 |
| He thlalak mawlh mai hi! |
Thiante u, khi thlalâk khi kan hmu ti rawh u..! Facebook-a an post a ni a, in hmu tawh mai thei; a latu ka hre lo. Mizo nge a niha hnamdang a nih lah ka hre hek lo. Mahse, min vêl a ni.
Keini, mahni inchhûnglum leh eitur tui tha la ei thei reng chunga retheih kan intih ngawih ngawih laiin khitiang mihring khi he khawvelah hian an lo awm asin! He'ng fahrah riangvaite, ei leh in tur nei lo leh chênna tur bâkah thawmhnaw lum tha chu sawi loh, hâk tur mumal takngial pawh nei lote tâna tawngtai bâk tih theih ka nei si lo.
Kei, mi luhlul leh tihmawh ber mai pawh hian khi milem en chungin leh mittui tla zawih zawih chungin he thu hi ka ziak a ni. Kan chantâwkah i lungawi ngawih ngawih ang u.
Ka va tlâwmin ka va insit tehlul em!
Chantâwk khuarêl mah ni se,
Hriatthiam a har an chan rêng hi..!
Vân Jerusalem an tâna buatsaihah chuan..
An zai ve ngei ang hlim tâwp hlau lote'n.
E khai a! Hetiang ang hi a takah a awm theih pawh ka lo ring hlei nem!! Tih theih engngemaw tal neih a va chakawm em.. Ka hnuk an ti ulh hle mai..
ReplyDeleteHnuk a va tiulh em aw....Ka vanneih zia min hriat thartir e.
ReplyDeleteI thlalak chuan rilru a ti kal thui khawp mai. Mirethei te retheihna hi kan rin phak bak hian a lo nasa asin. Khi thlalak khian Liandova te unau inhmangaih zia kha min ti hrechhuak chiang khawp mai. Tikhian mi zahngaihna leh khawngaihna ah an innghat tawp anih khi. Mahniin dinchhuah ve pawh tum se, mirethei lutuk tan chuan a ngaihna kawng a awm lo. Thawmhnaw thar, mobile handset thar, internet, laptop, huan ram, in leh lo, ah an buai lo, an dam khawchhuah ve theihna turin an pum tihpuarna tur chiah an mawmawh.
ReplyDeleteMisual.com Christmas Charity te kha, mi thenkhat lo sawisel tawk pawh awm mahse, mirethei te tan a hlu asin aw.... Cheng sawm te kan tuisik hman mai mai lai hian, an tan chuan cheng sawm hi an riltamna tireh theitu ani asin.
TOUCHING! Kolkata kal hrehawm ka tihna chhan ber pawh, hetiang ang naupang khawngaihthlak hi an tam lutuk a!
ReplyDelete@Noddy: Ni e, khi thlalak khi chuan min vèl chiang khawp mai.
ReplyDelete@Anonymous: A dik khawp mai. Ka vanneihzia ka hriatchian phah tak zet.
@Caribou: Ni e, kan tana thil 'ho' anga kan ngaih pawh hi midang tan chuan thil 'hlu' a lo ni fo thin.
@Seki: Hmuh a hrehawm ka ti tak zet. Ka rilru a khawih lutuk a, ka lo retheih bik loh zia ka hre nawn awn awn mai.
Thiante u, in lo lènluh avangin ka lawm tak zet a ni.
ka va han run tak em...........khitiang rual khi fapa ka nei....he khawvel hi chu aw....SETANA hi ka haw lutuk....bawhchhiatna pawi zia hi chu aw...
ReplyDelete@Zoho: I rawn lenluh avangin ka lawm hle mai. Khi thlalak khi chuan ngaihtuahna a hruai thui khawp mai. Thu tha leh chhenfakawm han hlui tur che nei lo mah ila, i lo lenglut thin dawn nia.
ReplyDeleteFa hetiang rual lek nei tan chuan a mi deh a na hle mai.
ReplyDeleteRethei em em emaw pawh inti ila keini aia rethei lechhawng hi an lo awm leh thin.
Ka fate dinhmun tur anga ka han chan chhin ringawt pawhin hnuk a ulh thei dawn a lawm mawle. An chungah Pathianin zahngaihna lantir sela nuamsa ve deuh hlek tala na nun an hman ve theih ka duhsak e.
@Triple: Keini'n tih theih kan neih ve chhun chu, an tana tawngtai leh kan vanneihzia inhriatchhuah nana hman kha a ni mai si a le..
ReplyDeleteI reh riau mai!
Ka en nawn leh thin a, Ts, min vel leh ta... Ka en rei a, ngaiah ka nei thei lo.
ReplyDelete@Mp: Mi chu a khawih a ni tiraw.. Kei pawh ka ennawn ngam lo a nih ber hi..
ReplyDelete