28 April 2012

Kamera Trik

* Hmana biakina bible leh hlabu ak lut ṭhin tam takte chuan a aiah camera lianpui an ak lut tawh a…

* Hmanah chuan puipun nikhuaa a langsar lai berah zu avangin an tlu ngát ṭhin a, tunah chuan camera lianpui vangin an let ngát tawh a…

* Hmanah chuan khawlaia camera lianpui akte chu media lam mi-ah kan ngai ṭhin a, tunah chuan facebook lam mi-ah kan ngai tawh a…

* Hmana khuarel mawi tak tak a tak ngeia kan hmuhte chu chei mawi chawpin a lemin min hmuhtir ṭalh an tum tawh a…

* Hmanah chuan phone camera hmet de sup sup karah camera të kengte an intithei a, tunah chuan camera lianpui pui, hmeh zawnga ri thlek thlek thei zingah tuman camera të an phawrh ngam tawh lo va…


* Hmana camera nei lova pangngai taka khawsa mai mai tam takte kha tunah chuan an camera lianpuiin an rilru a tipiangsual lek lek tawh a…

* Hmanah chuan chak deuh deuhva bike khalh hian mi’n min ngaisang turah kan ngai tlat ṭhin a, tunah chuan khawlaia camera lianpui ah hi mi’n eng emaw riauvah min ngai turah kan inngai tawh a…

* Hmanah chuan thlamuang takin ṭhiante hmaah camera chungchang kan ngaihdan diktak kan sawi ngam a, tunah chuan hmelma siamna tluk thawthang a ni tawh a…

* Hmanah chuan kan thlalak kan khul ṭhin a, tunah chuan kan thlalak min lo pe ṭhin tawh a…

* Hmanah chuan camera hi eizawnna leh rawngbawl nan an hmang thin a, tunah chuan camera hian chu’ngho a tibuai tawh a…
Share:

9 comments:

  1. Adik hmel hlawm hle mai. Ti daih ila ka kamera lian aihian ka kamera tezawk hi ka hmangthiam zawk..hahahaha

    ReplyDelete
  2. Phuah cuak thiam hle mai, tha ve reng

    ReplyDelete
  3. I rilrua thil awmte tha tak leh nalh mam zaiha i sawi chhuak/ziak chhuak thiam bik thin hi i ngaihsanawm ka ti. Thuziakmi diktak i lo ni e.

    Digital camera leh phone camera a lo chhuah hnu hian duhtawkin thla kan hmet hmiah hmiah a, kan hmeh tam ang huin "a chhuak" hi a tlem ta hlein ka hria. Roll film camera kha chu "a chhuak" deuh ngei ngei ziah asin.

    ReplyDelete
  4. Camera hi a common tawh lutuk, mi la chin loh thil common vak lo, tui der chiam tur zawng ang u! :D

    ReplyDelete
  5. @Pu Caribou, i han ti hluai a, i tizahthlak...haha. Tunah chuan awlsam lutukin thlalak a neih theih tawh a, hmana thlalak kan ngaihhlut ang khan kan ngaihlu tawh lovin ka hria.

    @Dawldanga, eng nge kan tih ang le...?!!

    ReplyDelete
  6. I camera trick chu ka tumloh zawng anih daih chu le.

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers