10 March 2012

"Zu ka in tawh ngai lovang!"

Krismas urlawkni a ni a, kan hnathawhna lama kan ûl deuh avangin ka haw har a. Zan dar 8 veleh ka haw hman âwk a. Bazar-ah ka kual a, ka fapa, kum 22 mi leh ka nupui duhtak thilpek tur ka lei a, in ka thlen veleh ka pe ang a, an va han lawm dawn rua em!

Vur a tlâk avangin fimkhur takin car ka khalh a, nakinah chuan ka hma lam atangin car pakhat, zurui khalh tih hriat zet mai hi chak takin a lo tlan phei a. Kawng sirah ka lo side chungin mi rawn su ta bur a.

Darthlalang a keh ri chhuai a, kawng a nâl avangin ka car chu thui tak a tawlh a, kawng sirah a tawlh liam a. Khawvel a thim ta mup mai. Siren a ri ruai ruai a, mi tawng ri nuai nuai ka hre chhawm a, êng tak mai hian ka mit a rawn chhun bawk a. A vawi hnihna atan khawvel a rawn thim leh riai riai a.


Ka harh veleh chuan ka han hawi kual a. Ka sira doctor lo ding ka hmu a, banga sana ka han en chuan zing dar 9 a lo ni tawh a. Chêt ka tum a, ka ke ka tiche thei hauh lo. Chuveleh doctor chuan, ke-a ka kal theih tawh loh tur thu leh ka hriatna ka hloh hen thu min hrilh a. Ka chhungte an awm hnaih leh hnaih loh ka zawt a, pindan pawna ka harh chhuah hun nghaka an awm thu min hrilh pah chuan, "Merry Christmas!" a ti a, min chhuahsan zui a.

A hnu lawkah tlangval pakhat hi a rawn lut a. A mit aangin mittui a lo luang chhuak a. Tunge a nih rëng ka hre lo. Mi rawn pan a, mak ti takin ka lo en reng a.

Râwl chhuah meuhva tap chungin, "Ka pa, ka tihpalh a ni. Zu ka in leh tawh ngai lovang," a ti a.
Share:

7 comments:

  1. Tha leh hle mai. Tuarna phena midangte tana malsawmna a ni e.

    ReplyDelete
  2. Lra, a lawmawm hle mai! A thupui ka dah theihnghilh a, ka'n dah ang e. :D

    ReplyDelete
  3. I fapa khian zu a rui a, a rui phur, in control zo lovin i car chu a rawn su ta ngheng mai tihna emaw ni le? Pawi khawih palh rau rauvah mihring taksa pawi inkhawih sak palh hi chu a pawi thui bik thin anih hi tiraw.....

    Lr-a comment-a 'tuarna phena midangte tana malsawmna' tih lai tak khi ka va man pha lo deuh ve le.

    ReplyDelete
  4. @Pu Caribou: Ni chiang e! I man ang chiah a ni e. lra chuan a comment hmanhmawh lutuk a, a man chiah lo a niang..:)

    ReplyDelete
  5. Tuarna phena malsawmna ka tih tak awm zia, keimaa ka sawi tum tak chu hetiang hi a ni.
    A fapa zu ruiin, a pa motor a su chiam mai a. A pa natna avanga a inhmuh chhuahna tak kha "malsawmna" ka tih tak chu a ni. Malsawmna a ni chiah lo, inhmuh chhuahna tih zawk tur ni awm tak chu a ni.
    Min hrethiam a ni ang chu. Tawngkam thiam loh luatah, mahni leh mahni ka inchal tauh a ni ber e.

    ReplyDelete
  6. Ha ha ha.....Hetianga han inchhaih buai hi a nuam ve tlat.

    ReplyDelete
  7. Hahahaha! I sawifiah hma chuan kan lo hrethiam lo dawn dawn alawm thianpa..:) A tha lutuk e!!!

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers