ka nei lo va, ka nu leh pate an inhen tawh bawk a, ka khawhar hin tur zia chu i hrethiam mai ang. Mite chu an nu leh pate âwm nghêngin thlamuang takin an ap thei a, kei chuan chu chauh pawh chu ka awt ngam hrâm hin. Nu leh pate ângchhûng hi engtianga nuam leh hrehawm nge ka hre lo va, ka hmuh hin ringawt te’n a nihna min hrilh lek a, nun khawhar em ema ka awm chhan erawh chu anmahni avang a ni ka ti ngam thung.

Ka lo
hang lian ve zel a. Naupang hang duang tak mai ka ni a, ka kum phu lovin ka taksa pawh a puitling a. Ka sikul kalna lamah pawh mipa inhawng na na na chu ka tân an tlêm lo! Kum 14 ka nihin kan sikul-a mi, Rotea chuan ka cousin hnênah min duh thu a lo sawi a. Tichuan, ngaihzâwng la nei ta lo chuan neih ve chhin te ka lo châk a, kan inngaizâwng ve ta a.

Ka hringnun hi a mak asin. Ka bul
anna hi ka hrehawm inanna zel a ni. Mite’n an nu leh pate hnên aanga an thu dawn zawng zawngte chu ka damchhûngin ka dawng ngai lo va, min hrilhtu tur ka nei hek lo. Mite hriat ang ka hre ve pha lo va, thiamna leh finnaah rual ka pâwl lo va, mi’n awlsam tëa an pal chhuah theih harsatna avangin ka na fo hin.

Ka vawi khat ngaihzâwng neihna a
angin ka rilru zawng zawng ka pe a. A hun laia ka hmangaihna hriat ang chu a tan ka hlân a ni. Mahse, ka tihlim thiam tâwk lo nge, ka tawng sual hrim hrim zâwk — min lo kawp a, ka rilru a va na em! Chu ka rilru natnaah chuan nu leh pate min hnêmtu tur an awm lo va, keimahin ka tuarchhuak ta a. Natna pakhata dam ni-a kan inhriat hnu pawhin natna dang hi a rawn lût leh hin a; mihring tân dam hlenna tur a awm si lo.
 
A kum leh, 2009 khan kan khua, Champhai aangin Aizawl-ah lehkhazir turin ka awm ta a. Ramhlun South-a Kids Care School-ah ka lût a. Kan sikul-ah chuan Saiha lam aanga lo kal, Jacob-a (Jc-a) nen kan intawng leh a. Kei aiin kum hnihin a upa a, min duat thiam em em a, a bulah pawh ka pangchang hle hin.
 
Jc-a chu Zohnahthlâkah pawh Lai a ni a, a fel em em a, chanchin engkim ka hrilh hin a. Ani pawhin a chanchin min hrilh hin. Kan inpawh a, harsatna kan inhrilh tawn hin avangin kan inngai a, kan inngaina em em bawk a. Mahse..
 
A nu leh pate chuan Lai ka nih ve loh vang leh fahrah ka nih avangin min hnâwl a nih chu! A nu leh pate thu a hnial ngam miau loh avangin hnâwlin ka awm leh ta.. Fahrah nih hi ka duh bîk vang a ni lo asin! Tunge ka phur min chhâwk ang? Tunge ka harsatna zawng zawng ka hrilh tâk ang? Ka kum la naupang teh mah se, ka rilru na tur a dang thei chuang si lo.

Jc-a chu ka ngai em em a, amah avangin ka mittui a tla fo
hin; tun thlengin ka la theihnghilh ngai lo. Jc-a chu tunah chuan Shillong-ah awm tawhin ATS-ah a kal a, a rûkin min rawn be hin. Chu bâk amahah beisei ka nei tawh lo va, a thiang hek lo. Fahrah ka nihna hi ka haw ngawih ngawih a, ka nu leh pate ka dem fo hin. Mahse, tih theih ka nei si lo. Nu leh pate u, in fate hi min manghilh a ni. Thutlûkna in siam hmain kan hma lam hun tur in dâwn lovem ni?
 
Ka nu leh pate avanga ka hrehawmna a nasat tehreng nen, ka duhtak nu leh pate vanga hrehawmna ka tuar lehzel hi chu tuar thiam a har ka ti takzet a ni. Puitu ka zawng a, ka au va, amah Jc-a bâk an awm chuang si lo. Ka tân inhawng mah se, a nu leh pate an inhawng ve si lo. Inkalsan phal chiah si lo, inthlah lo ngam si lovin hun kan hmang a. Chu ringawt pawh chuan ka nun hi a tihrehawm ve thlâwt a ni.

Changkan lam kan pan a. Internet ka hmêlhriat a, internet-a
hian kawmna chi hrang hrang, orkut, facebook, twitter leh eng eng emaw chu a lo lâr chho va, hiante’n an ti sup sup a. Kei, hian ngai leh mamawh em em pawh chu hian zawng turin facebook-ah ka pên lût ve ta rãwih a. hian tam tak ka chhar a, hian ha leh ha lo erawh keimah mai chuan thliar hran harsa ka va ti hin em! Ka kal mawp mawp a, ka tlûk pawhin pawr phuai pheng phungin ka tho leh a, ka tlu leh hin. Ka na tuamtu tur erawh an awm ngai si lo.

Facebook-a ka
hian chhar thar zingah chuan Beiralai nen kan inkawm ngeih bîk em em a, midang zawng aiin kan inngaina a. Kumin May thla aang chauhva inkâwma inbe an mah ni ila, kan inngai thei em em a. Ani pawh fahrah a ni a, chu chuan min phuar nghet sauh sauh va. Kan inbe zing telh telh a, a tâwpah phei chuan kan inhmangaih chho ta hial a. Inhmangaih e ti lo chuan Jc-a nena kan chanchin chu ka hrilh a, dawhthei takin min ngaihthlâksak hin. Ani pawhin a bialnuin pasal a neihsan dan te min hrilh a, fahrah a nih avanga a hrehawmna a sawi te chu ka va hriatthiampui tak em!

A fahrah nihna chu min tinghettu a ni a, ka duhna leh hmangaihna tizualtu a ni. Facebook a
anga intawng kan ni a, password inhrilh tawnin facebook-ah kan inrâlsai a, thîkthu pawh kan pe chhe narawh e! Comment leh thil dang dangah theihtâwpin kan fimkhur a, mahse, inthup sên a lo ni lo va, hiante’n min hre ta vek a. Mahse, pawi kan ti lo; kan inhmangaih tho alawm. Hmangaihna hi a ni lo’m ni, kan damchhan?

Ka rilru zawng zawng ka pe a, ka thinlung ka hlân thlap a, amahah ka innghat tawp bawk a. Chutiang chiah chu a ni vein ka hria a. Chumi a nih avangin thil hotë-a langah pawh thîkthu kan pechhia a, kan inhau fo
hin. Facebook chu hmang an lo tam a, mipa leh hmeichhia tam tak, inang lo tak tak an lo tam a. Min lo duh tâwk an awm a, min duh mai duhtâwk lova zahtheihloh chhuah hreh hauh lo an lo awm zel bawk a! Chu’ngho chuan inbox lamah message lungkuai tak tak an lo thawn zut a, pângngai takin chhâng lêt hin mah ila, chu’ng an message-te chu ka hmangaih em em tân chhiar nuam a lo ni hauh lo va. A tâwp a tâwpah intlawn leh hliau hlau a ngai leh nge nge hin.

Chu chauh chu kan inkara harsatna thlentu a ni hauh lo; a zu in
hin mawlh hi a pawi ber mai. Zu a in châng chuan ka fuih a, ka hrilhin ka zilh ve hin. Fahrah nun khawharthlâkzia ka hria a, a nun khawhar ngawih ngawih tâna tui hnâ nih ka tum tlat hin a. A zu inna ringawt chu ka tân kalsan phahna tham a tling lo (emaw ka lo ti hin a..), ka hmangaihna a sáng em a ni. A zu ruih lungpuam lai chuan fahrah a nih avanga hrehawm a tihzia min hrilh hin a, theihtâwpin fahrah ve tho hian ka lo hnêm hin. Mahse, zu a nghei thei si lo.

A châng chuan a zurui hian thîk tur ringawt a zawng a, a
hianpa ngei ngei pawh a thîk hin. Chu’ngte chu a ruih vang mai maiah ngaiin ka theihnghilh lui a; min hauh hrep châng te hian ap uau chungin ka nui lui hin asin.

A naupang zâwk ni mah ila, kawng engkimah a puitling zâwk anga ka awm a ngai a; a hmeichhia zâwk ni mah ila, ka ngaihsaka ka duat em em a ngai
hin. Beia chuan ka hmangaihna a hmuh hmaih bîk hauh lo — “Him, i mak ka ti hin. Ka sual, zu ka heh, ka duat lo che, ka thinchhe bawk; mahse, i rilru a ngai reng a, i mak ngawt mai,” min ti thlâwt a. Mahse, zu mawlh hi..

Hmânni lawk, November ni 30 zân khan ka hmangaih Beia chuan min rawn phone a. A mak ka ti, a der paw’n ka nui thei lo, nâ ka ti lutuk! “Hmeli, min hmangaih lo; kan in
hen nghâl tur a ni. Min bum char char a. I hate you but alive you. Phone dah rawh, min ngaihsakna lem kha ka mamawh lo,” a rawn ti mai chu! A nâ asin! A na ngawih ngawih. Hmangaihtuin hmangaihte hnên aangin hetiang thu hi a beisei ngai lovang tiraw? Nang paw’n i beisei ngai bîk lo tiraw? Kei paw’n ka beisei ngai lo va, mahse, kan beisei ber kan hmuh loh laiin kan beisei loh a lo thleng fo hin si.
 
Hmân zân lawkah pawh min rawn phone a, “Him, nang ang hmeichhia hi ka tân an awm lo a nih hi. Min ngaidam rawh aw..” a ti a, ka ap zawih zawih a. Mahse, kan inhen tawh a, ka lêt tawh ngai lovang. Ka na nawn duh tawh lo, zu hi a nun a râwng em a, ka hnaih ngam tawh lo a ni.

Beia kha a sual lo; a lerh lo; rinhlelh tur paw’n a awm ngai lo. Facebook-ah pawh a password min hrilh mai a, rinhlelh tur ka hmu ngai lo. Nitin vawi li min be ziah a, call balance a neih loh pawhin a chhûngte a thuntir mai
hin. Chuti khawp chuan min ngaiin min thlahlel a, mahse, chu ringawt chuan zu avanga kan inhenna a dâl zo ta si lo. A nâ asin; a na ngawih ngawih. Thil nung ni hauh si lo hi hmangaih hen chhan a tling si.

Sim turin ka ti a, ani pawhin, “Him, min simtir hrâm rawh aw..” a ti ngawih ngawih a, theihtâwp ka chhuah a; mahse, a sim teuh berah pawh, “Sim ka tum ang,” a tih mai hi a ni si a. Zu hian min pawt
hen ta a, tuna a awm dan tur chu ka ngaihtuah ngam lo. Ka hian, diktak chuan maw.. Ka va’n khawngaih tak em! Inhen tawh mah ila, ka hmangaihna a bâng thei chuang si lo. Ka hmangaih ber chuan zu ngawl a vei mêk asin!

Ka
hian, min awngaipui rawh aw.. A ul chuan mi awngaipui aiin ka hmangaih chu awngaipui zâwk rawh aw.. Ka hmangaih em a, inhen tawh mah ila, zu bawih aanga a chhuah hun ka thlîr reng asin.

He ka ṭhiannu hian a chanchin min hrilh a, mi ngenna angin ka ziahsak ta a ni. Hmangaihna kawngah pawh zu zet hi zawng buaina bul a lo ni e.
Share:

18 comments:

  1. Hmangaih ber te pawh an inthen fova, thilmak a ni hleinem, kan khawvel hi thenna ram ani miau si a. Hmangaih ber then hnuah hmangaih ber dang kan nei leh mai alawm....An inthen dan teh ngawt chu a ho awm hle mai. Zu in a pawt then anih si chuan.... hemi phenah hian thil tam tak a thleng ngei anih ka ring. A hmangaih ber aia zu a duhzawk miau te chuan..... Hmangaihna kawng hi chu a chhuk-chhova, a nawma a hlimawm rualin rilru hahna a tam asin. SMS te, Orkut te leh Facebook atang tea inhmangaihna rawn piang hi, keini ang thuartham tan chuan hriatthiam a harsa anih hi. Thil awmthei te pawh ani ang a, mahse he hmangaihna hi a nghet lo deuh lovang maw aw....ka ti thin.


    I thiannu naupan lai hi.....a lo khawngaihthlak hle mai. Fahrah nihna hi kan duh vang ni lovin nu leh pa te thiam loh a ni, chuti chung chuan fahrah hmuhsit ching an la awm tho si. Nupa inthenna ah hian a khawi lam zawk zawk pawhin an ngam thui thei khawp mai a. A tuartu diktak chu an fate an ni tih hi an hre lo fo thin. Nupa inthenna hian fahrah tam tak a siam satliah mai ani lova, naupang tetakte te te rilru baihvai tak leh hawi ngaihna hre lovin a siam a, pan lam tur bik hre lovin an awm a, an lunglenna leh khawharna te, an rilru hrehawmna te an sawi chhuak thiam bawk si lo, an khawngaihthlak thin hle. I ziak ngaihnawmin i ziak tum i va'n ziak chhuak thiam chiangkuang tak em.

    Ka duh aia ka comment sei tak zek chu le.....

    ReplyDelete
  2. I ziak ngainawm khawp mai.....

    Fahrah leh rethei hreawm zia tur chu a tawng tawh tan lo chuan hriatthiampui a har khawp ang le. Hmangaihna chu a mit a delah a nunrawng bawk an lo tih thin a tichiangtu a ka ngai a,ka khawngai khawp mai mase thurawn ang deuh hmangaihna in a ken tel rinawmna,tuarchelhna,hriatthiamna,dawhtheihna adt. hengte hi nei angai a chuan hmangaih te tana in pek pawh hi angai telin ka hria.

    A hmangai tana a inphal zia a hmangaihin a hriat thiamlo hi chu a mawl khawp mai ka tih.

    ReplyDelete
  3. A ngaihnawm kher mai, chhiar a kal zaih mai.

    Ti hian ka ti mai mai a, mi vanduai bik chu awm a ni teh meuh mai. Mahse, mi tute pawh hian kan chhanchin a hreawmna leh lungngaihna lai chauh hi ziakin tarlang ta theuh ila, he lei hreawmah hian hreawm tamtak tuar lo kan awm kher awm lo a sin. Kan hreawm tawrh te hi hmanraw tha tak a ni a, a hmangthiam apiangte hi mivannei an ni maiin a lang. Tin, zu hi mia in chi a ni lo, haha.

    tren tren.

    ReplyDelete
  4. This comment has been removed by the author.

    ReplyDelete
  5. A ngaihnawm viau nangin a nunhlui chu tu tuar atan mah a awhawm loh hle mai... ni e nu leh pa kara seilen loh hi chu pawi deuh ani asin. Keipawh nu leh pa inthen...chutiang a seilian chu ka nive tho mai.

    Nun thalo hrang2 a ka nun hnuah hei, muang changin thiante min lehpel tawhtu te umin ka ke ka pen ve chhek chhek anih hi.

    "Lai ka nih ve loh vang leh fahrah ka nih avangin min hnâwl a nih chu!" i tih khi Lai a nih loh vang ani thei dawn em ni le aw. A thuhrimah Lai ho hian an hmeichhiate an ngamlo duh khawp mai.

    ReplyDelete
  6. Pu Caribou: I comment a ngaihnawm hle mai. He ka thiannute inhmangaihna tak hi ka va hriatpui lutuk lova, min hrilh chin a ni deuh mai a. Chuvangin ka tang tung ngam lova, ka tang lo ngam hek lo! Amaherawhchu, zu hi inthen chhan a tling hle tih erawh ka sawi huai ngam thung. :-)

    ReplyDelete
  7. Chris, a dik chiah. Hmangaihnaah hian thil tam tak a awm tih kan hriat a ngai a, hmangaih kan neih rualin paltlang tur tam tak a awm a ni tih kan hriat a pawimawh khawp mai.

    ReplyDelete
  8. Pu Hva, a dik khawp mai. I paltlang tawh hnu a nih hmel a, i hrechiang ngawt ang! I comment chhiar a nuam e. Lai chungchang kha chu ama sawi dan a ni a, chibil kan lak vung thin zia tilangchiangtu-ah ka lo ngai hmin hmak mai asin.

    ReplyDelete
  9. I ziak ngaihnawm hle mai. Miin an chanchin min hrilh, thu min lo ziah sak rawh an tih ang chi hi ka bei ngaihnawm thei miah lo kei! Nang zawng, ziakmi dik tak i ni e.

    ReplyDelete
  10. a ngaihnawm khawp mai..tunlai ka lungleng deuh aniang e..Mizo blog ka chhiar uar ta khawp mai a. I thiannu chanchin chu a ngaihnawm in a khawngaihthlak khawp mai. A naupan lai thu khian rilru a khawih pha khawp mai.
    Mahse Caribou sawi ang khian keipawh social networking atanga in hmangaih hi a lem ka ti tel tlat pek a. Ka hrat viau nangin a tak ram thlen tur chuan a taka inhmuh hi tha ka tia.
    Chuan i thupui ni awm taka ka rin, Zu hi chu pawi ka ti ani..keipawn he khawvela ka duh leh hmangaih ber ZU ka in thin vangin ka then phaha. Ka inchhir khawp thin asin. mahse LALPA malsawmna te danwg chho zelin keimahah inchhirna lo langin ka pianthar phaha. Tuna I thiannu bialpa pawh hian ka tawn ang hi tawng se ka ti khawp mai

    ReplyDelete
  11. Pu Zaia, thuziah i thiam tehreng nen, i mi fakna ka dawng chu ka lawm hle mai.

    ReplyDelete
  12. @hermit: Ka blog i rawn tlawha ka thuziah min chhiarsak chu ka lawm kher mai. Mizo blog chi hrang hrangte hi luh tam a inchhirawm loh asin. I comment ngaihnawm tak avangin ka lawm a, i lo la lut fo dawn nia.

    ReplyDelete
  13. I blog chu a lo va nalh ta ve! Krismas i hmang tha em? Ka lo peng hman ta ngang lo ka hun a chep lutuk a.

    I ziak ngaihnawm hle mai. Fahrahte tan nu leh pa ka ni ang titu Pathian hi min ti hrechhuak thin...

    Kumthar chibai mawlh mawlh le!

    ReplyDelete
  14. K'u Krista, nia, ka hmang thain ka hmang nuam e. I ngaihawm hle mai. Hman lo chung chung pawha i rawn luh hram hram avangin ka lawm hle bawk e. Kumthar chibai mawlh mawlh.

    ReplyDelete
  15. I thiannu chu a khawngaihthlak hle mai..mahse a mahmai a ni loh tih hria se,amah ang mitamtak an awm tih hi hre mawlh teh se.
    Lai a nih loh avang leh fahrah anih avanga duhlotu te in a lawi aichuan lawiloh a nuam ang,tin biak nan a balance neilo a chhungte thun tir theitu mahse zu in tho si chuan a hmangaih dan a pawnlang mai bakah a aia hmangaih a nei tihna..neilo se a ti fuh zawk ang.
    A nun kal zel ah hlimna leh lawmna lo thleng zel sela,nangang thian tha a neih chhung chuan a mal lo tih lo inhre teh se.

    ReplyDelete
  16. @Fela: I comment a puitlingin a lem a nuam hle mai. Fuihna tha tak a ni a, ka lawm hle bawk e.

    ReplyDelete
  17. Kawmen vak ngaihna pawh ka hre lo, a lainatawm hle mai

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers