04 December 2011

'Mi Anglo Sulhnu' tlangzarh a ni ta!

'Mi Anglo Sulhnu' tih lehkhabu hi ni December ni 3, 2011 chawhma dar 11 khan Champhai bialtu MLA, Pu TT Zothansanga'n FW Savidge Hall-ah a tlangzarh a. Tlangzarhnaa kal a tam berah mi 80 vel kan inbeisei laiin mi 100 vel an lo kal thei a, a chhunga leng lo pawh pawnah an ṭhu nual a ni.

Release function thlalak hi eng emaw zat ka'n dah ang e.


Pu Lalhmingmawia Ralte chuan thiam takin programme a kaihhruai a, kan hlim hle
MALO hotupa, VLC Vanlalhriatrenga'n Welcome Speech hlimawm tak a sawi


Pu Lalrammawia Ngente-in thiam takin lehkhabu a preview

Kan MLA zahawm tak, lehkhabu publisher ni bawk, Pu TT Zothansanga'n 'Mi Anglo Sulhnu' a tlangzarh ta!

A chhungah kan khat khawp mai


Thlalak mitnei a rawn che a, a hmettu rilru a phawk chhuak chiang khawp mai!





A hnuaia mi hi refreshment hawngtu, Mapuia Renthlei a ni e!


Lehkhabu preview-na chhiar duh tan Mi Anglo Sulhnu preview by Lalrammawia Ngente chhiar tur a awm e.


Kum hnih vel kal ta aṭang khan Govt. Aizawl College-ah literature-a tui ṭhiau leh kuthnu nei vek tawh tlém të-te chu inkâwm bîkin, an ṭhianho hmingah — midang pawisawi lo leh an nihna zahpui miah lovin ‘Mi Anglo (MALO)’ an inti a. Chu’ngho zinga ṭhenkhat chu tunah chuan Councellor niin thuziaktu lâr an ni tawh a; a ṭhenin ATC-ah Pathian thu an zir a; a ṭhenin College hmâwr bàwkin educationist leh economist ropui an ni chho mêk a; a ṭhen chu Mizoram University-ah zirin Mizo subject an luhchilh a, a ṭhen chu M Sc. (Forestry) zirin an zo ṭêp tawh a; ṭhenkhat thung chuan sawrkar-ah hna thawk tawhin mahni-a intodelhin an awm a; a ṭhen ve thung chu chanchinbu lamah lûtin editor an ni bawk a. Chutiang chuan mahni tlatna mual mualah tla mah se, anmahni pumkhattirtu  thu leh hla chu an kalsan chuang lo. Inhmukhâwmin chaw eikhâwmte an nei zeuh zeuh tawh a; mahse, chuti maia tâwp an tum hauh lo mai hi a lo ni a, an chaw eikhâwm ṭhinte chuan hlet a rawn chhuah ta!

Chu’ng hna hrang hrang thawkte chuan thu an thawhkhâwm a — A ṭhen chu Pathian thu a ni a, a ṭhen chu hringnun zirlai ṭha tak a ni a, a ṭhen chu thu hlimawm satliah niin a tam zâwk chu thawnthu tawi lungkuai ngaihnawm a ni. Tichuan, an ṭhianho mi eng emaw zat zinga mi pakuate chuan an thuziak vawmkhâwmin ‘Mi Anglo Sulhnu’ an rawn chhuah ta hlawl mai!

Thuziak chhiar ninawm loh hlang hmangin lehkhabu phek 304 an tlin thei a, cheng 100 chauhvin an la zuar zui a! Lei zet hnua chhiar chu kan bat a ni e.



Share:

19 comments:

  1. 'Mi ang lo' ho hian lehkhaziak an thiam bik vang te, tawngkam thiam taka an thluaithlum theih bik vang tea mi naran nena inan ngaihna a awm lo a ni tih chiang taka ka hriat theih nan an lehkhabu siam hi lei ve phawt a ngai ani.

    Thlalak thlir a nuam hle mai. Camera nei ho hian hmeichhia an focus nalh nalh duh viau chuan ka hria. ZAwnglai mipa mit fukna chu hmeichhia a ni miau si a le. A pawi map lo, mipa hmel bumro, nur zet zet thlir ai chuan nula ngaihno bei tak hlimthla thlir chu a hahdam daih zawk.

    ReplyDelete
  2. Hahaha.. Pu Caribou chu ka lawm kher mai! Ni e, thiam bik vanga ziak kan ni hauh lo va, thahnemngaihna te, tuina leh inthianthatna avang liau liaua ti kan ni. Synod Bookroom-ah kan dah dawn a, in awmna lamah pawh a lei theih vat ka beisei.

    ReplyDelete
  3. Thlalatu khi chu Apu Dass-a a ni hrim hrim..Ani lo nula ngaina tak, midang kan awm lo, nang tiam lohin. Eitur hawngtu tih khi, Bawiha Renthlei nena in plan tiraw..Hloda pawh a tel ang. Chaw eikhawm nikhuaa inzinga ka ei avang hian ka chaw ei te a tui ve a, nangni lah chuan, "chaw heh"min tihsak daih a..Ei tur awm reng rengah hian hmahruaituah min ngai bik tlat a. Khi pawh khi, mi tihmualpho intum vangin in plan a ni. Bawiha Renthlei khan ka camera kha min chuh vat reng a, a phur teh hawrh ka ti reng a ni. In bumna, in bumna..!!Post tha tak a ni

    ReplyDelete
  4. Hahaha! Camera kengtu i ni tih chu kan hre theuh alawm! I thla lak ho zawng zawng ka dah vek lo mah mah. Refreshment hi chu lemin a tichiang tawk e! Thank you. :-)

    ReplyDelete
  5. He bu hi a lar riau mai, la chhiar ve ngei tur anih hi

    ReplyDelete
  6. @A_es: Thu lawilo dahkhawm mah ni se lo chhiar ve ngei ngei ang che!

    ReplyDelete
  7. In ti tha khawp mai..World Disabled Day ah MALO ho in che a :)

    ReplyDelete
  8. A hmasa in Pic ah khian ka hmelhriat an awm nuk mai.

    I rawn fak thiam vel lutuk a Mi ang Lo nih ka chak ve vek phah. Chhiar a chakawm hle mai bawk e.

    ReplyDelete
  9. Chhiar ve ngei tum ang. A cover design pawhin min hip khawp mai. Thlalatu chauh a ri bik loh khi rilru hriat. Hahaha :D

    tren tren.

    ReplyDelete
  10. @Ms: I rawn kal avang khan ka lawm khawp asin. I la lei zui! :-) World Disabled Day a ni tih pawh ka lo hre hleinem...hahaha. Thil i chîk thin e..

    @beethugs: I lo haw hunah i chhiar ngei ang chu le.. A tu tu khi nge i hmelhriat ni ang aw..?

    @Chhuaklinga: Hahaha.. Ni e, lo chhiar ve ngei ngei ang che. :-) Ka lawm lutuk e..

    tren...tren..

    ReplyDelete
  11. Ts i blog chhiar a manhla thin hle mai

    ReplyDelete
  12. A ngaihnawm hmel hle mai, lei ve tur ani. Thlalak thlir a nuam khawp mai.

    ReplyDelete
  13. @Chris Paul: Ka lawm e....he2.

    @Sangpuiipa:

    ReplyDelete
  14. Hei i rawn tarlanga a tihzia, Masi bawr velah rawn zin ka tuma, lei ngei ka tum ang.

    ReplyDelete
  15. @mesjay: A van lawmawm ve aw..! I lo chhiar ngei dawn nia. Chuan, krismas hlim takin i hmang bawk dawn nia..

    ReplyDelete
  16. TS i ziah a tel avangin a tha tih ka hre sa! Ka va chhiar ve chak e aw... Engtin nge ka lei ve theih ang aw?...

    In Camera pu chuan nula hmeltha tak tak a va hmu thei ve!!

    Release Function chu tel ve pawh a chakawm hle mai, Duhsakna sang ber ka hlan nawn mawlh mawlh che..

    Ma-I

    ReplyDelete
  17. @Pi Ma, ka van lawm tehlul em! Nakinah a chhiar theih dan a la awm mai ang! Kei chu a tikimtu mai mai chauh ka ni alawm..

    ReplyDelete
  18. Mapuia Renthlei te chu chaw kan eikhawm chang pawhin a ei hnem ngai lo, a lamhnai buh thiar sek thin mai chauh a ni. Ei rawngbawl laiin a tem zauh2 thin bawk a, mahse tih tham a tem hman ngai lo ha4. Tsa, i ti tha thin hle mai

    ReplyDelete
  19. @Bawiha: Hahaha.. Kan pahnihin kan chhiar a, kan nui duh char char mai. :D Ka lawm hle e.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers