20 January 2012

Ehem.. Chhas!


Chhas tih hi awng lerh a ni a, chhe lo deuh sawina a ni mai a. Tûn laiah chuan‘sas’ an ti chho ta zêl a, nakinah phei chuan ‘ss’ te pawh an la ti mahna. Tûn tumah chuan a awmzia pawh ni em em lovin, chhas chi hrang hrangte i’n thlir ang u hmiang.
i) First Love: Hmangaih hmasa ber sawina a ni mai a. Hei hi inngaihzàwn kher a ngai lo va, a rûka kan va duh ngawih ngawih chuan a tâwk em em. First love hi theihnghilh a har ti khawp a, a dik khawp ang. Mahse, first love chang ni lovin second love, third love, last love te pawh theihnghilh theih an ni chuang bîk lo.
ii) SMS Chhas: Hei hi mobile phone a lo chhuah atanga awm chauh a ni a, a la rei lo khawp mai. Hmêl inhmuh kher a phût lo va, phone hmanga inbiak leh SMS inthâwn kha a tâwk em em a ni. A hahdam bawk a, tûn laiah heti ang chi-a inngaizâwng an tam mai. Amaherawhchu, a daih rei lèm lo va, a nghet lèm lo bawk. Vànduaithlák taka phone emaw, sim card emaw a chhiat palh hlauh chuan automatic-in a tâwp nghâl mai hîn.
iii) Kâr hla ‘D’: Hei hi chhas zawng zawnga pawimawh ber dawttu a tih ngam hial ang. Thu leh hla tam tak piantirtu a ni tlat. Kâr hla ‘D’ neih chu a nawmna a awm. Inhmuh châk ngawih ngawiha hun hman a ngaih hin avângin inhmuh hunah lei pialrâl a thlen thei nghâl. Rinawmna a pawimawh khawp mai. Thingtlang lamah chuan dâkpu leh zin remchângte an luck duh hîn hle.
iv) Chhas mai mai: A mak khawp mai, chhas mai maia kan ngaihte hi min lo duh rum rûttu an ni duh khawp mai; mahse, chhas mai mai an nih miau avângin an khawngaihthlâk duh hle. Thenkhat chuan a ha nghah nan te an hmang a, henkhat erawh chuan kawpna atan an hmang bawk a. Chhas mai mai anga siamtu tân chuan chhas mai mai chu inkhualtelemna hmanrua lek a ni.
v) Hmangaih ber: Hei hi chhas zinga kan nun hriltu ber, thih leh dam kâra min dintîr theitu a ni. ‘Khawvêlah mi pakhat tân ka lo piang’ kan tiha mi pakhat dinhmun luah pha ngattu a ni. Hmangaih ber neih hi nupui pasal nei turte duhthusàm kumhlun a ni. Sawi tam bawra lo teh ang!
He’ngte hi a tlângpui chu a nia, vawi khatah a vaia hman nghal vek chu a har deuh mai thei. A mihring azirin a dang pawh a la awm thei ang. Heta kan ngaihtuah tur ni ta chu, ‘he’ng zîngah hian eng ber hi nge kan hmana, kan hmannate’n a eng ber hi nge an hman’ tih të mai hi a ni.
Ehem… Chhas!
Share:

0 Comment:

Post a Comment

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers