08 December 2011

Ruihhlo: Zirlaite hmelma

1. Kan thiam kan theihna ram tan tiin,
Kan zir kan zo zirlaite’n;
Kan pen kan thawk zirlaite,
Kan hmu kan hlawh kan ram tan.

2. Ram leh hnam timawitu zirlaite,
Kan hlim kan lawm zirnaah;
Kan thla a muang zir hmunah,
A lo lang e ruihhlo chu!

3. Ruihhlo thlemna hrang vel karah,
Kan leng mek e zirlaite;
Kan do zo lo thlemna chu,
Kan rawp kan rawih a tawnah.


4. Hringnun vul lai parmawi titliaktu
Mi nung nung lova siamtu,
Mi dik dik lova siamtu,
A lo ni e ruihhlo chu!

5. A pawi ngei e ruihhlo tawn chu,
Mi tling tling lova siamtu,
Hei ngei hi a lo ni e -
Zirlaite hmelma ruihhlo chu!
Share:

17 comments:

  1. Ruihhlo avang hian zirlai tam takin an nih tur ang an nih phak loh phah a, nu leh pa ten beiseina sang tak nena an lo thlir laiin hlawhchhamna ruamah an tlu lut leh thin.

    Ruihhlo hi chuan thalaite nun hi a tiche nasa. Nupui nei tawh, pasal nei tawh pawh, insumna a awm loh chuan ruihhlo bawiha tang an awm tho mai.

    ReplyDelete
  2. @Pu Caribou: I comment tha kher mai. Ruihhlo hian thalaite-ah bu a khuar nasa kan tih ai mah hian a lo nasa a nih hi mawle..

    ReplyDelete
  3. TS i va phuah tha em em. Zaithiam lar tu emaw in sa lar teh se a thu a tha em mai...Zirlai chauh ni lo ruihhlo avanga buai tur tam tak fuihna tha tak a ni si a.

    Ka lo sak lar sak dawn che em ni ti dawn ila ka zaithiam dan hi a dang sia!!!

    Ma-i

    ReplyDelete
  4. @Pi Ma, lo sa lar tak teh..haha. Tak2a, college intihsiaknaah pahnihna ka nihpui a, ka rawn dah ve mai mai a nih hi. Ka lawm lutuk e..

    ReplyDelete
  5. E a lo ni maw?? lawmman dawng tlak a ni reng alawm..COngratulations mawlh mawlh le!!

    Ka zaithiam ve hun nghak hi an awm nual ania!! Ka thiam hunah recording hmasa ber atan kan hauh ang e he he!

    Chhungkua tam tak ruih hlo vanga buai an van tam tak em.. He i hla hian min tiharh vek rawh se...

    Ma-i

    ReplyDelete
  6. I sawi chhuak dik khawp mai. Ka thian ngainat leh rilru tha tak tak nunna lo la thin tawhtu, keima nunna pawh la hman ve teptu hi ka hua a nia.

    ReplyDelete
  7. @Pi Ma-i, ngei ngei a ngai. A lar dawn lutuk a! Hahaha.. Mi lawmpuinaah ka lawm e.

    @

    ReplyDelete
  8. Khaia! A lo lut kim lo pek a ni maw!

    @Pu Hva: Thian thate nunna min chhahsaktu chu kan haw hle tur a ni ringawt. I do zel teh ang aw..!

    ReplyDelete
  9. A thluk eng angin nge i siam ka hre chiah lo a, tho vah mai, lunglenthlak deuh mai bawk sia han sak thuai thuai mai a va chakawm em..!!! a thu ken a ropui sia.

    ReplyDelete
  10. thiam ve ngei e... tha lutuks!

    ReplyDelete
  11. @beethugs: A thluk ka siam lo. Poetry mai mai a nia...he2. Ka lawm lutuk e.

    @maisek:

    ReplyDelete
  12. Ka comment a luh kim ngai miah loh chu a.. Maisek, ka lawm e...hihi.

    ReplyDelete
  13. Tha kher mai. Thu leh hla chu i thiam chi kim teh e. (y)

    Hmuhtheih a sual kan do theih ruihhlo hi i do zel phawt mai teh ang u. Hnehtu Krista pianchamphaphak lothleng turah hlei hlei hian tanrual a ngai thin teh zawng a nih hi.

    tren tren

    ReplyDelete
  14. A pa Chhuakling, ka lawm e. I do zel ang i do zel ang aw..!

    ReplyDelete
  15. A tha khawp mai, hla thu hmang ngei maia heti ang thu tha han paunchhuah theih chu ka thian..ka chhuang khawp mai che

    ReplyDelete
  16. I va phuah thiam in a va tha em.

    ReplyDelete
  17. @Bawiha: Ka lawm thin hle mai. Kum laihawl vela poetry inphuahsiaka ka phuah ve hi ka rawn dah mai mai a nih hi. Ka lawm thin.

    @Sangpuiipa: Ka lawm e. :D

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers