10 March 2012

Nun nan thihna


James-a chuan a bialnu hmangaih em em Janet chu bike-in a phur a, nakin deuhvah chuan a khalh chak ta fua fua hle mai a.

Janet: James, khalh muang deuh rawh. Ka hlau a nia.

James: Bawihte, hlau reng reng suh, a hlauhawm loh ve.

Janet: Ni lo.. Ka hlau a nia...khawngaihin.

James: Min hmangaih thu min hrilh phawt la.

Janet: Ka hmangaih che. Khalh zawi rawh le!


James: Khawngaih takin vawi khat chiah mi han kuah leh ta che.

Janet-i chuan a kuah a.

James: Ka helmet khum hi i la lawk thei em? Nangman khum zawk mai rawh, khalh a tihar tlat.

James-a tih ang zel chuan Janet-i chuan a ti a.

A tuk zing chanchinbu-ah chuan —

"Nimin khan bike pakhat chuan in pakhat a su a, hei hi a brake fail vang a ni. Bike-ah hian mi pahnih chuangin a hnunga hu, a hmeichhia zawk chu a dam chhuak a, a khalhtu a thi."

Khatia kawnga an tlân mek lai khan James-a chuan a brake a thunun thei ta lo va, a brake a fail tih a hre nghal mai a. A bialnu hmangaih em em chu engmah a hrilh duh lo va.

A thlakhlelh em em hin, Janet-i'n "Ka hmangaih che," a tih ri hriain, a damchhunga a hnuhnung ber atana Janet-i'n duat taka a kuah hnuin a helmet chu a hmangaih a khumtir a, a hmangaih nun nan a nunna a hlân a, a hmangaih thih aiin a thi ta a lo ni.

Chutiang bawkin Lal Isua pawh kha kan thih aia thiin kan nun nan a nun a hlân a lo ni.
Share:

2 comments:

  1. Thu tawite, awmze ril tak nei anih hi. I va ziak thiam em em ve le.

    ReplyDelete
  2. Khaih! Pu Caribou, ka letling mai mai a ni e. Ka thiamna chuan a tlin lul lo mai. Min chhiarsak a, ka lawm lutuk e.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers