08 February 2012

Ka ṭap ṭhin


Hmangaihna hi hlimna emaw tiin ka zawng a,
Hmangaihna hi damchhan emaw tiin ka ûm a,
Hmangaihna hi chawlhna emaw tiin ka pawm a,
Hmangaihna hi nun innghahna emaw tiin ka vuan a,
Ka ap hin!


Hmangaihna hi lungngaihna emaw tiin ka ih a,
Hmangaihna hi beidawnna emaw tiin ka buai a,
Hmangaihna hi chauhna emaw tiin ka tlànsan a,
Hmangaihna hi natna emaw tiin ka hlau va,
Ka ap hin!

Hmangaihna hi hlimna emaw ka tih laiin ka lungngai a,
Hmangaihna hi damchhan emaw ka tih laiin ka beidawng a,
Hmangaihna hi chawlhna emaw ka tih laiin ka chau va,
Hmangaihna hi nun innghahna emaw ka tih laiin min tinâ a,
Ka ap hin!

02.02.2012 (03:00am)
Share:

24 comments:

  1. A ni alawm thianpa. I sawi dik khawp mai.
    Kan hmangaihte leh min hmangaihtu-te hian min ti damlo fova. Hmangaihna a nasat zawh poh leh a kut thlak let chu na tak a ni.
    Tahna, mittui hnamtir-tu, lungngaihna, inchhirna leh demna te ber leh tualthahna rapthlak ber thlengin a pai tel vek a. Hmangaihna a ni tho si a.

    ReplyDelete
  2. Thianpa, lehkha zir rawh! :D I comment-ah erawh ka lawm hle a nia.

    ReplyDelete
  3. Adik ka bawksia, mahse hmangaihna hi engemaw anih chiah le? engkim bul ani mai lo maw?!

    ReplyDelete
  4. Lal Isuan a hmangaih che Ts... tap duh suh!

    ReplyDelete
  5. I va ziak chhuak thiam thin bik tak em. Tawn inang theuh theuh i han ziak chhuak thiam bik tlat thin hi fak che pawh hreh mah ila ka fak lo thei thin lo che a ni. MIdang pawhin an tawng ve theuh, an rilruah pawh a khat liam zawih zawih thin, chutihlaiin nang erawh chuan mawihnai takin i rawn ziak chhuak thei thin.

    ReplyDelete
  6. Khai a, TS, i hmangaihna sawi khi hmangaihna tak tak a ni lo a nih khi!! :)

    Tak tak a, Pathian hmangaihna chauh hi hmangaihna dik tak chu a lo ni. Mihring inhmangaihna pawh hi Pathian hmangaihna atanga zung kai a nih loh chuan hmangaihna mahni hmasial, hmangaihna thikthu chhia, hmangaihna tihtauh hmang leh hmangaihna chapo te mai an ni duh khawp mai. Chuvang chuan a niang e, "Hmangaihna nunrawng" te pawh kan lo neih ni!!

    I phuah chhuak nalh thei hle thin mai!

    ReplyDelete
  7. @Marvin: Engkim bul mai a nih theihna chen pawh a awm ngei ang le. :)

    @Maisek: A ni viau. ;)

    @Pu Caribou: Em em thin a che. Ka luangliamin ka khatliam em a, ka sah hawk hawk a ni ber mai. I mi faknaah erawh ka lawm e.

    ReplyDelete
  8. @Pu Dina: Nia, mihring hmangaihna hi kumhlun tak tak a lo awm lo a nih dawn hi. Nimahsela, hmangaihna avanga thih ngam lu pu te pawh an awm bawk si a, hriatthiam a har ta nak mai! Pathian hmangaihna ropuizia erawh 'thuin a hril seng lo' an tih ang deuh hi a ni e. I chungah ka lawm e.

    ReplyDelete
  9. Hmangaihna hi hlimna a nih rualin natna a ni tel ve mauh mai si a ni. Ṭhianpa, i sawi dik khawp mai; kil tin aṭanga thlir a ni bawk a, i fun kim khawp mai. I chhuanawm e

    ReplyDelete
  10. A khaih khaih! I ti zahthlak e! Ka lawm e. :D

    ReplyDelete
  11. A va fuh chai chai ve... Hmangaihna chu i hre chiang viau dawn nih hi le :) , flow a fuh khawp mai.

    ReplyDelete
  12. @Beethugs: Ka luangliam ve mai mai a ni. Hmangaihna hi chu kei aiin i hre zawk fein ka ring! :D

    ReplyDelete
  13. Tuaite, hmangaihna hi la na lutuk duh suh, i buai vek ang!!! Tak tak a, i dek nalh lutuk. Hmangaihna lipuiah i cheng mek anih ka ring, a boruaka chen loh chuan tiang hian thu leh hla a chhuak theilo.

    Hmangaihna chu hlimna a ni a, lungngaihna a ni bawk a.

    ReplyDelete
  14. @sheldon: Nia, i rin ang ngeiin hmangaihna lipuiah ka hleuh mek a nih hi. A changin ka buai a, a changin ka hlim a, mahse, a tawpa ka thutlukna chu post ang khi a ni tho tho. Min lo chhiarsak a, ka lawm e.

    @Pu Zaia, ka lawm e. :)

    ReplyDelete
  15. TS rin ai takin hmangaihna i va la na ve! Hmangaihna hi min ti hlim thei ber tu leh min ti tap thei ber tu ni bawk si.. buaithlak anih hi.. I ziak chhuak thiam hle e..

    ReplyDelete
  16. Pi Ma, ni e, hmangaihna hi chu a na ve alawm.. Min tihhlim chang nge tam anga min tihhrehawm chang, te ka ti vel mai mai thin. Englekhawle, ka lawm e.

    ReplyDelete
  17. Article kekawrte tak a nih hi le..(a tawi a, a fun kim bawk) :D (Y)

    tren tren

    ReplyDelete
  18. Hmangaihna i la lungrun awm hle mai a hairehai :D

    I thiam khawp mai :)

    ReplyDelete
  19. Hmangaihna Thla Valentine's Day te a hnai tawh bawka..i post chu a inhmeh ngawt mai. Hmangaihna hi chuan min ti luangliam ve thin zawng anih hi a

    ReplyDelete
  20. Pu Hv, nang paw'n i lâk lungrun viau kha! Hahaha.. Ka lawm e.

    Hermit,

    ReplyDelete
  21. Phone atanga ka comment hian a lut kim lo ziah!

    @Hermit: Hmangaihnaah hian luangliam thei lo tak tak pawh hi kan lo awm lo a nih hi a! I rawn tlawh a, ka lawm khawp mai.

    ReplyDelete
  22. Hringmi inhmangaihna hi zawng doral an chang leh thin tiin han ti tawp hnap la a mawi lehzual dawn mange. Mahse heti pawh hian a tha lutuk tho!

    Good Post! Philosophy of Life lam a ni e...

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers