06 January 2012

Awmpui ṭha neih theih dan

Kan khawsak dan leh chhungkua inrelbawl dan avang te, eizawnna leh thil engkima hmasawn duhna avangin awmpui nei lova khawsa thei lo hi keini Mizote zingah pawh chhiar tham fe chu kan ni ta.

Naupang enkawl, inchhung thianghlimna, ei leh in avang leh nuber leh paber eizawnga an buaina leh thil dang dang avang tein chhungkaw tam tak tan awmpui neih a lo ngai ta lo thei lo a ni. Chu mai ni lovin awmpuite tel lova mahni in pawh vawng thianghlim zo lo tam tak kan lo awm ta rawl nen. Khawsak harsa zawkte tan sum leh pai hmuhna a lo nih avang tein a lehlam lehlam tan pawh a
ha ve ve angin a ngaih theih awm e.

Chutih laiin chhungkaw
henkhat awmpui neih ngai ngawih ngawihte chu awmpui ha nei thei lovin an awm hin. Chumai bakah awmpui ha neih loh vanga kohhrana duh anga inhman theih loh a nihna chen pawh a awm bawk a. Thenkhatin awmpui ha leh rinawm, innghahna tlak tak tak an neih laia awmpui mumal nei hleithei lo an awm hi eng nge a chhan ni ta ang le?


Awmpui neite tana hriat tur
henkhat i'n tar lang teh ang.

1. I in — anmahni in aia
ha zawk, ei leh in tuihnai leh ha zawk bakah mutna khum nuam taka i muttir avanga i awmpuiin i in nuam an ti viau turah ngai suh. Ei leh inah te, khawsakah hrim hrim i in tlukin ha lo mah se, anmahni in ngei - a nu leh pate nena an chhungkuaa an khawsakna in bawk kha i in ai chuan an ngaihlu zawk a ni. Chhungkaw khawsak harsat avanga i ina lo awm a ni tih theihnghilh ngai suh. Anmahni ina chhungkuaa an khawsak lai kha nilenga ngaihtuahin zanah mumangah hial an hmu hin zawk a ni.

2. I fate hriatah i awmpui chu sawisel lo la, an hmuhsit theihna turin eng
awngkam mah chhep ngai suh ang che. A chhan chu i fate chu nang aia ina khawsa tam zawk an ni a, i awmpui chu i faten an hmuhsit chuan naupang enkawlna kawngah thil fel lo leh harsatna eng emaw tak chu i tawk ngei dawn a ni. Chutianga i ti a nih vaih chuan i awmpuiin hahnemngai taka chhungkaw tana a thawhna zawng zawng kha a hma angin a nei thei tawh lovang.

3. I awmpui leh i fate chu enhrang lutuk suh. A theih phei chuan i fa ang takin en la, mi pangngai a nih chuan nu ang chiahin a en let ve ang che. Hetiang awmpui misual an awm ngai lo.

4. I awmpuite hi hmelma en nghal ngawt suh. I in chhunga i mamawh ngawih ngawih, a tel lova i awm theih lohna angah ngai la, chutiang chiah chuan enkawl rawh.

5. Inhlawh leh mihrang a nih avang ringawtin i awmpui sawisel na zen suh. Eng emaw chen hriatthiamna nen enkawl la, a hun azirin fak leh fuih hun nei ang che.

6. I kristian-na kha tu chungah pawh, i awmpui chungah pawh lantir ang che.

7. I awmpuite pawh mi dang ang bawka fak leh chawimawi lawm tho a ni tih theihnghilh suh. A lungawina i siam theih phawt chuan awmpui i neih avanga i senso aia tam zawk a thawk chhuak ang.

8. Awmpui kan tih hi electric kan tih ang an ni. Kan hman thiam chuan an
angkai hle a, kan hman thiam loh erawh chuan hnemhnanpuina tur an awm lo mai ni lovin hmuingil lohna hial a thlen thei tlat a ni.

Thenkhat chuan, “Awmpuite i en dan a
angin i mizia a lang,” an lo ti hial a. Chuvangin awmpui mumal i nei thei lo emaw, awmpui ha i nei thei lo emaw a nih chuan nangmah inenfiah hmasa phawt ang che.
Share:

16 comments:

  1. Tha khawp mai. Awmpuite treat tha vak lo hi an awm leh zeuh thin a, mihring hi chu engpawh ni ila, in respect thiam te hi a pawimawih.. Fuihna tha tak anih hi.

    ReplyDelete
  2. Post tangkai tak ani, hriatreng tur anih hi. Mamawh teh mah ila, tihian awmpui nei lovin kan la khawsa chho ve naw naw chu a nia. Awmpui kan nei ve dawn anih chuan, i thuziak hi a la tangkai khawpin ka ring.

    ReplyDelete
  3. I ngaihtuahna hi chu i hmang ve ani.. Hriat kar tur ni, mamawh hun la awm tak mial in.

    ReplyDelete
  4. A dik hlawm khawp ang le. (Y) Chhungkhat thisen zawmpui ngeite inah pawh awm mah ila, inthlahrun leh mahni in ngaih hi chu a na duh teh a nia.

    Awmpui nei zawng zawngte chhiar theih a chhawp chhuahah a van tha ve aw...

    tren tren.

    ReplyDelete
  5. @Pi Ma-i, ka lawm e! Awmpui treat thiam lo leh hmusit tak takte an awm avangin awmpui thenkhat chuan tlanbo mai an duh a, an chîng thin a, a awmpuitute tan chuan thil zahthlak tak a ni. Hei hi hriat a tha khawp ang.

    ReplyDelete
  6. @Pu Caribou, tangkaipui leh chhawr an awm mial takin tiin ka'n post ve rawih chu a nia! Tangkaipui an awm ang emaw chu. Mi rawn tlawh ziah a, ka lawm takzet a ni.

    ReplyDelete
  7. @K'u Beethugs, ka lawm e..hehe. Ni e, awmpui neih hun te pawh i la nei maithei a, chutah chuan awmpuite treat thiam tak i nih ngei ka beisei! :-)

    ReplyDelete
  8. @A pu Chhuakling, a dik chiah tiraw.. Mahni in lovah chuan inthlahrun theih lohna in hi a awm lo a nih ber hi. Awmpui dinhmun chu ka hre nil nial a nia. :-) I rawn tlawh thin a, ka lawm lutuk e.

    ReplyDelete
  9. I post chuan mit a keu hle mai a!! Heng i point te hi hriat reng tur an nih hi.

    ReplyDelete
  10. Awmpui nei hlei theilo chhung hi an awm asin. Naupang te te, an awmpui te vin dawr dawr thin te pawh ka hre teuh. I rawn ziak tha hle mai, awmpui te point of view atangin, a tha khawp mai. Awmpui chu kan nei ve nual thin a, kan duat ve hle thin chuan ka hria. Kan tette laia lo awm thin, tun thlenga min la ti chhung te pawh hi an awm nual mai.

    ReplyDelete
  11. I ziak tha hle mai, good post.

    ReplyDelete
  12. @Pu Dina, chhungkhat pa tan phei chuan a pawimawh khawp ang...he2. Tak2 a, ka lawm lutuk e.

    ReplyDelete
  13. @Aduhi, ka lawm hle mai. Mi fel tak tak an tam a, a tlangpuiin awmpuite enkawl thiamte chuan awmpui tur an haihchham khât khawp mai. Nangni pawh mi tan malsawmna in ni a, malsawmna tam tak in dawn let ngei ka ring.

    ReplyDelete
  14. Thianpa hi thu tha tak tak hi i chhawpchhuak thin a, a lawmawm ngawt thin mai

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers