31 January 2012

Ka hmangaih ka fapa tân



Ka fapa, ka va han ngai ṭhin tak che em!

I lo pian ni-a ka lawm zia kha! I û-te hmeichhia vek an nih avangin fapa nei tawh lo tur anga inngaiin a rûk tak chuan hrehawm ka tiin a kalh a kim lo ka ti hle ṭhin a; mahse, beidawn tawh hnu lamah malsawmnaah pawh a sawmna tak tak ni turin fapa ka hring ta che a, lâwm tak leh lungawi takin ka ṭhiante hnenah 'pa ka ni ve ta' ka ti hial asin. Khata ka lungawina min petu chu ka ṭhiante ni lovin nangmah liau liau i ni a, kha ka lungawina kha tunah a awm tawh lo! Ka ṭhiante bulah ṭap chungin i chanchin ka sawi mêk asin!

Share:

30 January 2012

Ka hmangaih che avangin..

Ka hmangaih che avangin ka nun chân lo mah ila,
Ka hmangaih che avangin chân ka huam asin.

Ka hmangaih che avangin i tan thil tih theih nei lo mah ila,
Ka hmangaih che avangin tih theih loh pawh tih ka huam asin.

Ka hmangaih che avangin tlángrèl ni lo mah ila,
Ka hmangaih che avangin hmingchhiat ka huam asin.

Ka hmangaih che avangin ka neih hloh vek dawn pawh ni ila,
Ka hmangaih che avangin retheih ka huam asin.

Ka hmangaih che avangin chân dawn che ila,
Ka hmangaih tawp lovang che.
Share:

Ka tar ve ta em ni?


Ka tar ve ta em ni?
Ka sam a ṭuak a,
Ka khua a har a,
Ka tha a ṭhum zo ta..
Ka tar ve ta em ni?
Naupan lai ka ngai a,
Nunhlui ka thlir a,
Beisei a tam tawh si lo..
Ka tar ve ta em ni?
Khawvel changkanna hi min tibuaitu mai a ni tawh a,
Hnuchhawn rama kir leh ka châk a,
Nunhlui leh kumhluite’n min hîp vawng vawng..
Ka tar ve ta em ni?
Share:

28 January 2012

Thufing lote


Tun ṭum chu ho deuhvin blog update mai mai teh ang!
  • Bawngin ki a nei, a liak pha lo.
  • Pian chu pun lehzualna, thih chu tlem lehzualna.
  • Ruahsur ni reng rengin khua a chhe duh bik.
  • Fapa a chu nu tan phurrit, fapa fing pawh phurrit pangngai tho, an intiat chuan.
  • Chini chu thimah pawh a thlum tho.
  • Tuboh leh mawng chu a lian ha ha chhut a na.
  • Buara amahin a ding thei lo.
  • Kawng kawia intawh chu inhmuh thutna.
  • Vawk lian apiang ser a hlawk.
  • Arbawm hal chu a alh duh.
  • Arpa a ke pakhat chauhva a din chuan a ke leh lam a âwm a ni.
  • Riah i duh loh chuan chaw fun suh.
  • Ek hi a kawi emaw, a ngil emaw a uih loh phah chuang lo.
  • Barel mawng nei lovah tui a khatin a tling thei lo.
  • A kaw lai chu a pawp nge nge.
  • Thui zawk mah se short cut a nih chuan kal hram hram a ha.
  • Ruah a sur chuan thli a thaw duh riau.
  • Ruahsur laia nihliap khum hian ruah a sur reng tho.
  • Lung të pawh lungpuiin a kamki loh chuan se bo hnua se kawng khar ang a ni.
  • Puitling aiin naupang siam leh an awl zawk.
  • Thil chu a tam poh leh a rit.
  • Chaw ei euh chu puarna.
  • Chaw ngheia nawrh chu rilâmna.
  • Lung të pawh lungpuiin a kamki loh chuan a lum mai hin.
  • Arpuiin mi a chuk thei, tûr a nei lo.
  • Chêr i duh chuan thauna damdawi eisual rawh.
  • Hlim i duh chuan nihliap khum rawh.
  • Kawng chhakah ê la, kawng thlangah zung rawh; a chhuah loh chuan a ngai chuang lo.

Share:

24 January 2012

Blog-a 'read more' dah dan

Blog-a home-a post pumpui lang pup ṭhin hi chuan hmun a heh mai bakah blog (home) a tirit mai mai a; chumi ai chuan read more a awma a thu bul lam tlem lang hi a awlsam mai a. Chutianga tih dan chu chi hnih a awm a. A chi hnihna leh a awlsam zawk chu ka rawn sawi tum a ni; awlsam lutuk!

Share:

22 January 2012

Ka Comedian Search zinkawng


Fiamthu hi ka duh ve pangngai a. Chutih rual chuan fiamthu thawh huau huau chi ka ni hauh lo thung. Fiamthu duh henkhat chuan an awmna apiangah fiamthu an thawh huau huau mai a, an bula awm pawh a nuamin ngainat an hlawh duh hle. Mahse, hei hian mipuite thinlungah — mipui hmaa fiamthu thawh hinte chu khawi hmunah pawh fiamthu thawh tura ngaihna a awmtir a, a ha ber lem lovin ka hria.

Engti tiha Comedian Search-a lo tel nge ka nih le? Tun hnua ka ngaihtuah hian an tawktarh kha ka tel chhan ber niin ka hre ta. Ka tum ber hmu lovin a hlawhtling ber ni lo mah ila, kha kha ka tun hun atana bul inanna a lo ni ta reng mai.

Share:

20 January 2012

Tu mawh nge?


Aizawl tlangval Sangtea chu a bialnu nena inhmuh tumin kein a chhuak a. Kawngpuia a kal mêk lai chuan a message tone a lo ri ral ral a. A en vat a. A bialnu Mami message a lo ni a. A hmanhmawh deuh tawh avângin kal pahin a bialnu message chu reply tumin a type malh malh a. Chutih lai tak chuan motor horn a ri tuarh a.
A khawvêl chu thimin a rawn hliah ta a. Tichuan, a mobile phone avângin a nunna a chân a, a bialnu pawhin a hmangaih ber a chân phah ta bawk. Sangtea vui ni chuan a chhûngkhat hnaivai leh a hian hate bâkah Mami leh a hiannu an tel a, a bâk chu a vuitu a ni deuh mai.
Thlân kotlângah chuan Pastor chuan a vuina thu a han chham a. Chutih lai chuan Mami ringtone a lo ri leh ta ral ral mai le! Chu veleh mi dang zawng chuan an rawn en thup a, Mami tân chuan pick up chu sawi loh, men ngaihna rêng a awm lo. Zah avânga mittui tla chungin a haw ta hnâ hnâ a.
Share:

Ka lo ṭawngṭaipui che asin..


umkhat chu fellowship-naah tlangval hmel fai ngo ving veng, khi sáng, amah sâng si lo, thiamna aiin rinnaah a sâng zâwk tih hriat tak mai hian thu a sawi a.
“I inawngaipui tawn hîn ang u. Kan hiante, kan chhûngte, kan henawmte leh midangte i awngaipui ang u. A lawmawm duh êm mai. Han awngaipui tak tak lo mah ila, ‘Ka lo awngaipui ang che,’ tih ringawt pawh a dawngtu tân a thlamuanthlâk a, ‘Ka lo awngaipui che asin,’ tih awngkamte hi a hlu a nia,” a ti a.
Ka pawm khawp aniang, chuta ang chuan ka awngai hun chhûng hi nidang aiin a lo rei ta a. awngaipui miah lova ‘Ka lo awngaipui ang che,’ tih ka chîn hinte chu ka bànsan hmak ta zâwk a. Kan awngaipui tih kha hre lo mah se, awngaina hi chuan a rûkin hna a thawk kheuh kheuh hînin ka ring tlat a ni. Hmasâwnna an neih hauh loh erawh chuan bei a dawng duh deuh.
Share:

Ngai teh kumhlui..


Mihring siamchawp hunbi chhiarna hian mihring nuna thu a neih nasat zia leh a nghawng nasat zia hi! Mihring tihdanglam theih loh, hun chu a ngai rengin a kal a, kan hunbi chhiarna hmangin kan kaiphar dawr dawr a; a changin kan hmuak a, a changin kan thlah hin.
Kan hmuah avangin a ropui sawt lo va, kan thlah avangin a uiawm sawt hek lo. Kumhlui leh kumthar kan tihte hian awmzia a nei lo va, kumhlui liam tur ngaia kan kur ruai ruainate kha ngaihtuah chian chuan a ho va, a nuihzatthlak a ni.
Kumhlui thlah zan hun hmante hi a holam ngawih ngawih a, a puala thil buatsaih pawh sum khawhralna mai mai a ni. Thenkhatin thil sual tihna remchangah an hmang a, nawmsip bawlna hunah an hmang a, kumhlui thlah hming chhalin nuam an chèn a ni. Kum thar hmuak emaw kan inti a, ni thar kan hmuak a ni zawk si. Ni khat hi Pathian siam, zan hunin a hril a, kum khat erawh mihring siam, calendar-in a hril thung a.
Share:

Treasury Square!


Mitin lawina chu a lo ni ngei mai – Treasury Square hi! Aizawl Treasury Square hi ania ka tih ni. A awp ru riau a, a ngainatawm riau bawk a, eng emaw ti takin ka ih riau a, nuam ka ti ru phian bawk si!
Zing khawvar phat aangin a lûn nghal char char a, a tuk khawvar a bantlang hin. Chanchinbu zuar leh sem chhuaktute’n khawvar phat aangin he hmun hi an luah an a. Patling zing chhuakvakte’n chawlh hahdam nan tak an hmang a, titi hlimawm tak nen zing nilum an ai tlâng hin.
Chawhmeh leh eng ilo zuar an lo lang an a. Chutih rualin a hma zan lam hing rim nam ram ram chunga lo awng bawrh bawrh tâwk lah bo lo. Treasury Square khawvel a inan tlat.
Share:

Huiham!


Ka ding a, ka chhîng a, ka hîp hîn – îp!
Ka zung a, ka zawng a, ka zuar hîn – zû!
Ka lek a, ka pêt a, ka hnek hîn – bêl!
Ka khai a, ka khak a, ka hlap hîn – thai!
Ka nung a, ka nûr a, ka nûl hîn – ka ning!
Ka nam a, ka ham a, ka zâm hîn – ka ap!
Huiham!
Share:

Ka tlâk lo takzet em?


Hun rei tak ka lo kawma ka lo kawp tawh, ka hiannu chuan pasalah hnam dang min neihsan ta a. Ngaihtuahna a kal thui kher mai.
Chutih lai vel chuan khawi emaw laiah hnam dang pasala neih chungchang an sawi a, hmeichhia ni ngei tur pakhat chuan, “Mizo mipate chu neih tlâk in vâng em alawm,” a rawn ti khanglang a. Ka sa zak mai.
Ka hiannu pasal neih tâka chu a mimal tak pawha ka hriatchian a nih avangin ka inkhaikhin nghal vat a.
Share:

Off la, on leh rawh


“Thianpa, signal i nei em?”
“Aw nei e. ‘Ngati nge?”
“Kan sim card hman a inang sia, signal ka nei lo bik a..”
“Off la, on leh rawh.”
Thuawih takin a off a, a on leh a. Signal chu a lo intung thuau a, hlim takin a awm leh thei ta.
Tum khat chu thiante inah ka leng a, an light (tubelight) ka on a, a êng thei ta reng reng lo mai a. Ka tichhia emaw tiin ka lo mangang hman thawt thawt a! Ka hianpa chuan, “Off la, on leh rawh,” a ti a, a thu ang chuan ka ti a, a lo êng thei ta a. Ka thaw huai mai.
Share:

Kapthak!


Hiah a nuam ti rawh u? Mahse, a hrehawm ru riau bawk sia. Mi zingah a thak a rawn chhuah tawh chuan hiah sut sut a mawi si lo, hiah lohvin a reh duh mai bawk si lo. Kan hiah nasat poh leh a zual zel si.
Hmeichhia hian kapthak an nei ngai em ka hre miah lo va, ka la zawt lo bawk a. Mipa hi chuan kapthak kan nei ṭhin a, a bikin naupangin. A thak a’n chhuak tak tak chu, a châk leh kan han chûm det det a, a châng leh kekawr nen kan han nuai pawlh nawk nawk a; a vun te kan han sik leh rih ṭhin a. A nuam em em mai si.
A lo rei tawha hiah nasat chuan a pilh ve ṭhin a, a pilh khan a thak a reh phah mang si lo va. Dim zetin a pilh bul vel kan han hiat set set bawk a, a thak a zau deuh deuh va, hiah a nuam telh telh a, a pilh pawh kan vaihma leh ta law law a. A lo remchang em bawk a ni.
Share:

A liam ta..!


Ka tawrh an dâwn lo,
Ka dâwn an pawm lo,
Ka pawm an zawm lo,
Ka zawm an lâwm lo,
Ka lawm an âwm lo.
Ke pên min zirtir lo,
Kal dân ka thiam si lo;
Ka duh a tling si lo,
Ka tum a tlang si lo;
Ka beisei a thleng si lo.
Share:

Corruption do dan duhawm


Ka hiannu’n a pu chanchin tlém min hrilh a. A tihdanin sawrkar hnathawk zawng zawngte hian ti vek mai sela, corruption chu a zia deuh ang em?
“Ka pu hian zirtirtu hna a thawk a. A thawhpuite hian an eiru ṭhîn a, mahse, hmun dangah a sawi chhuak hran lo va, anmahni pawh a hau ngai chuang lo. Ngawi rengin an eirûk zât chu ama pawisain a rûl mai ṭhîn. Office a kal dâwn te hian, ‘Vawiin chu pawisa rulh a ngai leh tawh a..’ a ti mai ṭhîn a, a thawhpuite eirûk vângin a tangka ip chu a lo phai ve em em ṭhîn..”
Sawrkar hnathawk zingah hetiang mi hi midang awm ve tak ang maw..
Share:

I ngaihtuah ngai em?


  • Ruahsur i nin em em lai khan khawkheng avanga thi tam tak an awm hin tih i ngaihtuah ngai em?
  • I mut mai mai lai khan mutna tur nei lo an awm tih i ngaihtuah ngai em?
  • Puar avanga i irh uk uk lai khan rilama thi tam tak an awm hin tih i ngaihtuah ngai em?
  • Ke-a kal peih lova motor-a i chuan voh voh lai khan ke-a kal châk ngawih ngawih tam tak an awm tih i ngaihtuah ngai em?
  • Ruihtheihthil ti tura i intintuah mek laiin ruihtheihthil ti hinte tana awngai hin tam tak an awm tih i ngaihtuah ngai em?
  • Nun beidawng leh dam chhan nei tawh lova i inhriat changin mamawh ngawih ngawihtu che tam tak an awm tih i ngaihtuah ngai em?
  • I nu leh pate i ânkhum bawrh bawrh lai khan nu leh pa nei tawh lo tam tak an awm tih i ngaihtuah ngai em?
  • Hlim taka i nuih hawr hawr lai khan lungngai taka ap hawm hawm tam tak an awm tih i ngaihtuah ngai em?
  • Biakin chhunga i awm lai khan zu zuar in chhunga awm tam tak an awm mek tih i ngaihtuah ngai em?
  • Intihhlum duhna thinlung i put changin dam thlahlel ngawih ngawih tam tak an awm mek a ni tih i ngaihtuah ngai em?

Share:

Hringnun Record


Tum khat chu ka hiannu nen SMS-in kan inkâwm a. ‘I SMS-te hi ka delete ngai lo. I SMS zawng zawng chu note-ah ka ziak chhuak vek a, kan inhmuh leh hunah ka la chhiartîr vek dâwn che a ni,’ a ti ta reuh a. Chuta ang chuan amah ka message chuan ka fîmkhur phah ta hle. Nakinah inchhîr leh zak ru veng veng chung leh, hrehawm ti chung chunga chhiar ngai a tam lutuk palh ang. Hlim taka chhiar ka duh si a.
Chutiang bawkin ka nitin hun hman dân hi Siamtu chuan a lo record zêl a, Amah nen nena kan inhmuh leh hunah ka nitin hun hman dâna chu min la chhiartîr ang a. Chutah chuan inchhîr leh zak chung chung leh, hrehawm ti tak chungin ka chhiar dâwn em? Hlim takin ka chhiar thei ang em?
Kan tihsual hi siamthat theih a ni; a la tlai lo ve. Ka bulan fuh loh kha, ka tâwpna fuhin a thup mawi thei.
Share:

Vawih thawnthu


Dul a mar pang a, pum a na deuh riai riai a, fianrialah thlamuang takin kan han vawih pût a, pum a thep suai suai a, thla a’n muang sawng sawng a. Chutah chuan vawih siamtu kan fak mawlh mawlh hîn. Eng eng emaw kan ei a, pum lamin a lo ngeih lo va. Mawng a thîp deuh váwt vâwt a, vawih a chhuak deuh bawk si.
Kan han îp ang ang a, îp tâwp chin a thlen hnuah muangchângin, dîm zetin îp kan thlah riai riai a. Thaw chauh a chhuak thei lo, a them a rawn chhuak a, a tuiril nen. hen leh rualte bulah inthlahrung takin kan awm ta dâk mai thîn.
Chaw hel leh thil dang deuh kan ei a, puipunnaah ka vawih a chhuak ta tlat a. Ri miah lovin kan han vawih sâ sâ a, êk khât deuh nen, a rawn nam ta rum rum a. Hre lo awmin kan awm ta hmiah hmiah a, bula mite an buai thung a. Tunge vawih ber a hriat tawh lêm lo va, tlêm tlêma inhîp semin rei lo te hnuah uih chu an hîp zo ve mai a.
Share:

Nung hlut a hlu


Kan chhûng te, kan hian te, kan nu leh pa leh unau te, an liam a, kan ngai a, kan ap hîn. Kan khua a har a, hnêmtu kan ngai a, hnem hleih theih pawh kan ni chuang lo; hnema dama reh thei lah a ni hek lo. Mumang a ang kan ti a, kan pawm thiam lo. Anmahni kan uina mittui zozaite khan a kolêt dâwn chuang lo.
An thuam kan hlut a, an kuthnu kan roh a, an thu hnuhnung kan nghilh phal lo. An dam laia kan thil tihte avangin kan inchhîr ngawih ngawih a, ‘Khatih lai khan khatiang khan lo ti lo ila aw…’ ‘A dam lai khan lo ti zâwk ni ila..’ tiin kan inngaihtuah lêt vawng vawng a. Mahse, a sâwt tawh hauh si lo.
An tel lovin ni kan chhiar a, an tel loh zia chiang takin kan hre ta a. Ni danga kan ngaihthlâk liam mai mai hin khawhar hlate’n min vêl a, thihna lam hawi thuziak kan chhiar ngam lo. Nun a ruak a, a dik thei lo; kan dik thei mawlh lo. Kan nunphung pângngaia lêt leh turin hun tam tak a ngai, a theih loh hial tluk a ni. La dam chu ni sela aw..
Eng vâng tehlulin nge liam tate chunga tih leh ka châk kha a la dama te chunga ka tih mai loh ang ni?
Share:

Setana thupêk pathum


Eiru rawh
Ni e, eiru rawh. A hahdam a, a hlawk a, a zawngchhangthlak ngawih ngawih. Mahni tana nung vek kan ni a, tumah dang min enkawltu tur kan nei chuang lo. Ei rûk theih reng chunga hah leh chau chung chunga thawh tâwk tâwk chu mahni inhremna mai mai a ni a, mâwlna chi khat a ni bawk. Chu vang chuan eiru la, i lo hausa thúr thûr ang a, he leiah hian mi ropui i ni mai ang.
Hur hle rawh
Ni e, hur hle rawh. Thil harsa a awm hleinem. Hrehawm tawrh vak a ngai lo va, ruahsur nisa sensa hnuaia thawh khera hlawhchhuah tur lah a ni hek lo. Engkim hlêp vek a ni. Nakin hun tihte chu sawi mai mai, tûn hun hi alawm pawimawh ber zâwk chu ni. He khawvela rei lo të kan awm chhûng na ná nâ chu hlim tak leh nuam takin khawvel hmang la, hur tûk rawh.

Inkhâwm suh
Ni e, inkhâwm suh. Kâr tluanin hna i thawk a, i hah em em a ni lovem ni? Chawlhni a nihna ang ngeiin i châwl tur alawm. A rêng rêng thu-ah inkhâwm chu mi intiha leh intifel te chauh tih tur a ni ngai e. Inkhâwm ai chuan inah mu daih la, a hahdam zâwk daih dâwn lovem ni? Mutchhuak chung chung leh ning chung chungin in kal a, peih lo chung chungin thiam lo chung chunga thusawite in ngaithla tho si a. In mâwl mai mai êm mai.
Share:

Tu thiam loh nge?


Mi pathum an awm a. Pakhat chu dâwr neitu a ni. Pakhat chu dâwra pickle lei hîn tlangval a ni a, pakhat leh chu tlangvala henawmnu a ni a, dâwr neitu nen pawh an inhre ha hle.
Tum khat chu tlangvala leh a henawmnu an inkâwm a. A henawmnu chuan, “Vawiin chu dâwrah pickle ka han lei a, dâwr neitu chuan ‘I henawmpa paw’n a lo thiar tlut tlut mai’ a lo ti a…” a ti a. Tlangvala chu a zak rilru ta hle a, chuta ang chuan dâwrah pickle a lei ngai ta lo va.
Tlangvala chuan dâwr neitunu a hmuh hreh avângin thil dang pawh a lei duh ta ngai lo va, a dâwrtu hlun pakhat a chân ta dêr mai. Dâwr neitu chuan tlangvala’n a rawn dâwr tawh ngai loh avângin a chhan a zâwt a, tlangvala lah chuan zêp lèm lovin a chhan a lo hrilh ta mai a.
Share:

Ka fak a che!


Aw nang ram danga awm Mizo nula, i awmna lamah hmelha leh sar vah an tam dawn tehlul nen. Pa tawi tirh terh ni lo, hnar bawng lo kephah hlai over si lo, sa inphut tawk tak leh kawng tinrenga kan mipate aia thlanawm i hmuh dawn tehreng nen, i ram leh hnam phatsan duh lova Mizo val ngei pasal atana i thlang hin hi ka fak a che.
Aw nang ram danga awm Mizo tlangval, i awmna lamah pawh chawntawi puar ling leng, ngal kual leh thau tawi bit bet ni lo thlan tur i neih âwm tehreng nen, chu’ng chu kalsana Mizo nula ngei nupuia i rawn thlang chat hin hi ka fak a che.
Aw nangni Mizoram pawna awm zawng zawngte u, kan ram riang të aia i awmna hmun leh hma a nawm zawk dawn nen, tlangram khawkrawk chhe tak tak leh vaivut lêng chum chumin a bawh ngai lohna hmun kalsana hun remchang i neih chang changa i rama rawn haw nachang i hria te, i theih loh chang pawha haw i duh leh châk ngawih ngawihna rilru avang khan ka fak a che.
Share:

Baw hawk!


Khawvel hi en r’u! Hringnun hi thlir t’u!
Thian ha bera kan ngaihte’n min kalsan a, hmangaihtu ni-a inchhâlte’n khiang min awisan a. Hmêlma an pung a, hian ha takte aia an angkai zâwkna a lo lang leh hîn.
Hmasawnna duhin kan zir a, kan thiam kan theih finna zawng te, a rei dawn lo. Chatuan daih a ni lo. Khawvel atan chauh a ni.
Khawvel a rûm a, a chhûnga chêngte’n kan tuar a nih hi. Hlim emaw kan intih mêk laiin kan ap a, nunhlui a hlui thei si lo.
Share:

Thinlung Kutdawh


Tlai khat chu ka hnathawk zo hi ke-in zawimuangin ka haw a. Bazar Bungkawn kawngsîr hmun pakhata hmeichhe tleirâwl pakhat, kum 16 mi àwm vel lek leh tlangval pathum lo hu ka hmu a. An bulhnai ka thlen chuan an rim chu Chhandamna thu sawi rim a nam lo tih ka hre nghâl a. Hmeichhe tleirâwl kha, kum 16 mi vêl lek a nihna tak chuan ka thinlung a chhun ngaih mai.
Ka kal zêl a. Minute 15 vêl hnuah Zodin Square ka thleng a, brigde-ah ka lâwn a. A chungah chuan hmeichhe awp deuh pathum vêl leh mipa, kum 18 mi vêl lek lo ding ka hmu a. An bul ka thlen chuan damdawi mûm eng emaw zât an lo hûm a, thup an tum viau nâa an bulah ka kal miau a. An hmêl aang ringawt pawhin Biakin kawngka an kân khât ang tih hriat sa. Mipa kha, kum 18 mi vêl lek a nihna tak chuan ka thinlung a chhun ngaih mai.
Share:

Juai!


Mizo awnga ‘J’ hi hmanna a tlêm riau mai a, a awm ve tho bawk sia, chuvângin he post-ah chauh hi chuan ka’n hmang ve juai ang e. Min lo hrethiam juai rawh u.
Juai 1-na: Juai chi hrang hrang a awm. He juai 1-na hi a pawimawh ber tihna a ni lêm lo. Ka rawn juai hmasak ber tihna a ni mai. Nulât tlangvalna hman juai hi a va pawi em! Siamtu duh loh zâwng a nih chu thuhran ni se, nun pum tichhe thei thil a ni. He juai hian damchhûng chhiatna a thlen thei a, chuvângin juai rei chi a ni a, juai chi lohna tak a ni.
Juai 2-na: Thil sual inanna chu juai aangin a ni tlángpui. Ruihtheih thil i tih juai khan juai leh a hring a, i juai reng tawh mai hîn a nih kha. Mi i thah juai chuan jail-ah i tâng juai hauh lovang. Chuvângin he mi kawngah hian he juai hi i tem lovang u.
Share:

Ṭêk


êk kan hria a, a thawh nat zia pawh kan hre heuh àwm e. Thawh dân chi hrang hrang a nei a, chu’ng zîngah mihringa a thawh dân hi a dang ber àwm e.
êk hi eng nge?
Nulät tlangvàl kan han hre chho tan dêk dêk a, he êk hi kan tawng nghâl pang. Duh zâwng kan nei a, engmah kan hrilh ngam si lo. Puipun nikhuaah kan chhuak a, duh taka chu mitin kan han zawng ru a, kan duh taka te paw’n min lo zawng ru ve ngei a, chuta mit leh mit intawng taka hi ‘êk’ chu a ni.
Mihringa a thawh dân
A thawk chak khawp asin. êk a rawn tla ta chiah a, rilru a dêng nghâl sawk a. Zahthlâk a rawn inlâr uam uam a, a nuam veng veng lawi a. Sim hleih theih lohvin a ngawl kan vei nghâl pang a. Ngawl vei rau rauah chuan a sual lo ber àwm asin. êk bawk chu zak chung chungin kan beisei a, kan pan leh nge nge hîn.

Share:

Facebook hi..


  • Mahni chauhva min nuih vur vurtîrtu a ni a, êkin zîm të aang pawha khawvêl tukverha min dahtîrtu a ni.
  • Sas min petu a ni a, sas duhlai min lâksaktu a ni bawk. A thîkthu a chhiain a va nunrâwng si em!
  • Hunâwl hnawhkhahna ha tak a ni a, hna ûl laia min tibuai em emtu a ni bawk.
  • Ka khawhar a hlau va, hianhova hlim taka ka awm a hlau leh bawk si.
  • Mizoram-a internet chak lo lutuk min nintîr em emtu a ni a, mit leh phone battery ti-low hmatu a ni!
  • Amah avângin ka tlaivâr fo va, chhûnah min awimu leh lâwp lâwp tho si.
  • Khawvêl lehlama mite hnên thleng pawh inthlahrung miah lova, ‘Ne th? Nai tk ce,’ min tihtîr theitu a ni.
  • A taka ka hrilh ngam miah loh tur hnêna tha ka tihzia hrilh theihna remchâng min siamsaktu a ni.
  • A mize dangdai tak avângin ka ngaina a, a awm loh ka hlau ngawih ngawih a; ka thih hmaa a thih ka phal ngai si lo. Mahse, ka va ning si em!
  • Teh hrep chuan!

Share:

Ka ṭhiannu kha..


Tum khat chu ka hiannu pakhat, pawl kaw zirlai kum 15 mi lek hian ‘tihian SMS mi rawn thawn a:
“Ih maw.. Naupang të ka nih laiin ânu leh âpa an inhen a, âpa chuan nupui dang a nei a. Ânu chu chhûngkaw harsa tak an nih loh avângin âpa a neih hian a zo lo a ni deuh ber a. Ânu chu nuhrawn a ni a, âpa awm lai chuan min duat thei lutuk a, a awm loh veleh min tiduhdah thei lutuk. Hmêlchhia tia sawi tur ka ni lo va, naupang të mah ni ila, kan vêngah chuan inlêng ka nei hîn a. Inlêng ka neih lai te hian ânu chuan min hau chiam hîn a, ka zak thei lutuk. Ih maw.. Pângngai taka nun te hi ka châk ve hîn a, mahse, chu chu ka tân vâna rah ang a ni si,” tiin.
He ka hiannu hi a nuhrawn chuan a tirethei em em hîn a, a châng chuan a chaw ei ve pawh a phal ngai lo. Zân dâr sâwm rîk dâwnah a insu hîn a, a insûk zawh hnuah biakinah awngai turin a kal hîn a, a awngai tlaivâr hîn. Zîng lam dâr li vêlah a haw hîn a, chutah chuan SMS mi rawn thawnin min awngaipui thu mi rawn hrilh ziah hîn.
Share:

Facebook hrâng


Kum 6 kal ta aang khan thingtlang atangin Aizawl-ah ka nau, Sang Sangi nen lehkha zirin kan rawn awm a. Kan in luahna chu hmun fianrial tak niin a tawi zâwngin, henawm kan nei lo a ni ber. Thian dang kâwm lem lovin kan unauvin kan inkâwm chawt a, kan khua a har bîk lo. Facebook, orkut, twitter a rawn lar chho va, mi neih ang neih châk leh mi theih ang theih châk reng renga khawsa ta chuan phone kan tuak a, kan neih hnuin facebook-ah account ka siam nghal vat a, a hnu lawkah ka nau chu ka siamsak bawk a.
Aizawl-ah kum 4 kan awm hnuin ka nau chuan hrisel lohna neuh neuh a rawn nei chho va. Zan khat chu a nâ a rawn zual deuh avangin biak theih lohvin a awm hial a, damdawiina kalpui tumin taxi ka han zawng a, zan rei tawh lam a nih vang leh kan awmna a fianrial deuh avangin a vâng hle. Minute 20 vel hnuah chuan ka hmu hram a, inah kan tlanthla leh nghal vat a.
Share:

Nun khawhar


Fapa mal ka ni. Ka nu leh pate paw’n an theih ang tâwk chuan min duat ve. Mahse, chhûngkaw harsa-ah chuan fapa mal nih chu hahthlâk mai a ni. Hmánah chuan ka nu leh pate nen kan khawsaho hîn. Ka pa’n min zilhhau a, min fuih a; ka nu’n min hnêm a, min thlamuan hîn. Mahse, tûnah chuan an awm tawh lo, an hun a liam tawh.
Thian dang ka kâwm tam lo. Ka unaute nen kan inkâwm hîn. Kan kawtah kan inkhualtelem a, kan infiamho hîn. Unau kan tam tham a, tu vak mah kan ngai bîk lêm lo – hmánah chuan. Mahse, tûnah chuan ka unaute kha an bo vek tawh.
Unau tam mah ila, hian chu ka nei ve tho. Ka kâwm tam lo tih mai a ni. Chu’ng ka hian kawmte nen chuan high school tlângah kan lêng hîn a, ramhnuaiah pipu suihin kan uai hîn. Tawlhpahrit-ah kan tawlh a, kekawr mawng pawp huauvin kan awm hîn. Pawi kan ti lêm lo; kan hlim tlat. A pawi ber zâwka chu kum tam liam tawh thil ka sawi tlat.
Share:

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers