27 February 2012

Thusawi ropui lo te - II

* Zakkha rim hi a lo chak âwm khawp mai, 'Mosia chu a han ban phar a, chu veleh Amalek ho chu an thi phuk phuk a,' tih ziak aang rëng hian.

* YMA ho hian an kuang lo an van nawr nasa tak em! Mizoram-ah chuan mahni kuang lo nawr nasa ber an nih ka ring. Mitthi an awm hian mi kuang hi an nawr deuh zel tawh a...

* Hnam puanzar hi tunge maw lo thlep leh hîn ni? Kumtin pawhpharh leh ziah a ngai mai.

* Pathianni tukah kan kohhranin sakramen kan han ei chu YMA strict vanglai kha a ni bawk a, hnar awk deuh deuh an tam ngei mai.

* Tu emaw bula i huta earphone-a music a ngaihthlaksan chea a maimitchhin bawka a kâ a chîp hmak chuan i tan a hnarkua chiah a hawng tihna a ni; be lui tlat suh.


* Zawngah ei chu hlabu ken a ngai lo; hiante sak lai hi han sakpui ila, ‘Nangmahin en rawh’ an ti daih zel.

* Thlam tiat hi rangkachak nei ila, zanah a êngah hlo thlo ila..

* Sakhi taitaw tlân ai chuan Satel mautuai tlân hi chân a fuh zawk; thâwm nei pawh ni ila kan kap hman tho tho.

* I fate a hun takah vacancy laktir hîn ang che.

* ‘Tinge ozone pawp hi nipui lai chauhva an sawi hin le? Thlasik lai hian a phui emaw ni le.

* Bul-uih ngaina mi i nih chuan chaw ei laiin vawih rawh.

* Zu in leh zu in chu rim a inhriat theih loh va, mahse, zawngṭah ei leh zawngṭah ei chu rim inhriat theih tak a ni.

* Sakei te paw'n mel khata hlaa awm a nu hur an hre thei a, anni aia chungnung  zawk, kei mihring hian engtia hlaa awm nge ka hriat ve theih ang aw...?
Share:

23 comments:

  1. hahhahaa.. ava han ho mai mai hlawm tak ve..hlimawm phian bawk sia

    ReplyDelete
  2. @Beethugs, ho hlawm tak a ni...haha

    ReplyDelete
  3. Ha ha, Vacancy lai tak khi k duh mai mai reuh

    ReplyDelete
  4. ka khi leh vur vur mai. Hnam puanzar khi hit eee

    ReplyDelete
  5. Ramsa ho hian a nu hur awmna an hre dik chaih chaih zel, hei hi a nu hurin pheromones an pekchhuah thin vang a ni. Nula te hian pheromones hi pe chhuak ve thin ta se, mipa kan inhawrkhawm hut hut thin ang aaaaa......

    ReplyDelete
  6. @Opa: Chu chu lawm! :)

    @Pu Caribou: A bengvarthlak leh keuh. Mahse, ka nui huk mai..hahaha

    ReplyDelete
  7. * Thlam tiat hi rangkachak nei ila, zanah a êngah hlo thlo ila..
    a hit tawp. Ka va duh tak iam...
    mahse, ozone hi greenhouse gas kan tih mai (CO2, NH4, N20 & CFCs) te hian an attack reng a. A bik takin CFCs (Chloroflourocarbon) kan tih hian a ei chhe nasa bik hle an ti a, aerosol spray leh cooling agent atanga chhuak te an ni hlawm. Chuvangin, Ozone (O3) te hi nipui lai chauhvin a pawp lova, engtik lai pawn a chhe mek zel a ni mithiamte chuan an ti.

    Ka duh hlawm awt awt lutuk. A tha hlawm e.

    ReplyDelete
  8. A bengvarthlak zel e.. Thianpa Lra, ka lawm e.

    ReplyDelete
  9. Logic taka thusawi awm thei a nih hi. I thluak thatzia a lang khawp mai!

    ReplyDelete
  10. @k'u Krista, van lawmawm thin ve aw.. Hmun dang atanga ka hriat, ka modi leh ka phuah an nia, ka irawm chhuak vek emaw te i lo ti reu reu ang e. :-)

    @Ajo, han la chhuak la.. ;-)

    ReplyDelete
  11. Tha hlawm khawp mai.

    ReplyDelete
  12. a ropui hlawm khawp a lawm le :-D .

    ReplyDelete
  13. A nuihzatthlakna lam aiin a ril ka ti, a tha khawp mai ka save e. Ka computer chhe leh a, ka reh vawng vawng, mobile atang ka ti ve leh keuh keuh thin a, mahse mobile zawng ka regu peih ve lo a ni. A tha leh tawh e.

    ReplyDelete
  14. @Anon & Anon, ka lawm lutuk e.

    @Pu Rpa, i reh vang vang ka lo ti reng a, i computer chhiat vang a lo nih chu a. A lawmawm hle mai. Han regu leh tan tawh teh, i tel loh chuan kan kim tak tak thei lo ve.

    ReplyDelete
  15. TS hre mak thei hlawm e!! Fa te Vacancy lak tir tih khi ka hrethiam lo!!

    Ka nui vak vak mai!!

    ReplyDelete
  16. Pi Ma, ka lawm lutuk e! Vacancy tih khi chu vaccine tih a hre sual a ni ngei ang! :-)

    ReplyDelete
  17. TS thanks!! ka hrethiam ta e.. hresual ve nasa ve aw hahah...

    ReplyDelete
  18. Va tha hlawm mai mai ve. Nang hi i thluak a tha ngawt mai. Kan hriat ve reng, tihnachang kan hriatloh leh thiamloh hi nalh takin i rawn chhawpchhuak keuh zel. Ka nui

    ReplyDelete
  19. Pi Ma, welcome...hehe.

    Sheldie, ka thluak vek a ni lo a nia.. Mah re re se, ka lawm lutuk e. :-)

    ReplyDelete
  20. hahaha... smiley ho hian a daih lo, ka nuih a za, i bula awma insum miah loa nuih a va chakawm em em, nang khan lo sawi belh suap suap zel bawk la..

    ReplyDelete
  21. @Miss, a va lawmawm tehlul em! A bak ka hre chuang lo a nia..:) Inhmuh pawh a khât ta veng veng hle mai.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers