26 January 2013

Ka campaign au hla


Blog update nan fiamthu lampang post ve leh mai mai ang!

Chalfilh Constituency Bye-Election a hnai ta a, bial hmangaihtu an lo pung leh ta! Kei pawhin independent-a candidate ka tum maitheih avangin hetiang hian ka campaign auhla tur ka duang ta a. Sum tam tak sênga Mizoram cheichhiat dan ka lo hre bawk nen!

* He bye election-a ka tlin chuan tuivai ka khuah ang!
* Khawlian leh Vanbawng inzawm patin lei ka dawh ang!
* Reiek tlang leh Hmuifang tlang hi Chalfilh Constituency huam chhungah ka sawn lut ang!
* Sikul pakhatah headmaster pahnih zel, a spare tur ka dah vek ang!
* Tuivai chungah khelmual ka sa ang a, goal lehlam hi Phuaibuang kawtchhuahah a awm ang a, a lehlam hi Phullen kawtchhuahah a awm bawk ang! A sirah Airport ka dah nghal ang a, chu chuan Suangpuilawn hi luhchhuah nan a hmang ang!
* Khawlek khi a awmna hmun ka sawn sang deuh ang a, tichuan, tun aiin a lo vawt ang a, signal te pawh an nei tha zawk ang!
* Chalfilh Constituency hi tower-in ka hung chhuak vek ang!
* Khawruhlian-ah hian ruh lian pui ka dah ang a, chumi hmun chu 'golgotha' tih a ni ang!
* Sihfa, Tualbung, Buhban, Lamherh, Hmunnghak, Luangpawn, Thanglailung, Zawngin, Mualmam, NE Tlangnuam leh Daido te hi Khanpui-ah ka dahkhawm chhin ang a, a that viau loh chuan ka dahlet leh mai ang!
* Tuivai ka khuah dawn avangin bial chhung mipuite zawhte in thlengin power chu 24 x 7 a ni ang!
* Kawngpui chu istiri-in kan nawt mam ang a, a chungah carpet kan phah mai ang!
* Pu Hawla sawrkar hi kan nin tawh em avangin Hawl Again pawh hi Hawl Against kan ti tawh ang!
* Sesawng hi vote tamna a nih avangin ka ngaihsak hle ang a, an khaw tlang sang lai ber atangin tui ka chik chhuahtir ang a, a chik tina kha chhungkaw tin kawtkaiah a chik lut ang a, tuman tui an chawi tawh lovang!
* Bial chhung mi ngei nupui ka nei ang a, ka hmuh loh chuan bial pawnah ka zawng leh mai ang! Fa pawh bial chhung mi ngei ka nei ang!
* Heng zawng zawng hi thla 8 chhungin ka tihlawhtling vek ang!
Share:

3 comments:

  1. Ekhai.........a pui hle mai. I han fiamthu hluai na a, tun ai hian lo upa deuh tawh la, politics khawvel hi han luhchilh tak taqk la ka ti asin aw.

    ReplyDelete
  2. Ni dawn teh tak e a, fiamthu i ti tak naa, a ril ru phian a.

    ReplyDelete
  3. Mizoram hi I van chhut chiang roh ve aw... Good job

    ReplyDelete

Eng nge i ngaihdân?

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Powered by Blogger.

Ka luh ṭhinna

Followers