22 January 2012

Ka Comedian Search zinkawng


Fiamthu hi ka duh ve pangngai a. Chutih rual chuan fiamthu thawh huau huau chi ka ni hauh lo thung. Fiamthu duh henkhat chuan an awmna apiangah fiamthu an thawh huau huau mai a, an bula awm pawh a nuamin ngainat an hlawh duh hle. Mahse, hei hian mipuite thinlungah — mipui hmaa fiamthu thawh hinte chu khawi hmunah pawh fiamthu thawh tura ngaihna a awmtir a, a ha ber lem lovin ka hria.

Engti tiha Comedian Search-a lo tel nge ka nih le? Tun hnua ka ngaihtuah hian an tawktarh kha ka tel chhan ber niin ka hre ta. Ka tum ber hmu lovin a hlawhtling ber ni lo mah ila, kha kha ka tun hun atana bul inanna a lo ni ta reng mai.


Comedian Search kha vawi li an nei tawh a, a hmasa ber chu kum 2008 kha a ni a. Ramhlun North-a ka awm lai a ni a, chutih lai chuan keimaha khawsain sikul ka kal a. Ramhlun Venglai-a Public Higher Secondary School-ah ka lut hin a; chutih lai chuan morning shift a la ni a. Zingkarah class kalin chhunah ka inhlawh hin. Chhuna inhlawh ka duh avangin haw hma ka dil hin a, kan zirtirtute pawhin ka dinhmun an hriatchian avangin min khawngaih a, harsatna engmah min siam ngai lo. 

Chutianga harsaa retheiin awm mah ila, pawisa thawn ngaiin vawikhatmah ka la awm lo va, Aizawl ka awm tirh ata tun thleng hian pawisa min la thawn lo reng a ni. Min thawn an tum pawhin ka duh ngai lo. Ka phone man te, ka top up man te, ka computer man te, ka school leh college kalna leh in luah man zawng zawng chu keimahin ka thawkchhuak vek a ni. (Hei hi chapo vanga tarlang ka ni lo va, ka tarlan kher nachhan chu in hriatthiam mai ka ring)

Chutianga ka khawsak lai chuan Comedian Search buatsaih a nih tur thu ka hre ta a. Mi pangngai tan pawha thil harsa em em vak awm lova ka hriat avang leh, lo hlawhtlin tâk hlauh chuan an tawktarh a ha em mai tiin form ka lachhuak a, ka submit ve ta rãwih a. Mahse, mi bîkte tan a ni tih ka hre chiang khawp mai! Ka mi bîk lo tih pawh ka hrechiang narawh e!

Chutih lai chuan ka chhungkaw khawsak a harsat em avangin ka pa chu Sihphir-ah mi huan enkawlin a awm a. Ka nu leh ka nau hmeichhia chauh chu kan khuaah an awm a ni. Comedian Search form ka submit hnu chuan kan khaw lamah thil ul tih tur a awm avangin ka haw leh ta a. Ka haw hlânin ka in luahah ka pa a rawn awm thla ve bawk a.

Kan khuaa ka haw hnu hian Comedian Search lampang pawh ka ngaihtuah chhunzawm tawh lem lo va, tel pawh ka tum tawh em em hlei lem lo va! Mahse, zan khat chu — Pathianni zan a ni a. Ka inkhawm a, ka inkhawm laiin kan makpa chuan biakina ka awm lai mi rawn ko chhuak a. Aizawla ka pa awm chu thi lek leka a nat thu min hrilh ta a.

Rilru a buai duh ngei mai! Chu’ng lai chuan phone ka la nei lo va, landline hi mi ta kan hmang a, a âwm tawk pawisa kan pe mai zel a. Ka haw veleh Aizawla ka awmna henawmte, ka phone hmansak hinte chu ka phone nghal vat a, anni chuan ka pa damloh chungchang te, veng chhung welfare-te’n an buaipui thu leh damdawiina an kalpui thute min hrilh a. A rang thei ang bera chhuk tura min duh thu pawh min hrilh bawk a.

Tichuan, a tuka chhukna tur motor ka ngaihtuah nghal vat vat a. Vanneihthlak takin motor remchang a lo awm hlauh va, a tukah chuan ka chhukthla nghal vang vang a. Kalkawngah te chuan a chhe thei ang berin dâwnin ngaihtuahna a kalthui duh khawp mai.

Tluang takin ka thleng a. Inchhung ka lut chu khuma ka pa mu chu ka va hmu ta a. Kan henawmnuin damdawi a lo pe a, an lo buaipui char char hi a lo ni a. Ka pa nen hian kan inbiak tam loh hrim hrim avangin ka thleng pawh chu sawi tur a vâng duh khawp mai! A bulah ka hu a, amah a harh tawh tho bawk a, ka hu hi a ni deuh tawp!

A hnuah a chanchin chu min hrilh ta a. Pathianni tlaiah zu an lo in a, an zu in chu zu chhia a lo ni âwm e. In a thlen veleh a pum nâ chu a buai nghal a. Biak theih lohvin a awm zui a, a mar an hmu thei mang mang lo va. An mangang chuan damdawiinah hruai a, taxi-a an chuan lai te chuan a engmah hre lo hi a zai veng veng a ni awm e! A hnuah chu chu fiamthu nan tak an hmang nghe nghe a.

Casualty-ah chuan damdawiin an lo jection a, admit lovin an lo hruaikir leh hi a lo ni a. Vengchhung mipuite lakah a inthlahrunawmin zah a na duh khawp mai. Ka pa pawh chu a ha chho ve zel a. Zu ka huatna erawh a lo zual zel thung a. Ka pa hian ka hmuh laiin zu a in ngam ta lo.

Thawhanni-ah ka chhuk kha a ni a. Nilaini tlaiah chuan kan henawmte chuan phone ka dawn thu min hrilh a. Ka va chhàn chuan Comedian Search buatsaihtute lam aangin a lo ni a. Ka tih hun tur leh thil ul dang min hrilh a. Comedian Search-ah ka tel dawn tih ka hrechhuak ta thut!

Inbuatsaihna hun a chêp ta khawp mai. Tih tâk vekah chuan tel ve ngei ka duh bawk si a. Tichuan, inbuatsaihna em em pawh nei lovin ka va tel ta a. Vanneihthlak takin ka tling chho ve zel bawk a! Chuta ka tel chu kawng tam takah ka inchhir a, kawng tam takah ka lawm bawk a, ka tana malsawmna a nih laiin hrehawm tihna tam tak ka nei ve hin.

Keimah kha ka bawrchhawr (tute emaw ṭawngkam takah) em em a. Taksa hahdam si lo, rilru hahdam bawk si lo; tun hnua a buatsaihtute zinga pakhat chuan ka tel tirh khan mi ang zãn lo emaw min tih thu a sawi nghe nghe. Thawmhnaw nei ha hek lo, secondhand t-shirt, Israel Point-a cheng 50-a an zawrh hin saw ka lei a. Pheikhawk bun tur nei hek lo, chappal nena mipui hmaa din kha a ni thei bawk si lo, mi pheikhawk te kha ka bunsak mai mai a. Ka tlingtla ve zel a.

He ka Comedian Search tela tifuh ka intih em em pakhat chu — mi ka hnial kha a ni! Judge-te hnial kha ka hrât bik vang a ni reng reng lo! Zan khat chu, Rangvamual aanga lo tel nu pakhat (a hming ka hre mai ta lo) kha a perform a, ka inlan zan a nih loh avangin in aangin ka lo en a. Ani awng duh ta deuh kha judge-te nen an inhnial an inhnial ta mai a! Lawm a hlawh em em lawi a!

Chuta ang chuan ngaihdan thar ka nei ta a. Fiamthu lamah eng teh ual ka ni si lo va, judge-te hi hnial ve zat zat ila a ha ang, ka ti rilru ta a. A tuk zanah ka’n perform a, judge-te hun a lo thlen chuan ka’n hnial tak tak maia le! Hahaha.. Judge-te nen kan inhnial lai kha vawi khat mah ka la en miah lo. Ka thisen hian a ngam thlâwt lo a ni ber.

Chumi tuk aangin hnialhrât ka lo ni ta a. Rangvamual nu lah kha a tla zui mai bawk si. Vanneihthlak takin kei la tling hlauh va, ka inlan apiangin kan inhnial kan inhnial ta mai a! A nuam ka ti phian bawk si a. Khami avangin mi henkhatte’n zakthei lo deuh turah min lo ngai a, mi ngawichawi leh zakzum deuh ka ni reng si. Fiamthu lama mi bîk ni si lo chu inhnial avang ringawta tlin reng theih ni suh, a tawp a tawpah chuan top 10 ka inhlângkai zo ta lo a ni.

A tawi zawngin sawi tawh mai ila. Mizoram-a Comedian Search an buatsaih vawi khatnaa tel ka ni bawk a, mipuite’n Comedian-te dawnsawn dan an lo la thiam tawk lo bawk a. Khawlai chhuahvah velah harsatna ka tawk zeuh zeuh va. Chu’ngte erawh chu, Comedian Search ka tel avanga malsawmna ka dawn nasat avangin sawi thamah pawh ka ruat lo.

Tunah chuan vawi li an buatsaih ta a. Mipuite pawh kan fingin kan changkang telh telh a, Comedian-te en dan pawh kan thiam ta. A dawnsawn dan leh tihphur dan te, a awiawm dan te kan thiam tawh a, a lawmawm hle a. Mizorama fiamthuin nasa taka hma a sawn phah avangin Comedian Search buatsaihtute hi an fakawm ka ti khawp mai.

Tun hnu hian ka ngaihtuah a. Comedian Search kha kawng engkimah ka bulanna a lo ni tih ka hrechhuak ta a. Ka tel theih chhan pawh ka pa damloh vang a ni a, kan vanduaina phênah malsawmna ka chang a lo ni reng zawk a.Comedian Search-a tel turin Pathian-in rem min lo ruatsak thlap zawk hi a lo ni a. Chuvangin harsatna leh mangan vanduaina ka tawh chang hian, ka tana ha zawk tura Pathian remruat a ni tih ka hriatchian tawh em avangin ka vui ngai ta lo.
Share:

44 comments:

  1. Thianpa, a ngaihnawm e. Han inpuang zel teh khai

    ReplyDelete
  2. @Angaiha, ka lawm e. Ka inpuang thui mah mah ang tihte pawh ka hlau e.. ;) Ni e, ka lo la inpuang zel ang. Puan tur ka la nei nual maithei a nia..he². Mahse, i blog i update har leh tawh ka ti, a khawharthlak.

    ReplyDelete
  3. TS he i thuziak hian ka rilru a khawih hle mai. Nangmah a tumruh na nen i inchawm thei hi ka chhuang ngawih ngawih che, Chhungte ring mai mai a awm hi an tam lutuk. Entawn tlak i ni ngawih ngwih e.

    Harsatna leh vanduaina emaw kan tih phena Pathian remruat i hmu thiam hi a ropui.

    Duhsakna sang ber ka hlan nawn leh a che.

    ReplyDelete
  4. @Pi Ma, i comment chhiar a nuam hle mai. I chungah lawmthu ka sawi mawlh mawlh e.

    ReplyDelete
  5. Chanchintha tak, ngainawm tak leh danglam tak i nei a, ka lawm pui takzet che. Mi hlawhtlingte nun kawng i zawh a, i hlawhtlin chhoh zel ka ringin ka beisei pui bawk che a, duhsakna ka hlan a che.

    Judge te nen a in inhnial thin kha ka lo en thin, i sawi takah chuan zak lo thei ve tak chu i ni e. (Y) Zak thei lo tak leh thenrualte bul a tawng phawr phawr thin te hi thil tak takah an nep duh fu. :)

    tren tren.

    ReplyDelete
  6. A ngaihnawmin i thuziak phenah hian mahni inzirna tur a inphumru nualin ka hria. Harsa leh rethei taka lehkha i zir laia pawisa thawn ngaia i awm miah lo khian i tuarchel zia te, i tumruh zia te a lantir chiangin fak i va phu tak em. Mahni tuma hlawhtlinna chang tur chuan 'zaklo thei' nih hi a tul chang a awm fo thin. Zirlai, mahni intodelh hi, ngaisang lo an awm anih chuan an mawl hle ang.

    ReplyDelete
  7. Comedian search a tel zingah khan ka lo tan bik em em na che pawh ka hre lemlo. Mahse chhinchhiah i awl bik vang nge tih pawh ka hrethiam tawh bik lo, misual.com a i avatar ka hmuh khan chiang em em in ka hre nghal che a, a sawichhuak hmasa ber pawh ka ni hial in ka ring, hehe. Nia, harsatna kan tawh te pawh hi kan tan malsawmna ani thin. Pathian ah innghat ngam ila, engkim hi fel takin min rel sak thin ania.

    ReplyDelete
  8. Cheng hnih chauh chuan aaaa........

    ReplyDelete
  9. @Chhuaklinga: Hahaha.. I mi duhsakna avangin ka lawm e. A lo zahtheihlohthlak ngawt mai! :D

    ReplyDelete
  10. @Pu Cribou: Ka lawm e. Chuti kawngah chuan chhuan tur ka awm lo ve khawp mai!

    ReplyDelete
  11. @Sangpuiipa: I comment tha hle mai. Ka lawm lutuk e.

    ReplyDelete
  12. Hotupa Stephena chu! Teh nawlh che chuan.. Hre rei ka ti.. Hahaha.. A na lo, a zã! :P

    ReplyDelete
  13. Ma-i Mizo nula hmelthain ka sawi duh min sawi khalh! I tel chhan khi angaihsanawm!

    ReplyDelete
  14. @Pu Sekibuhchhuak: Ka lawm hle mai!

    ReplyDelete
  15. I tuarchhel in i tumruh hle mai. Lo ziak zel teh khai.

    ReplyDelete
  16. Ku TS, a bengvarthlak in a ngaihnawm hle mai. Hlawhtlinna kawng hi a thui thin. Mahni thawhrimna rah seng a in la lian te hi an tlo thin. Nu leh Pa te thawhchhuahsa ringa in lak len erawh chuan chhuan khat pawh a daih lo a ni tih chu zoram khawvelah hian a chiang hle mai.

    I kal zelna turah Lalpan malsawm che rawh se.

    ...khrum

    ReplyDelete
  17. @Aduhi, i mi fakna chu ka phu lo hle mai. Phu lo hle mah ila, ka lawm e. Ka blog i lo tlawhna avang hrim hrim pawhin ka lawm e.

    ReplyDelete
  18. @K'u Khrum: I comment chu awmzia a nei khawp mai. Chhiar pawh a nuam e. Tin, ka lawm bawk e. ;)

    ReplyDelete
  19. Nangmahah hian harsatna paltlang thei tura chakna i nei a, self esteem tha tak i nei bawk, i awhawm lutuk. Literature khawvela hleuh tura piang i ni a(ka sawi chhan ka sawi duh ang em, ka'n sawi ang e) mualpho hlauh vangin thil i zep hni hne lo. Literature hian mualpho hlauh vang te, hmuhsit nih hlauh vangte hian an ngaihdan an puang ngam lo fo; i ni lo.

    I nihna tur awm hi ka hmu thiam, i inhaiveng ngawt ang. Hlawhtling tlak i ni e, thianpa; mahse inthiam lohna ka nei ka lo haw khan kan inhmu dawn nia ka ti a, ka programme a tam em a, ka hman thlawwwwt lo a ni.sorry ngaidam.

    ReplyDelete
  20. ka edit thei lo, 'Literature hian' ka tih khi thuziaktute hian tih tur a ni.

    ReplyDelete
  21. @Pu Rp, kan va online rual ve..! ;) I thuziak, i comment leh i mi fuihna chu a ropui ka ti ngawt mai. Ka zak lek lek zawk hial e. Ka lawm lutuk. Chakna min pe thar zelin ka hria.

    I lo haw kha chu keimah pawh ka buai em a ni, diktaka sawi chuan. Inhmuh a rem viau tho a, keimah zawk kha a ni e. Inhmuh hun chu a la awm ngei ang.

    ReplyDelete
  22. Comedian Search TS Khupchawng (TS Chawngkhupa) milar ni ta mai kha tunah chuan kan thianpa, MALO a ka member pui a ni ve ta reng mai a, ka intithei ve khawp mai. Thianpa, a ngaihnawmin i lo ropui bik hle mai, tluk loh val i nih zia ka hmuh leh ka hriatin ka chhuang takzet zet che a nia, Khuanun vengin malsawm zel che rawh se.

    ReplyDelete
  23. Khaih! Thianpa, chutiang em em zawng ka ni love. Ka chanchin i hriatchian em khi. Engmah ka nih lohzia pawh. Thian fel tak tak leh puitling tak tak ka nei cheu a, vannei ka inti khawp asin. Ka lawm mawlh mawlh e.

    ReplyDelete
  24. Apa ts, zak lo thei tih leh zak thei lo tih awmzia khi adang daih tih chu i hre ngei in kan ring ve ngawt a. :)

    tren tren

    ReplyDelete
  25. Post ngaihnawm, mi fuih thar thei, harsatna hnehtu nun min hlui a, a ropui takzet e. Mihring chu harsatna kan tawh chiah hian kan mize dik tak a lang thin e an ti em ni kha? Nang zawng, tluk loh rim i nam e.

    ReplyDelete
  26. @Apa Chhuakling: A ni ngawt mai! I comment awmzia ka man e. Ka lawm e.

    @Pu Zaia: Ka lawm hle mai. I mi fakna hi ka phu loh chawimawina a ni e.

    ReplyDelete
  27. A ngaihnawmin chona tam tak min pe hial a ni. Blog ka nei ve chauhva, ka la expert lem lo. Ka rawn len luhna ber tur i ni.
    A ngaihnawm mang e.

    ReplyDelete
  28. @lr, kei pawh ka rawn lut zing tawh tlauh tlauh a nia! Hahaha..

    ReplyDelete
  29. TS, A ngaihnawmin i tumruhna a entawn tlak hle mai. Mi tam tak tih hmuhtu i nih zel ka beisei. I blog pawh a tlawh a manhla hle thin mai. Lehkhabu te pawh i la khawr pum thuai turah beisei ang aw...hei material i nei tha khawpin ka hria. Good luck and God bless!

    ReplyDelete
  30. @Reverie: I mi fakna chu ka phu lo takzet! Ka lawm hle mai. Ni e, lehkhabu chu kan dam zel a nih chuan ka la khawrpum ve ngei ang. Ka lawm lutuk e.

    ReplyDelete
  31. Va ngaihnawm ve le! Heti taka fiamthu i lo hre tam pawh hi i lo experience thui tawh em a lo nih hi!

    TS, i ngaihsanawm hle mai. Inthlahdah lovin kal zel rawh! Duhsakna ka hlan a che.

    ReplyDelete
  32. @Keimah: I mi duhsaknaah ka lawm e. ;)

    ReplyDelete
  33. I thuziak chu(h) ! cho loh rim i va nam deuh ve. Mahni harsatna leh buaina phena taima tak a bei chho thin hi chanchin hi a ngaihnaawm ka ti tawp thei lo.

    Zakzum deuh, fiamthu thiam deuh hi an fiamthu a hlu bik te ka tia :)

    ReplyDelete
  34. haha..va ngaihnom ve TS..:) judge te nena in inhnial lai kha chu a hnu ah ka en a lom.i pui hi ka tia!!

    PS : Tuna chinah min U toh ag che:)

    ReplyDelete
  35. Haha! Angaih, 'û' dawn lo rengs! I la naupang lutuk! Nang hi, i la naupan ang aiin thil i hre reuh si, mi rilru han dêk dan vel pawh i thiam nek a! Hetiang hi ka mi ngaihsan zawng an nia. :-)

    ReplyDelete
  36. Comedian search a i tel ve tih ka hre ve chauh! i intodelhna a ngaihsanawm e, matre. I fel lutuk...kan unau ah hian mipa kan awm lova, kan te ber atan kan lo adopt mai dawn che mawni chu le?? lolzzz

    -i pi bmw

    ReplyDelete
  37. @Pi BMW, ka lawm hle mai. Mahse, ngaihsan tlak zawngin ka awm lo ve.

    ReplyDelete
  38. ehe!!! i van khawngaihthlak letling em em chutiang em em a awm te chu :'( mahse i tumruh a a tha alom :)

    ReplyDelete
  39. Hehe.. Muante, ka lawm e. Midang aiin ka tum hi a ruh bik hauh lo a nia.

    ReplyDelete
  40. E khai i chanchin a va ngaihnawm ve aw! Keipawh hi inhlawhfa chunga Aizawla awm ka nia a hreawmzia leh tawrh harzia hi ka chiang a ka thiante leh unaute tawrh atan hian ka awmt lo khawp mai. Amaherawh chu a tuarchhuaktute chu mi vannei tak niin ka hre thung, nang angte.

    I thuziak leh comment vel en hian harsatna ka tawh ang hi i lo tawh ve tawh ka ring reng a ni.

    I hun leh ni chu hlim takin chhiar zel la. A pawimawh ber, kei leh mi hlawhtling tawhte chakna thuruk- PATHIAN hi lo nhilh ngai suh ang che. Keimahni angin Pathian thu sawi emaw ziak vak vak a tul lo mai thei; mahse a ruktea AMAH tih hi a tawk em em.

    Pathian chuan a awmpui zel ang che. Awmpui min timatu Pathian hi a la danglam lo a, a pangngai reng. Hla thuin 'Kei ni'n vanduainaa kan ruat mahse a hmangiahna lan tir tu' a ti hi a dik em em a ni.

    Hlim takin awm la. I chhungte pawh chu Pathianin a awmpui zel ang che. Isua Krista inngaihtlawmna thlengin a takin i chang deuh deuh ang. Thei emaw kan tih hi Pathian min tihsak vek hi a ni.

    Ka sawi tam ta. Ka luangliam deuh a ni. I hun leh nite hlim takin i chhiar zel dawn nia. Tun atanga kum 15ah chuan Kohhran leh Khawtlang- ram tana mi tangkai tak takte zingag ka hmuh ngei che ka beisei tlat a ni!

    ReplyDelete
  41. ehe Ignatia chu i va comment thiam ve :)

    ReplyDelete
  42. @K'u Krista: I comment a ropui hle mai. Ni e, ka lo hre reng ang. I mi fuihna hlu tak takte kha ka theihnghilh ngai lovang. Ka lawm lutuk e. Harsatna tawh hi zam nan leh vui leh beidawn nana hman tur a lo ni hauh lo, zirlai tha tak a lo ni zawk a ni.

    ReplyDelete
  43. tha top,,,en ve hakawm khawp mai you tube ah te en theih se ka van ti ve i perform lai chu aw,,

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers