20 January 2012

Rock Music leh Satanism


American naupang kum 14 mi lek, Tommy chuan inrinni zan khat chu a nu hrawk zaithlêrin a mitmu a kherchhuahsak a. Chu mai duhtâwk ta lo chuan ama bânrêk a zaithlêr a, a beng lehlam lehlam a zaithla bawk. Chumi hnuah ama nghâwngah zaiin râpthlâk takin a intihlum a ni.
A hnuah Tommy pa chuan a intihhlum kâra kârtluana rock music a ngaihthlâk thu sawiin, a hla ngaihthlâk pawh, '..thisen tam tak chhuah la, i nu that rawh,' tih a nih thu a sawi bawk.
Charter Lakeside Hospital, Memphis, Tennessee-a Medical Director, Dr. Paul King chuan an damlo enkawl zînga 80% aia tam mah chu rock music kaihhnawih a nih thu a sawi a, “A hlathute hi an nun kaihruaitu atana hmangin sakhua-ah an hmang tak meuh meuh a ni,” a ti bawk.
Kerby Anderson chuan a lehkhabu, 'The Emerging Generation'-ah chuan hangthar (teenage)-te’n chawhruala nitin dârkâr 6 chhûng rock music an ngaihthlâk thu a ziak a. An nun kaihruaitu leh zirtîrtu atana an hman thu a ziak bawk. Chutiang a nih an hlathu chi hrang hrang han en chuan sual kawng zawh lo thei an lo ni lo.
Khawvêlah hian hla lâr tam tak, Setana biakna lam nena inkaihhnawih a awm a. He’ng hla tam takte hi kristian-te tâna ngaihthlâk ngam chî a ni lo. Chu’ng zînga lâr zual leh rock band hmingthang tham chin thenkhat chauh han târ lang ila:
Metallica:
Metallica hla pakhat, 'Jump In the Fire,' tihah chuan halaite hremhmuna liam vek tura thupêk hmuh tur a awm!
“Follow me now my child…
DO JUST AS I SAY…
Jump by your will or be taken by force
I’ll get you either way…
So reach down grab my hand walk with me through the land
OME HOME WHERE YOU BELONG
So come on JUMP IN THE FIRE.”
An hla pakhat, ‘The Prince’ tih pawh kha kristian-te ngaihthlâk atan a him chuang lo:
“Angel from below…
I WISH TO SELL MY SOUL…
DEVIL TAKE MY SOUL
with diamonds you repay I don’t care for heaven
so don’t you look for me to cry
AND I WILL BURN IN HELL from the day I die.”
Bon Jovi:
Bon Jovi pawhin, 'Homebound Train' tihah hetiang hian a lo sa chhuak bawk:
“When I was just a boy
THE DEVIL TOOK MY HAND
Took me from my home
He made me a man…
I’m going DOWN, DOWN, DOWN, DOWN, DOWN
On the homebound train.”
Chu mai ni lovin, Smash Hits magazine hnênah, “Rock and roll music hmangin ka nu ka that ang a, ka thlarau ka hralh ang,” a ti nia mawle!
Slayer:
Rock history-a hming chuai tawh lo tur, Slayer pawh hi Satanic band a ni a, an fans-te chu Setana be turin an sâwm hîn.
An album pakhat, ‘In lord Satan we trust’ tih chu copy maktaduai chuang lai hralh a ni!
An hla, ‘Hell Awaits’-ah chuan hetiang hian an chham chhuak:
“Jesus knows your soul cannot be saved
CRUCIFY THE SO CALLED LORD
He soon shall fall to me
Your souls are damned
Your God has fell to slave for me eternally
Hell awaits.”
Kum 1989, May thla khân Slayer fan pakhat chuan Spin magazine-ah hetiang hian a ziak, “In Pathian, Isua Krista hi ka hua a, SETANA HI KA PATHIAN A NI. Ramsate hi ka inthawina an ni a, Slayer hi ka pathian a ni. Music hmanga an thusawi zawng zawng hi ka ring vek bawk,” tiin.
Led Zeppelin:
Led Zeppelin hla, ‘Stairway to Heaven’ kha rock history-a hla chuai thei lo tur zîngah a tel ngei ang. Mahse, a hla tlâr pakhat, “Yes, their are two paths you can go by, but in the long run there’s still time to change the road you’re on,” tih hi a lêt zâwnga play chuan, “IT’S MY SWEET SATAN… Oh I will sing because I live with Satan,” tih a ni tlat mai le! Hei hi a ni, rock history-a hla lâr bera an sawi hin chu!
Tin, an concert film siam, ‘The Song Remains the Same’-ah chuan an fans-te hnênah, an thlarau chu thihna lalpa hnêna hlân turin an sâwm nghe nghe a ni.
Chu mai ni lovin an hla pakhat, ‘Houses of the Holy’ tihah chuan, “Let the music be YOUR MASTER/ Will you heed the master’s call/ Oh, Satan..” tih hlathu a awm kuau mai.
Jimmy Page (Led Zeppelin) khân Satanist hmingthang, Aliester Crowley-a hnuaiah Satanism lam thil tam tak zirin, a thil zirtîr chu he’ng an hla, “Ramble On,” “Black Dog,” “The Battle of Evermore,” “Stairway to Heaven,” “No Quarter,” “The Song Remains the Same,” “Kashmir,” “In The Light,” “Achilles Last Stand,” leh “Nobody’s Fault But Mine,”-ah te a lang chhuak a ni.
Eagles:
Kum 1970 vêla rawn lâr chhuak, tûn thlenga hla chuai thei lo, Eagles hla ‘Hotel California’ kha kan hre heuh àwm e. Mahse, kha hla kha Church of Satan (Setana Kohhran) tâna hlan a nih thu erawh kan la hre kher lovang.
Kha an hla lâr tak, ‘Hotel California’ album cover chhûng lamah Setana kohhran dintu, Anton LaVey-a lem a chuang asin! The Eagles manager, Larry Salter chuan Waco Tribute-Herald (Feb. 28, 1982) hnênah Eagles chu Church of Satan-a an inrawlh thu a sawi. Mak ti suh! An hla hming pakhat pawh, ‘Have A Good Day in Hell’ tih a ni asin!
KISS:
Khawvêla group lâr ber pâwl pakhat, KISS pawh hi Satanist band a ni a, a hming lampum chu Knight’s In Satan Service tih a ni. An hla pakhat, ‘God of Thunder’-ah chuan halaite chu Setana hmaa hingthi tura an ngenna thu a tel:
“I’m lord of the wasteland, a modern day man of steel
I gather darkness to please me
and I COMMAND YOU TO KNEEL
Before, The God of thunder, the god of rock’n roll
I’LL STEAL YOUR VIRGIN SOUL!”
Motley Crue:
Motley Crue member zawng zawng hi drug addict leh zu ngawlvei vek an ni a. An music play hi ‘Work of the devil’ tiin an vuah a. An hla pakhat, ‘Wild Side’ tihah chuan hetiang hian an au chhuak a ni:
“I carry my crucifix, under my deathlist
Forward my mail to me in hell…
OUR FATHER, WHO AIN’T IN HEAVEN
Be thy name on the wild side.”
Black Sabbath:
Black Sabbath kan hria a, an concert-naah entu thalaite chu Setana hnungzui turin an sâwm hîn tih erawh kan hre kher lovang.
An hla bawnra tak pakhat, ‘Iron Man’-ah chuan an singer, Ozzy chuan, ‘that la, a chhan ang che,’ tiin Setana chungchang a sa nghe nghe. An album pakhat hming chu, ‘We Sold Our Soul for Rock’n Roll’ tih a ni. An hla pakhat, ‘N.I.B (Nativity In Black) hi Satanic hla tia hriat a ni bawk. Lucifer-a love song an tih mai an hla pakhat thu chu hetiang hi a ni:
“Some people say MY LOVE cannot be true
Please believe me, MY LOVE, and I’ll show you
I will give you those things you thought unreal..
YOUR LOVE FOR ME has just got to be real..
Look into my eyes, you will see who I am
MY NAME IS LUCIFER, PLEASE TAKE MY HAND!”
An group former frontman, May ni 16, 2010-a pumpui cancer vanga boral ta, ‘Setana note’ tia an koh hial khawpa sual leh nunràwng, Ronnie James chuan Black Sabbath chu a sakhua a nih thu a sawi. Black Sabbath hi Setana rawngbawltu (pure worshipping band) anga ngaih an ni.
AC/DC:
Rock group lâr tak, AC/DC pawh kan hre theuh àwm e. An group hming lampum hi Alternative Current/Direct Current tih a ni a, Anti-Christ/Devil Child an ti bawk hîn.
An hla pakhat, ‘Hells Bells’ hlathu henkhat chu hetiang hi a ni:
“I got my bell
I’m gonna take you to hell
I’m gonna get ya
SATAN GET YA”
An hla lâr zet mai, ‘Highway to Hell’ tihah pawh hetiang hian an au chhuak bawk:
“Ain’t nothing I would rather do
GOIN’ DOWN, PARTY TIME
My friends are gonna be there too..
Hey Satan, paid my dues ..
I’m on the way to the promised land
I’m on the HIGHWAY TO HELL.”
California tithlabârtu, ‘Night Stalker’ tih hriat, Satanist lâr tak, Richard Ramirez chuan AC/DC hla pakhat, ‘Night Prowler’ tih hla hmanga Setana hnêna mi 14 aia tlêm lo a hruai luh thu a sawi mauh mai!
An lead singer, Bon Scott kha a car-ah thi-a chhar a ni a, over-dose-a ngaih a ni. A nghâwngah chuan satanic pentagram (satanic chhinchhiahna pakhat) tattoo hmuh a ni. US Army-te chuan Vatican Embassy beitu, Manuel Noriega chu a tawmna atangin AC/DC music hmangin an hâwl chhuak!
Pink Floyd:
Pink Floyd hla pakhat, ‘Sheeps’ tih thu tlêm han târ lang leh teh ang.
“The Lord is my shepherd, I shall not want…
With bright knives he RELEASETH MY SOUL
He maketh me to hang on hooks in high places..
For lo, he hath great power and GREAT HUNGER.”
An hla pakhat, ‘Lucifer Sam’ thu thenkhat hi an en mah teh!
“LUCIFER Sam.. Always sitting by your side
Always by your side.”
Korn:
Korn-ho pawh hi an fihlìm bîk lo. An hla pakhat, ‘Hypocrites’ kha Satanic hla ang ngaih a ni. A hla tlar hmasa ber chauh pawh hi han en teh. Vawi 10 ngawt an sa nawn (repeat) lehnghâl!
“Your Messiah was never mine..”
Iron Maiden:
Iron Maiden pawh an bàng bîk lo. An hla pakhat, ‘The Number of the Beast’-ah chuan halaite chu Sakawlh chhinchhiahna chawisâng turin an sâwm:
“666 the Number of the Beast
666 THE ONE FOR YOU AND ME!”
He an album hi May ni 29, 1982-a release a ni a, UK Album Chart-ah No 1 hauh nghâlin US-ah nen Platinum a kai nghâl a ni.
Rolling Stone:
Rolling Stone hla lâr tak pakhat, ‘Sympathy for the Devil’ chu Church of Satan official anthem atana hman a ni. He hlaah hian, Lucifer-a chu mi pawimawh ber a nih thu leh amah pana zâwmtu apiang chu lainatna nena a lo kuangkuah thu târ lan a ni.
He an album-a hla pakhat, 'Dancing with Mr. Devil' hi Setana fakna hla a ni. A hnuaia ‘Lord’ hi Setana an sawina a ni.
“Lord, I was dancin’, dancin’, dancin’ so free
Dancin’, dancin’, dancin’ so free
Dancin’, Lord, keep your hand off me
Dancin’ with Mr. D., with Mr. D., with Mr. D.”
An lead singer, Mick Jagger chuan Church of Satan dintu leh Satanic Bible ziaktu, Anton Lavey chu an music anpuitu leh tikângtu a nih thu a sawi mauh mai! An album title pakhat chu, ‘Their Satanic Majesties Request’ tih a ni.
Beatles:
Beatles John Lennon chuan chapo takin, “Kristian sakhua chu tuma hriat lohvin a la ral thuai ang. Chu chu huai takin ka sawi ngam a ni. Tûnah hian Isua aiin kan lâr zâwk,” tiin a lo sawi tawh a.
An album pakhat, Sgt. Peppers cover-ah chuan khawvêlah misual bera an lo thlan tawh, Satanist hmingthang Aleister Crowley-a lem a awm. Crowley hi The Father of Modern Satanism tih a ni.
Marilyn Manson:
A hmêlput pawh hriat hleih theih loh khawpa inchei nasa rocker, Marilyn Manson chuan chapo takin, “Kristianna hi hringnun tâwpna a nih tichiangtu nih hi ka duhthusàm ber a ni,” (Spin, August 1996, p. 34) a ti hial.
Marilyn Manson hi Church of Satan-a Reverend ni lai a ni a, Isua Krista dodâltu langsâr tak niin, a T-Shirt siamah pawh, “KILL YOUR PARENTS” & “I ¤ SATAN,” tih thuziak a awm nghe nghe.
Kurt Cobain:
Nirvana hotupa, Kurt Donald Cobain kha music ngainatu zîngah hre lo an vâng khawp ang. April ni 5, 1994 khân a intihlum a nih kha. Mojo Magazine September 1999-a chhuak, phêk 86-naah chuan Cobain leh Setana kohhran dintu, Anton LaVey inkungkaih dân ziah a ni.
Kut Cobain hi Setana kohhran lamah a inrawlh thûk hle-a hriat a ni a, amah pawhin, ‘lungpui anga insawhngheha Setana chawimawi,’ chu a tum ber pakhat a nih thu a sawi.
Nirvana album pakhat, Nevermind-ah pawh khan Anton LaVey hi a inrawlh thûk hle bawk.
Kum 1992 MTV Awards-ah khân Red Hot Chili Peppers chuan làwmman an dawng a, làwmthu an sawinaah, “A hmasa berah chuan Setana hnênah làwmthu kan sawi duh a..” tiin bul an an a ni.
He’ng kan târ lante bâkah hian a dang tam tak a la awm a, satanic band phei chu khawvêlah sâng chuang a awm. Slipknot te, Cradle of Filth te, Slayer, AC/DC, KISS, Marilyn Manson leh mi/band dang tam tak chuan Setan-a thu an tlângaupui mêk a. Incheina chi hrang hrang, t-shirt, pheikhawk leh thil dang dang hmangin khawvêl mihringte an bei mêk a ni.
'Satanism in America' tih lehkhabu-ah National Criminal Justice Task Force chuan hard-core Satanism chu American hangtharte zînga bu khuar chak ber a nih thu an nemnghet.
Television Personality lar tak, Geraldo Rivera pawhin, “Setana kohhran hi a thangduang hle a, a bîkin halaite-ah bu a khuar nasa hle. Tûnlai thangthar ho phei chuan dawi hla hi an âtchilh tlat tawh a ni,” a ti bawk.
Georgio Police Academy chuan thangthar (teenage) 90% lai chu Satanism nen an inkaihhnawih a ni tih an zirchianna aanga an hmuhchhuah thu an puang.
Chhiartu duhtak, Setana hian kawng chi hrang hrangin a thlêm reng che a ni tih hre reng ang che. Isua chuan Johana 14:6-ah, “Keimah hi kawng leh thutak leh nunna ka ni; keimaha kal lo chu tumah Pa hnênah an thleng ngai lo,” a lo ti a, chuvângin Amah chauh hi chatuan panna kawng a ni.
Isua Krista nge Setana?
Vânram nge hremhmun?
I kutah a awm e.
Share:

3 comments:

  1. I rawn sawi ho hi 100/100 a dik vek ani. Rock music hi setana hmanrua ani pawh ti ila a sual lo khawp ang. I sawi bak pawh hi thil tam tak a awm music history ah hian, setana lanna sawi tur a tam mai! Ozzy Osbourne a hla suicide solution vang a in awkhlum te kha! mahni in that tur a in thlem na pawh setana hla te hian a keng thin. Mahni in that chu Pathian hmaah thiam an chang dawn lo tih a hriat vang a nia.

    ReplyDelete
  2. e bengvar thlak khawp mai, kan music duh zawng hian kan nun a hruai thin sia, Lal Isua fanna hla hi ngaithla reng i la tha ber a nih hi maw.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers