He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.
April ni 4, 2023-ah an launch a. Tunah hian user hi maktaduai 1.2 an tling tawh a, active user hi 657k an ni mek. Mining rate hi user an tam dan azira tla hniam zel tur a ni. A tirah, darkar khatah ice 16 zel mine chhuah theih a ni a, chumi hnuah level 2-ah tlahniamin tunah hian level 3 a ni mek a, darkar khatah ice 4 chauh a mine chhuah theih tawh. Active user hi maktaduai 1 an tlin hunah 2 ice p/h-ah a tla hniam leh ang.
Phase 1 hi July 7th, 2023 – October 7th, 2024 thleng a ni dawn a, hemi hun chhung atan Ice hi mine char char theih a ni. Phase 2 hi October 7th, 2024 atangin a intan ang a, chutah chuan Mainnet an release dawn a, exchange-ah te an list tawh dawn avangin lei leh hralh pawh a theih tawh dawn a ni. Kum khat tha zen zawn mine-na hun a la awm tihna a nih chu.
A TIH DAN:
Link-ah hian lut la, playstore/appstore link a lo awm ang. App i download hnuah hawng la.
Google account hmangin login la.
I username tur thlang la (I username kha i invitation code tur a ni nghal)
Refer code-ah tsa1 tih kha dah la, (airdrop i dawn theih nan)
A bak chu a inphaman zat tawh ang.
STAKING:
App-ah khan Pre-Staking tih a awm a. Chutah chuan Years leh Allocation tih thlan tur a awm ang. Years-ah hian kan stake hun chhung atana kan duh zat kha thlan mai tur a ni a, allocation-ah chuan kan mine sa eng zat nge kan stake duh kha thlan mai tur a ni. Kan stake zat leh rei zawng azirin mining rate a sang. Kei chuan allocation-ah 75% ka thlang a, kum 5 chhung atan ka stake a ni.
1-ah hian google account hmanga sign in mai tur. Chumi hnuah i username te i set hnuah, enter nickname-ah 'tsa1' tih i chhu lut ang a (2 ang khian). Chumi hnuah complete a ni mai.
A hnuaiah group/channel-ah hian mining app thar leh tha tak tak kan post thin a, i lo join ve dawn nia.
Catly hi cryptocurrency chi khat a ni a, presale an nei mek a. Presale chhung chuan airdrop an kalpui a, staking system te, buyback system te an kalpui bawk. A thlawna tih theih zawng kan tar lang phawt ang a, pawisa invest duh tan a hnuai lamah a hranin kan ziak leh dawn nia.
Catly airdrop ti thei tur chuan Binance account neih phawt a ngai a, binance account la nei lo tan a siam dan chu link-ah hian a awm — Binance Account siam dan. Binance account i neih sa tawh chuan a ngai chuang lo.
Tichuan, a hmasa berin link-ah hian lut phawt la - Catly.io. Chumi hnuah a hnuaia lang ang khuan Sign Up i hmet ang.
A hnuaia milem lo lang leh ang hian, i email te, i password turte i chhu lut ang a. Email-ah hian binance-a account i siamna email hman tur. A hnuai lehah a piaha hawrawp lang ang kha i chhu lut ang a, Create an account tih kha i hmet leh ang.
Chumi hnuah a hnuaia thlalak ang hi a lo lang ang a. A chung lama 500 $CATLY tih zawna Claim kha i hmet leh ang.
Tichuan, binance verification tihna tur a lo lang ta a. Khatah khan Binance-a i USDT deposit address (BEP-20) kha i dah mai ang.
Binance-a USDT address copy dan vel thiam lo tan — Binance App-ah i lut ang a, Wallet-ah i lut leh ang a, >> Deposit >> USDT i thlang ang a >> Choose Network-ah khan a chung ber BNB Smart Chain (BEO20) i thlang leh ang a >> Wallet Address lo lang kha i copy ang a, Catly website-a Binance Verification-ah khan i va paste ang. A hnuaiah a tih dan video ka dah e.
Heng zawng zawng hi i tih hnuah, Continue i hmeh hnuah khan a hnuaia thlalak ang hi a lo lang ang. I binance USDT address i dah hnuah khan Catly lam hian i account verify nan USDT tlem azawng an rawn thawn nghal ang a, chu chu i email-ah notification i dawng ang. Chuta USDT i dawn zat chu a hnuaia thlalaka âwl awmah i dah mai dawn a ni. A dik theih loh chuan USDT an rawn thawn zata zero zawng tel lovin i ti tha leh dawn nia.
Tichuan, Submit i hmet leh ang a, a zo der. Catly 500 i dawng ang a, chu chu a in-stake nghal ang. Ni tin 3% reward i dawng ang a, 3% chu 15 a ni. Chu reward chu i stake leh nghal zel ang a, i khawl tam deuh hunah i duh leh i hralh mai dawn a ni. Hemi chinah hian eng mah pawisa invest a ngai lo va, a thlawn vek a ni.
Catly chungchang tlem:
Catly hi meme token pakhat a ni a, tunah hian presale an nei mek a. Crypto dang nena a danglamna chu, presale lai hian kan lei sa kha a stake theih a, staking reward kha a withdraw nghal theih a ni. An website-a a lan dan chuan, an token zat 2.1 billion atanga 70% an hralh hunah exchange-ah an list dawn a (he thu buatsaih lai hian 17% a ni tawh). List an tumna exchange-te chu, Bitforex, Huobi, Gate.io, Kucoin, OKX, Bybit, Biconomy and Pancakeswap (DEX) te a ni.
Catly Ecosystem:
Catly hian token bakah crypto swap-na te, staking platform te, NFT bakah Lotto (gambling) te an siam a. Catly DAO leh CATLY AI Education te an develop mek niin an website-ah tar lan a ni.
A rintlak em?
An website-a tar lan danin, Block Safu-in an contract code hi a audit a, link-ah hian an audit result a en theih — Audit Result. Catly Foundation tiin Colorado nonprofit corporation angin an inziak lut a, an registration no chu 20231501938 a ni. An registration chungchang bihchiang duh tan link-ah luh mai tur a ni — Catly Registration. Money Services Business License pawh nei anga intar langin, an license no chu 31000243510970 a ni. An whitepaper chhiar zau duh tan link-ah a chhiar theih bawk a — Whitepaper.
CATLY allocation plan:
An token total supply hi 2,100,000,000 (2.1 billion) a ni a. Presale & Rewards atan 70% (1,470,000,000), Exchanges-a list turin 15% (315,000,000), Marketing atan 10% (210,000,000) leh Ecosystem Fund atan 5% (105,000,000) an dah a ni. Presale chhunga lei leh hralhah hian tax 7% an la a. 7% zinga 5% chu holder (investor) reward atan, 1% chu liquidity pool-ah, 1% chu token burn-na atan an dah niin, an website-ah an tar lang.
A free-a tih theih chin zawng khi 100% a him tia ka sawi theih chin chu a ni a, a bak lei duh tan risk lak a ngai thung. Kan hriat atana tha chu, investment reng reng risk lo a awm lo tih hriat tur a ni a, kan neih zawng zawng invest loh tur. Hloh atana kan phal chin chiah invest tur a ni. Kei chuan tu mah invest turin ka sawm dawn lo che u a, in duh chuan a free chin zawng khi in ti thei a. Mahse, lei leh hralh duh an awm takin, a tih dan video ka dah leh hram dawn a ni. Keimah tak hi chuan ka invest nual a, thla hnih dawn a ni ve ta.
Presale lei dan:
Presale lei turin Binance-ah USDT neih phawt a ngai. Binance-a USDT nei tur chuan, P2P hmangin emaw lei a ngai a, P2P hmanga binance-a pawisa deposit dan hi lo chhiar hmasa phawt la. A nih loh pawhin, telegram lamah min rawn contact la (ka username chu @TsKhupchong), kei pawhin ka lo neih lai tak a ni maithei. P2P hmanga lei chuan fee a awm thin a, a uiawm ve riau zel. A thu-a ziaka ziak duah lovin a lei dan video han dah mai ila.
A hralh/withdraw dan:
A hralh dan hi a awlsam leh zual a. Catly i lei sa kha i stake nghal ang a, i stake zat atanga 3% kha ni tin reward i dawng ang a. Chu chu i duh leh i hralh ang a, i duh leh i stake leh zel ang. Minimum withdraw kha $1 (300 Catly) tih erawh lo hre reng la. 300 Catly a tlin hunah i hralh zel thei tihna a nih chu, chu chu i binance account-ah a lo lut nghal zel ang.
A hnuaia lem ang hian, a chung ding lama balance lanna, wallet lem khi hmet la. Thlalak pahnihna ang hian lei leh hralhna a lo lang ang a. Sale $Catly tih kha i hmet ang a, i hralh zat tur dahna a lo lang ang. I available balance chauh kha a hralh theih a, chu chu i chhu lut ang a, Sell Now tih hmeh leh kha a ni mai.
Refer & Earn:
Mi dang kan refer-a, kan link atanga an luh hian eng mah commission kan nei hran lo. Mahse, kan link atanga lutte'n an lei chiah hian commission kan nei a, direct referral-ah an lei zat atanga 3.5% commission a awm a. Kan refer-te refer leh chhawngah 1.8%. Chutiang zelin level 10 thleng refer commission a awm thei a ni. Kan refer-te'n eng mah lei lo mah se, mi dang refer an neih leh chhawngte'n an lo lei chuan, chuta tangin commission kan lo nei ve zel dawn tihna a nih chu. A hnuaia thlalak ang hian...
Hetiang lampang chi post-an telegram group Crypto Miners Club hi i lo join bawk dawn nia.
Binance hi khawvela cryptocurrency exchange lian ber, hmangtu tam ber a ni a. Hetiang lampang ngaihven tan chuan account siam dan hi sawi teh chiam a ngai lo va. Mahse, cryptocurrency la khawih ngai lo, hetiang lampanga la bil viaute tan chuan hriat loh pawh thil awm thei tak a ni a, chuvangin Binance account siam dan kan tar lang dawn a ni. Mobile leh Desktop (Computer) atanga siam dan hi dang hlek hlek a awm maithei a, mobile hmangtu kan tam zawk avangin mobile hmanga siam dan kan dah ang.
A hmasa berin a hnuaia link-ah application download phawt la. Android/Playstore : HETAH iOS/App store : HETAH
A chung lam vei lama Sign Up kha hmet la, Sign up with phone or email kha i thlang leh ang.
Country of residence-ah khan i chenna ram i thlang mai ang, India kha thlan mai tur a ni.
Create Personal Account tih kha hmeh leh tur. A hnuaia thlalak en la.
I email dah la, a hnuaiah i password tur i dah leh ang a, a hnuaia Referral ID tihah khan CPA_00KRA1OUTO hi i lo chhu lut dawn nia. Chumi hnuah Next tih kha i hmet leh ang.
Security verification kha a lo lang maithei a, a lo lan chuan thil lem lo lang kha tuai phei mai tur a ni.
I email check la, binance email verification code a lo thleng ang. Code chu copy la, Email Verification Code-ah khan i paste ang a, Next kha click leh mai tur. A hnuaia thlalak hi en la.
A dawt lehah chuan i phone number i dah leh ang a. Phone number chhut luh dawn khan Code-ah khan India thlan leh tur a ni.
Chumi hnuah Next kha hmeh leh tur. Phone number-ah Binance code a lo thleng ang a, chu chu chhut luh tur. A hnuaia thlalak hi en la.
Phone number i verify hnuah chuan KYC tih a ngai leh ta a. KYC chu mihring tak tak ngei kan ni ti tichiangtu, fake account a ni lo tih tichiangtu a ni mai a. Document pawimawh — Driving License, Pan Card, Voters ID, Passport, Adhaar Card etc a hman theih vek a ni.
Identity Information-a dahkhah ngaite i dah khat ang. I chenna ram, first name leh last name bakah i pian ni leh thla i dah ang a. Chumi hnuah Continue kha hmeh tur.
I chenna hmun (residential address) leh postal code te, chenna khua te dah leh tur. I document upload tur nen a inmil a ngai. Chumi hnuah Continue hmet leh la.
I document upload tur i select ang a, an document pawm chin hmuh theihin a awm bawk a. I duh ber kha i thlang mai ang. A hnuaia thlalak ang hian...
I document pawimawh leh ID number tih vel i upload fel hnuah facial recognition (selfie) a ngai leh ta a. Selfie hian filter hman loh tur, tarmit phelh tur, lukhum khum loh tur, a êng tha tawk tur a ni.
Begin Verification hmet la. I lu thle hlek tur te, mit khap/siai tur te, nui saih tur tein a rawn ti ang che a. Chung chu fimkhur takin i ti zel ang. Chung zawng zawng i tih hnuah i submit fel ang a, an verify hun nghah kha a ni tawh mai.
NOTE:A chunga thlalak ka dahah te khian Nigeria flag tih vel hlir a lang a. Khing screenshot khi internet-a awm sa ka hman vang a ni a, buaina tur a awm lo. India kha thlan zel mai tur.
Wild Cash hi Hook Protocol product (utility) pakhat a ni a, Hook Protocol chu crypto pakhat niin khawvela crypto exchange lian ber Binance launchpad-a an launch tawh (Binance-a list tawh) a ni a, chuvangin tuna ka rawn post Wild Cash hi a rintlak a ni tih han hre phawt ila.
1. A hmasain Wild Cash app hi lo download phawt la (app hming click rawh), referral code a ngaih tak leh 4asOLo hi i lo hmang dawn nia.
2. Application i download chu install la, Sign Up tih kha i tap (hmet) ang a, i Google account hmangin i lut dawn nia. Facebook account hman loh tur.
3. Language leh withdrawal currency thlanna tur lo awmah khan English kha i thlang leh dawn nia. Chumi zawhah Next a ni mai.
4. Male/Female thlanna tur a lo awm ang a, tuai leh patil tan pawh a eng emaw zawk zawk chu thlan a ngai mauh mai. Username/nickname tur siam a ngai ta a, i duh duh hming i dah thei a, hminglem i hmang thei bawk. Chumi hnuaiah referral code dahna tur a lo awm a nih chuan 4asOLo tih hi i lo hmang dawn nia (sign up bonus i dawn theih nan).
5. Mining tihah hmet la, Tap tih lo awm kha i hmet ang a, darkar 24 a ral apiangin i va hmet leh thin dawn nia.
6. Tichuan, gold token kha a in-mine char char dawn a, chu chu uHGT-ah exchange theih a ni a, uGHT chu BUSD-ah exchange/swap leh theih a ni. BUSD chu Binance-ah i withdraw ang a, suma chantir a ni tawh mai.
7. Mining tih tlar phei hmasa berah khan Quiz to Earn tih a awm a, chutah chuan ni tin zanlai dar 12-ah 220m prize pool (gold token) leh ni tin chawhnu dar 2-ah 430m prize pool (gold token) a awm a. Chu quiz chu i chhang thei a, free vek a ni. A eng emaw zawk zawk pawh kha i chhan dik vek chuan a tukah lawmman a rawn thleng ang.
8. Chumi hnuaiah chuan Crypto Camp : Quiz to Earn tih a awm leh a, A har dan indawtin a inrem thla a (a hnuai ber kha a har ber a ni), a har apiangah quiz lawmman a tha zel a. Duh hun hunah he quiz hi chhan theih a ni.
9. I referral code hmangin i share char char thei a, i referral code hmanga rawn zawm an awm chuan mi pakhatah gold token 5000 zel i dawng ang a, i team (i referral hmanga join-tute)-te mine atangin commission i dawng zel bawk ang. I share hnem poh leh i hlawk.
Engtin nge kan withdraw ang?
Zawhna pawimawh tak a ni a, a indawt danin han ziak leh ta ila.
1. I gold coin kha 8,00,000 a tlin hunah (minimun exchange kha 800k a nih vangin) Wallet-ah i lut ang a, a chung bera i gold token zat inziahna bula Exchange tih te reuh tê inziak kha i hmet ang.
2. Gold token kha uHGT-ah i exchange ang. Submit for review tih i hmeh hnuah an lo review ve ang a, an pawm (approve) hnuah i hre mai dawn a ni.
3. uHGT chu BUSD-ah i swap leh ang. uHGT 8,00,000 leh BUSD 1.6 hi a intluk tawk a ni. BUSD hi Binance hovin stablecoins (US dollar nena intluk tura siam) an siam a ni a, BUSD 1 leh US dollar 1 a intluk tihna a nih chu.
BUSD-a i swap hnuah Withdraw i hmet ang a, i Binance wallet address (BUSD) kha i paste ang a, email verification code i chhut luh thlap hnuah a hnuaia Withdraw i hmet leh ang a. An lo review zawh hnuah i binance account lamah a lut tawh dawn a ni. Binance account-a a luh tawh chuan P2P hmangin i hralh thei tawh (Tih dan hre lo kan awm chuan comment lamah inhriattir ni se).
Hriat tur pawimawh dangte:
Wallet-a i luh khan Staking Vault tih lo awm kha i hmu ang a, i Gold token mine sa kha uHGT-ah exchange mai lovin i stake (dah pung) rih thei a, duh hun huna unstake leh mai theih a ni.
Mining-a i luh khan NFT Toolbox tih a lo awm a, khata i luh khan luh cheh (chek)-na ni awm tak leh bawm ni awm tak lem a awm a. Pakhat zawk kha mining speed tihsanna a ni a, pakhat zawk (bawm zawk kha) ni khata mine chhuah theih zat tihtamna a ni. Kan Gold token neih sa hmangin a tahtawl tê têin ni tin upgrade theih a ni. Bawm zawk, mine chhuah tam theihna lam zawk kha kan ngai pawimawh hmasa dawn nia.
Min chhiarsak avangin ka lawm e.
Mining & Earning chungchang inziahna dang i chhiar duh chuan hei hi click rawh.
A hmasain Binance-ah pawisa i deposit phawt ang. Binance lo pawh exchange dang dang (gate.io, kucoin, bitmart etc) i hmang thei a ni. Binance-a pawisa deposit dan hi HETAH chhiar tur a awm.
Playstore/Appstore-ah Trustwallet i download ang a, a hnuaia video-a ka siam angin wallet i siam ang. Secret Phrase kha mi dang tu mah hrilh loh tur, note bu-ah emaw lakkaia chhinchhiah tur, a him thei ang ber a ni mai. Kha kha phone tih bo te, wallet delete hnuah pawh recover leh theihna tur a ni.
Trustwallet i siam hnuah chuan a hnuaia video anga tih mai tawh tur a ni e.
Trustwallet hi kei chuan ka download tawh sa a, download nawn ka ngai lo a ni.
Video-ah khian ka wallet awm saah a lut a; chuvangin wallet la nei lo tan, wallet thar ka siam a ni.
Kei chuan USDT ka deposit a, mahni deposit duh ber (BNB, Bitcoin, Ethereum etc) kha deposit mai tur a ni.
Network-ah hian thlan theih chi hrang hrang 'Binance Smart Chain (BEP-20) te, Ethereum, TRC-20, Polygon etc tih te a awm teuh mai. Kei erawh chuan BEP-20 ka hman duh vangin network-ah pawh ka thlang a ni.
Wallet hming hi duh ang angin siam that (rename/edit) theih a ni.
Zawhna i neih chuan comment lamah min lo zawt mai dawn nia. Chuan, google advertisement lo lang hi khawngaihin vawi khat chu min lo click-sak ve keuh dawn nia. :)
P2P tih chu Peer-to-Peer tihna a ni mai a. A awmzia berah chuan, P2P market-ah tu emawin crypto (BTC, ETH, USDT etc) a zuar a, chu chu kan lei duh chuan an UPI address (or an phone number) an dahah khan kan duh zat pawisa kan va thawn a, anni'n an thil zawrh chu an release a, kan (binance) account-ah a lo lut mai thin a ni.
A hmasain binance-ah account i neih loh chuan account lo siam phawt la. Hetah hian aw... KYC (document pawimawh te upload a ngai a, account an verified theih nan) te lo tifel vek la. Tichuan, pawisa chu deposit theih a ni. A tih dan kimchang chu a hnuaiah video hmangin ka dah a ni.
Video han en phawt la, i hriatthiam loh chu comment-ah emaw i zawt mai dawn nia. Kei chuan USDT ka duh avangin USDT kha ka thlang a, BNB i duh chuan BNB tih section-ah khan i lut mai dawn a ni.
A chunga a lem hi hrilhfiah han tum ila. Butasingh tih hi a zuartu a ni a. 19 trades tih hi lei leh hralh tih tawh zat a ni a; completion 100% tih khi trade 100% a zo (success) tihna a ni mai. A hnuaia Rs. 87.08 tih chu USDT pakhat Rs. 87.08-in a zuar tihna a ni. Crypto Amount 37.37 USDT tih khi USDT 37.37 lei theih a nei tihna a ni. Limit Rs 1500-2500 tih khi Rs 1500-2500 inkar pawisain a lei theih tihna. Rs 1500 hnuai lam man a lei theih loh va, Rs 2500 aia sangin a lei theih loh tihna a ni bawk. A hnuaia IMPS|UPI tih chu payment method a ni mai a, video-a langah khian kei chuan UPI ka thlang mai a ni.
Chat-a ka va biak chhan chu, a online lai a nih leh nih loh finfiah ka duh vang a ni a, min rawn chhan (response) hnuah pawisa ka thawn chauh a ni.
Pawisa kan thawn hnuah crypto kha release duh lo ta se, tih zawhna awm thei a ni a. Khitianga inzuarte khian pawisa deposit sa hi eng emaw zat an nei vek a; kan crypto lei an release duh lo a nih chuan time count a zawh hnuah complaint mai tur a ni a, Binance lamin an rawn release mai ang.
Crypto kan lei kha Binance-ah Funding-ah a lut a. Funding-a awm hi transfer a theih loh avangin Spot-ah ka convert phawt a ni (video-a lan ang khian).
P2P-a thil kan lei khian fee tlem azawng a awm ve zel a. Funding atanga Spot-a kan convert-naah erawh fee a awm lo thung.
Ti khan kan hrethiam turah ngai ang. Hriatthiam loh chu comment lamah aw... Khawngaihin advertisement lo lang kha vawi khat min lo click-sak zeuh dawn nia. :)
Tunlai hian instagram account hack a tam hle mai. A tirah Mizo account an hack sa atangin Mizo tawngin link luhna tur an thawn a, link-a an luh khan an credential (email/password) vel an lo ru a, an hack thin ni awm tak a ni. Kei ngei pawhin hetiang message hi ka dawng fo va, mahse, ka en liam mai thin.
May ni 11, 2022 khan Google chuan Mizo tawng telin tawng chi 24 chu google translate-ah an dah thar a, Mizote tan chuan thil lawmawm tak a ni. Chutih rualin kan tawng chu tute mai pawhin, mi sual ber atanga fel ber atangin an rawn hmang (access) thei ta tihna a ni a, internet lamah fimkhur lehzual kan ngai tihna a ni. (Ka blog-a ads lo lang thinte click zeuh hi chu a pawi lo a nia!)
Heng hacker-ho hian google translation-a tawng 24 an dah thar hmangtute hi an rawn bitum (target) ber niin a lang a, hemi hnu hian instagram leh facebook account hack hi a tam hle niin a lang. Google translator atangin an thil sawi duh chu tawng dang atangin Mizo tawngah an translate phawt a, chu chu an bitumte an thawn ta thin a. An Mizo tawng pawh a tlangpuiin, tawng chhumbung leh tawng pai (ti mai ila) deuh a ni tlangpui a; hei hi google translator a la dik (accurate) tawk loh vang a ni a; google translator-a Mizo tawng a lehlin dik poh leh inbumna thilah pawh fimkhur a ngai sauh dawn tihna a nih chu.
Eng vangin nge mi account an hack-sak thin kan tih chuan, mi facebook/instagram/youtube channel an hack hian platform-ah an hmang a, tin, email hmang pawhin an thawn thei bawk. Sum invest tur te, link eng eng emaw click turtein an post a, payment-na ni awm tak tak a lem hi an post tel bawk a; tlema hetiang lampang hre thuk lo tan phei chuan awihawm tak tur a ni. Nang erawh chu thlemnaah lo tlu lut lul suh ang che.
Hengte hi hriat atan a pawimawh:
Internet-ah thil i lei loh chu a thlawnin i dawng dawn lo.
Sum tlem te invest-in sum tam tak a hlawh theih loh.
Rei lo te chhunga hausak thutna hi (thianghlim takin) a awm meuh lo.
Hmelhriat lohvin rawn sawm chawtna chhan tur che an nei lo!
Mizo tawng pai tak hmanga thlemna chu lo do zel phawt rawh.
Link nazawng, hriat chian loh chu click loh tur.
Kan thian, kan u leh naute an him zawk nan hei hi sawi darhin, i hrilh darh hram hram ang u.
Cryptocurrency chungchang hi ka lo tar lan fo tawh ang khan ka hre ril lo va, ka hre technical lem lo bawk a, ka mamawh tawk hi ka hriat belh ve zel chauh a ni. Miin min zawhin a tlangpui thuak thuak, buaipui tharte hriat duh zualpui chauh ka hrilh thei chauh a ni a, hetia ka ziah thin hi ka hriat viau vang emaw, chhiartute chu ti ve tura ka duh vang emaw a ni lo va, ka tawnhriat bakah ka ngaihtuahnaa awmte ka lo tar chhuak ve mai chauh a ni; lo hlawkpui an awm chuan a lawmawm hlei hlei thung ang. Miin an ngaihven a, ka blog post-ah pawh post dang ai ngawt chuan view a tam thei viau a ni.Hemi chungchang hi post tlem azawng ka lo siam tawh a, chhiar duh tan Cryptocurrency label hi click mai tur a ni e.
Tun tum chu cryptocurrency pakhat Bitgert (BRISE) chungchang tlem tê tak tak chauh ka'n tar lang teh ang. Nikum, 2021 kum chawhnu lama market-a an launch chauh a ni a; kum tawp lama twitter atanga hria ka ni thung a. Nikum December thla tìr têah khan Bitmart Exchange (CEX) chu hack a ni a, crypto hrang hrang $ 100 million hû chu rûk chhuah a ni. Bitmart-ah hian BRISE hi list tawh ni mah se, rûk chhuah theih loh turin BRISE developers-te hian hackers-te an dang thei a, an holders-te chu an him a. Chumi chungchang thu tweet pakhat chu ka chhiar fuh a, tichuan, theih ang tawkin ka'n bih chiang a. Twitter-ah ka follow a, an telegram group ka join bawk a, investment phei chu ka ti rih lo va.
Chutiang chuan ngawi rengin ka thlithlai a. Theih ang tawkin an project ka zir chiang a; website lama an tokenomics leh future plan (roadmap) te, an product te ka en bawk a. An contract-ah buyback mechanism an apply a (chu chu lei leh hralhah tax awmin, tax atanga eng emaw zat percent chu holder reward te, supply burn (titlem) nan te an hmang a ni). Lei leh hralh (volume) a san poh leh an burn hnem ting dawn tihna a nih chu. An roadmap-ah chuan anmahni puala blockchain an launch tur thu te, staking platform te, exchange leh wallet an develop thu te ka hmu a. An contract address chu theih anga zir chiangin, a him tih ka ring ta bawk a. Tin, an telegram group-ah crypto exchange lian leh lar Gate.io leh Kucoin-a list turin inbiakna an kalpui mek thu te, legal process an buaipui mek thu te ka hmu a; exchange liana an list chuan nasa takin a man a sáng vak dawn tih ka ring a, a man a la tlawm bawk si nen ngaihngam takin nikum December thla khan tam vak lo chu ka lei ta a ni (Kucoin hi volume atanga tehin exchange (CEX) zingah chuan Coinmarketcap ranking-ah 5-na a ni a, Gate.io hi 7-na a ni thung).
Tichuan, ka lei chu ka dah ta reng a. Staking platform an launch ta bawk a, January 16, 2022 khan thla 6 chhung atan ka stake (hralh theih loh tura dah pung) ta a ni. An future plan (roadmap) zinga tel staking platform an launch a, wallet te an launch ta bawk a. Kucoin lamah erawh inbiakna an kalpui reng chungin an la tifel hleithei lo va. Bitrise tih company a lo awm tawh avangin Bitgert tiin a hmaa Bitrise (BRISE) ni reng thin chu Bitgert (BRISE) tiin an thlak ta a, an website pawh an upgrade (& redesign) ta bawk a. Tum khat chu thawktu eng emaw zat an lak tur thu announcement an chhuah a, duh an awm ka rin avangin whatsapp group thenkhatah ka post chhawng a, group pakhatah phei chuan an theih ang tawkin Bitgert chu an lo zir chiang a ni ang, an website chu hmanni lawka siam (new domain) a nih thu bakah, scam min tihsak a (tar lan tawh avangin website upgrade a ni), za lutuk lovin ka nui.
Tichuan le, February 9, 2022 khan Gate.io-ah February 15, 2022-ah an list tur thu an tweet ta a. Chu thu lawmawm tak mai chu thu lawmawm dangin zuiin, Hemi ni-ah vêk anmahni puala blockchain an launch tur thu chu vawiin, February 11, 2022 khan an tweet leh ta zui a. Chu veleh nasa takin BRISE hlutna (value) chu a sang (up) ta char char a, token an launch hnua a value san lai ber (ATH - All Time High) niin zero pakhat a kill hial a. Kei pawhin phur takin, anmahni wallet atang ngei chuan ka neih ang tawk ka lei belh ta a ni. Eng tak ang zel ang maw!
Vawiin a san lai khan a hlutna hi 50% velin a sang hman a, holder, volume & marketcap pawh nasa takin a pung a. BRISE blockchain that bikna tur chu, fee hniam hi a ni. Blockchain dang hi fee a sang viau va, a bik takin Ethereum (ERC-20) phei chu sang fer fer tak a ni a, keini han hman chi pawh ni lo. BRISE blockchain fee erawh chu BSC (Binance Smart Chain) ai pawhin a hniam dawn a, zero deuhthaw a ni dawn a, hei hi a that bik em emna tur chu a ni. Tin, transaction speed hi a sáng viau dawn a. An test-naah 1,00,000 TPS (transaction per second) a ni hem mai. Tin, a him tha (secure) hle niin an sawi bawk. Blockchain thenkhat hi hack a lo awm fo tawh niin an sawi a, blockchain him leh tha, chak leh fee tlawm bawk si chu BRISE Blockchain that bikna tura an sawi vul ber chu a ni. Tuna a value-ah hian cheng 1 lekin BRISE tam tak a la lei theih a, eng tak ang zel ang maw...
He thu buatsaih lai hian Bitgert (BRISE) hi Centralized Exchange (CEX) zingah MEXC, LBank, Bitmart, XT.COM leh IndoEx-ah te list tawh a ni a, Decentralized Exchange (DEX)-ah chuan Pancakeswap atanga lei theih a ni. Tin, anmahni wallet-ah awlsam taka Binance (BNB) nena swap theih a ni bawk.
Vawiin January 6, 2021 chu chawhma lamah kan thianpa pakhatin min lo call a. WazirX chungchang a ni. Kei chuan WazirX aiin Binance ka hman nasat zawk thu ka sawi a, ralkhata inhrilh mai awlai loh thu sawiin hmaichhana la inhrilhfiah turin kan ti a. Chawhnu lamah khawtlang thilah office ka dawr a, ka hmuh tum ka nghah laiin thawktu pahnih an lo inbia a. "Bitcoin i ti ve em?" an inti a, pakhat zawk chuan a tih loh thu a sawi chuan, "Tunlaiah bitcoin tih loh te chu a..." a ti deuh nang nang a. Mizote pawh hian cryptocurrency hi kan lo ngaihven hle tawh tih chu phat rual a ni lo va, a tihdan leh hriatchianna kawngah erawh kan la bangbo tlâng niin ka hria.
Cryptocurrency chungchang hi facebook leh whatsapp lamah te ka post zeuh zeuh tawh a, blog-ah ngei pawh hian ka rawn post tawh a. Chungte vang ni maw, he thil chungchangah hian zawhna hi ka dawng ve ta zeuh zeuh va. Kei tehlul hian ka thiam leh hriat a tlem em em mai a, inzir chawpa hre chawp ve chauh ka ni a; keini ai hmaa lo buaipui fe tawh pawh an awm nual ka ring a, hre zawk pawh an tam ang. Mahse, Mizo tawnga hetiang lampang ziak hi hmuh tur a la vang khawp hian ka hria a, ka ziak ka ziak ve ta chu a ni mai a. Tunah pawh ka rawn ziak ve leh ta chawt mai a nih hi.
Kum khat tha pawh ka la buaipui lo va, mahse, tuipui na na na chuan hma kan lo sawnin kan lo hriat belh ve zel a. A tirah tak chuan WazirX-ah account ka siam a, pawisa ka deposit a, crypto ka lei a, chu zawng chu a ni deuh mai. Mahse, hriat belh duhna a lo awm zel a. Binance-ah account ka siam a, hun rei tak KYC verification-ah ka tâng a. Mahse, anmahni helpline/customer care lamah ka report hnuah manual-in an rawn approve a. WazirX-a fiat currency (India pawisa) ka deposit chu USDT-ah convert-in Binance-ah a thlawnin (fee awm lovin) ka transfer a, tichuan, Binance-ah ka trade ta thin a ni.
Hun a kal zel a, tutorial hmang tangkaiin Binance-a P2P hmanga India pawisa deposit dan ka'n thiam chho va, WazirX hmang kher lovin Binance ka hmang ta zel a ni. WazirX te, Binance te, Coinbase etc te hi Centralized Exchange (CEX) an ti a, CEX chu eng company emawina an kalpui exchange (crypto trade-na platform) a ni a, neitu awm a ni. Chu lo lehah chuan Decentralized Exchange (DEX) an tih hi a awm leh a, hei hi chu eng company mah enkawl ni lem lo, neitu bik pawh awm chuang lo, a siamtuten siam chhuak tawpin a hmangtute thuin a kal zui mai thin. Entirnan, Pancakeswap, Uniswap leh crypto thenkhatin anmahni puala an siam te hi a ni hlawm.
A tirah chuan CEX hman dan kan thiam ve mai a; mahse, DEX hman dan hi a kual kikawi ve avangin hriatthiam a harsa a, fimkhur pawh a ngai hle. Mahse, sum tlemte bak invest tur nei lo tan chuan DEX hi a tangkai em em si a, a hman dan thiam chu tih makmawh a ni. CEX-ah chuan cryptocurrency value sang tawh leh lar tawhte bak hi an dah (list) lem loh avangin chungte hlawkpui tur chuan hun a duh rei a, dawhtheihna nei mi tan lo chuan hlawkpui hmaa kan asset (crypto) tihral mai te a chakawm thin. Mahse, DEX-ah chuan crypto tharlam, man tlawm tak tak, Re. 1 lek pawha tam tak lei theih te a lo ni hlawm a, chung crypto la thar deuhte chu zan hnih khat thil thua value sang vak, tihfuh hlauh chuan hausak thut theihna te pawh a ni hlawm a ni.
CEX leh DEX hi tlem han sawi zau deuh ila. CEX-ah chuan a platform neitu company-in crypto project tha leh him an dah tlangpui a, chuvangin scam avanga invest sual, sum hloh vak ang chi kha a awm mang lo. DEX erawh chu crypto siamtuten an siamte an dah luh hmasakna hmun a nih avangin, scam (a lem/inbumna) a tam em em a, mahnia research tenau tiha project (crypto) tha leh rintlak a ni em tih te inchhiar zau phawt a ngai a. Crypto lama knowledge la nei lem lo tan phei chuan, guide-tu tha tak nei sa lo tan khawih rih loh mai te pawh a him awm e (Kei ngei pawhin a tir lamah scam coin ka lei fuh tawh a, pawisa a sing tel ka lo hloh tawh a ni).
Traders tharlam (beginner) tan guideline/tutorial angreng hi ziah ka tum thin a, mahse, hriat hmasak ngai hi a tam em em a. Tuna kan tarlan zuai zuai tak exchange (CEX & DEX) chungchang bakah Blockchain, P2P, KYC, Wallet, Contract, marketcap, marketing supply, burn, burn/dead wallet etc. te sawifiah hmasak ngai a tam em em mai a, hriat chian duh tak takna nena chhiartute in lo inchhiar zau te a nih ngawt loh chuan inhrilhfiah hi a huphurhawm a, ka pamtul leh mai thin. Tun tumah pawh tihdan rawn ziah tum bawk ka ni a, mahse, bultanna tur leh ziah tur ber hriat a har em em mai a, ka kual ka kual ta mai a nih hi. Mahse, chhiartuten tlemte tal kan lo hlawkpuia kan lo hriat belh theih nan han ziak ta zel ila.
Exchange (CEX & DEX) chungchang kan ziak tawh a; blockchain chungchang tlemte tak tak, thil dang sawi zauna turin han sawi ila. Tunlaiah chuan blockchain lar tak tak a awm nual tawh a, BSC leh ETH chauh han sawi ila. BSC chu Binance Smart Chain tihna a ni a, BSC hian crypto pakhat Binance (BNB) hi pawisa bera a hman a ni a, wallet-ah pawh Trustwallet an hmang a, an DEX pawh Pancakeswap a ni. Pancakeswap-a crypto (token) thar kan lei duh chuan, Binance (exchange) atangin BNB chu Trustwallet-ah kan thawn ang a, Trustwallet hmangin Pancakeswap-ah token kan va lei (exchange/swap) dawn a ni. Hemi tihdan hi a hranpa liau liauva ziah tham a ni ang.
ETH kan tih chu Ethereum a ni a, Ethereum Blockchain hian Metamask wallet an hmang a, crypto pakhat Ethereum tih chu pawisa atan an hmang a, an DEX pawh Uniswap a ni. Uniswap-a an token (crypto) dah thar kan lei duh chuan Binance exchange (Binance lo pawh a hman theih tho) atangin Metamask-ah Ethereum (pawisa) kan thawn ang a, Metamask hmangin Uniswap-a an crypto thar dah kha Ethereum nen kan va exchange/swap mai dawn a ni.
I crypto thar lei duh kha BSC (blockchain) hmang a nih chuan Trustwallet leh Pancakeswap hman dan i hriat a ngai a, ETH (blockchain) hmang a nih chuan Metamask wallet leh Uniswap hman dan i thiam a ngai dawn tihna a nih chu! Contract kan tih pawh sawi fe tham a awm. A tawi zawngin, crypto tin hi code hmanga siam vek a ni a, an code hman hi contract chu a ni mai. DEX-a crypto lei dawn chuan an contract address hriat ngei ngei a ngai a ni. Crypto tin hian an website-ah an Contract address chu an dah tel zel. Crypto (contract) him leh him lo hriatna awl sam chu — i crypto lei duh kha BSC hmang a nih chuan a contract kha hetah paste la, check tih i click leh chuan a him leh him loh a rawn lang mai ang. ETH hmang a nih erawh chuan hei hi hman ve thung a ngai.
Eng pawh ni se, vawi leh khatah han sawifiah sen rual a ni lo va, a hnuaiah hian tutorial video pawimawh zual ka dah a, cryptocurrency i buaipui ve dawn chuan i lo en dawn nia. Mi siam sa link ka rawn dah mai e. Ka post dang chhiar duh tan — Cryptocurrency chungchang ve thung
Binance Account Siam Dan
Binance account i siam dawn chuan ka referral code JNQ1HFIZ hi i lo hmang dawn nia :) Link
Binance-a P2P hmanga pawisa deposit dan
Trustwallet siam dan
Binance atanga Trustwallet-a pawisa/crypto transfer dan
Kan hma lawka Parliament thlasik thutkhawmah Private Cryptocurrency khap (ban)-na tur bill put luh tur thu, Lok Sabha bulettin-in nimin, Dt. 24th November 2021-a a'n tar lang meuh chu, cryptocurrency hrang hrangte hlutna nasa takin a tlahniam hlawm a, India crypto exchange lian ber WazirX-a an crypto list ho phei chu a sen thup hlawm a, 10-20% velin a tlahniam fur a, cryptocurrency hmasa leh lian ber Bitcoin pawhin tun thlaa a hlutna hniam ber hun a thleng hial a ni.
Hei hi a chhan chu, bill put luh a nih chuan pass ngei a ni dawn a ni tih a chiang a. Chuvangin India-in crypto a khap ngei dawn a ni tih ringin Indian user mi vaibelchhe 10 chuang zet chuan an crypto invest sa kha an hralh ta chur chur a, mi chuti zatin thawklehkhata an han hralh tâkah chuan market a crash ta lo thei lo a ni. Twitter lamah pawh a trend nghal chur chur a, a thenin Modi sorkar chu ânchhia an lo lawh bawrh bawrh bawk. Tunah erawh ngai a rawn awh (recover) chho mek zel thung.
Chutiang a nih laiin thenkhat chuan, 'private cryptocurrency' tih a nih avangin a zawng zawngin an khap dawn lo an ti bawk a. Private cryptocurrency ho chu blockchain transaction pawh hmuh theih loh, user ho wallet balance leh address pawh hmuh theih loh ho hi a ni a, hengho hian black money chalai nan leh thuhruk nan te, rawlrala chetna lama contribution neih nana an hman thin avangin security thilah sorkarin a khap ta mai ni te pawhin a lang. Bitcoin leh cryptocurrency lar deuhte erawh 'private' a nih loh avangin khap zingah a tel lo tura ngai pawh an thahnem hle.
Bill-a tarlan angin, sorkarin a khap hnua ti lui hremna pawh a na dawn hle a, lungin tàn leh pawisa chawitir tur pawh a tlem chhe lo hle. Chutih rualin, sorkar hriatpuiin digital currency siam chhuah tura rawtna pawh hmuh tur a awm thung a. Hei vang hian sorkar laipui hian cryptocurrency zawng zawng hi a khap bur dawn lo tih erawh a chiang viau a, crypto technology hrang hrangte pawh sorkarin a rawn hmang zui zel dawn tih pawh a hriat theih.
He thil avang hian Indian crypto investor-te chauh an buai lo va, Indian exchange lar tak tak WazirX te, Coinswitch Kuber te pawh a ruk tak chuan an buai ve hlein a lang. Sorkar hian statement mumal tak a la nei lo va, chung exchange liante pawhin rinthu an la insawisiak laih laih a, thil kal dan tur chu a la chiang zel ang. Reserve Bank of India (RBI) hian cryptocurrency hi a làwm lo sa ve hrim hrim a, fiat currency (sorkar tihchhuah pawisa) aia a lansarh hlauh leh duh lohna vang te pawh a ni mahna.
Cryptocurrency investor te i lo nih ve chuan lo hmanhmawh hralh kha a ngai hran lo. Sorkarin tuna i crypto invest kha a khap zinga a tel a nih pawhin, chhuahna hun remchang a siam ngei dawn a; tin, bill put luh tur chauh a la ni a, Act a nih hma chuan hman theih a la ni chuang lo va. Muangmarin ngaihtuahna kan la seng tlang zel dawn a nia. Sorkarin lo khap bur pawh ni se, exchange lian ho hi an awm mai mai lo turah ngai ila, Supreme Court thu te nen lam kan la hre zui zel lo vang tih sawi theih a ni lo. Indian crypto hma lam hun a êng hle tia sawi erawh a harsa ta deuh.
Sorkar laipuiin cryptocurrency a regulate tur thu hi a rik rêt rêtna chu a rei tawh a, heti zawnga an rawn her erawh kan lo rin lâwk lem loh a ni. A ruk têa thianghlim tak sia cryptocurrency hmanga hausak thut tum nak alaia hetiang thu thar kan han hria chu 'hausak thut tum leh lo mai ang' tih mai awl tak a ni e!
Internet khawih nasa tak ka ni a, internet kaltlanga sum hmuh theih dan te pawh ka dap nasa hle reng bawk a. He hmunah pawh hian ka rawn post fo mai. Adsense hmanga sum lakluh dan (youtube leh blog) te, games atanga sum lakluh chungchang te ka ziak tawh a. Tun tumah chuan cryptocurrency hmanga sum lakluh dan hi ka thiam ang tawkin ka rawn dah leh dawn a ni. Kan hriat tur chu, internet kaltlanga inbumna hi a tam em em a, ponzi scheme kan tih ang (chiahpuam ang chi) pawh a tam em em bawk. Hetiang chi hi engtik lai mahin ka rawn ziak ngai lo thung.
A hmasain cryptocurrency kan tih chu digital currency a ni mai a. Sorkarin dan anga pawisa a siam hi fiat currency a ni a, internet lama pawisa (ti mai ila) hi digital currency, cryptocurrency kan tih ang chi chu a ni. Cryptocurrency hi sorkar control ni lovin internel tualzawlah a market hi a vir vel reng a ni. Tisual fe fe an tam tawh a, millionaire mai ni lo, billionaire nihpui te pawh an awm nawk reng a. Hausakpui thei tur erawh chuan dawhtheih a ngai hle thung. A market hi control-tu awm lo, decentralized a nih avangin risk pawh a sang a, 'i hloh ngam zat invest rawh' an ti thin.
Cryptocurrency exchange
Cryptocurrency trading/investment tihna platform/exchange hi tam tak a awm a. Chung zingah chuan Binance hi mi hman hlawh deuh ber niin ram azirin exchange hman pawh a lo dang ve zel a. India ramah chuan WazirX hi hman lar ber a ni. WazirX hian hmangtu (user) maktaduai 7 chuang zet mai a nei a, kumin hian nasa takin hmangtu an pung a, kumin chhung ringawt pawha an trading volume hi $ 21 billion a chuang tawh a ni. WazirX bakah hian kei chuan Bitbns te, CoinSwitch te, Buyucoin te ka hmang bawk a. India exchange lovah chuan Binance, gate.io leh BitMart te hmangin duh huna hman theih turin Coinbase, Crypto.com leh Hotbit-ah te verified account ka nei tel bawk. Crypto trade lam la ti ngai lo, beginner tak tak tan chuan CoinSwitch hi hriatthiam a awlsam ber a, WazirX te pawh hman a nuam hle bawk. Kei pawhin hun eng emaw chen chu CoinSwitch leh WazirX ka hmang ber a, zawi zawia ka hriatthiam ve hnuah exchange dang ka khawih ve ngam chauh a ni.
A tihdan tlangpui:
A hmasa berah chuan exchange eng emaw ber download a ngai phawt a. WazirX-ah bul han tan dawn ta ila. An website-ah leh an mobile application kaltlangin account a siam theih ve ve a. Phone atanga khawih kan nih tlangpui ka ring a, playstore-ah emaw an application i download ang a, account i siam ang a. KYC (document pawimawh hrang hrangte) i submit fel vek hnuah an approve chuan trading i ti thei tihna a ni. Chumi hnuah pawisa i deposit ang a (UPI hmangin a awlsam). Pawisa i neih veleh cryptocurrent/coins/token hrang hrang lei tur awm kha, i lei ang a, a hlutna a san hunah i hralh leh ang a, a zo der. Pawisa hi i bank account atanga deposit tur a ni a, duh hunah hunah withdraw leh mai theih a ni bawk.
Sum hmuh dan:
Cryptocurrency hrang hrangah chuan Bitcoin (BTC) hi kan hriat lar ber a nih ka ring a, bitcoin pakhat hi cheng nuai 35 bawr vel a ni tawh a. Kum 2010 vela Bitcoin pakhat Re. 1 hu a nih laia lo nei nual tawh, tun thlenga hralh lova la dah ngar ngarte chu an hausa hle tawh dawn tihna a ni. Bitcoin bakah Ethereum (ETH) te, Binance (BNB) te, Cardano (ADA) etc te hi a lar deuh an ni bawk. Chung cryptocurrency i duh ber i lei kha, i dah ve ngat ngat ang a, i leina value aia a san hunah, i duh hun hunah i hralh leh mai dawn a ni. A then chuan tum khata a value (hlutna) a rawn san vak hian an hralh mai thin a, a then erawh chuan a kum tel an dah ngat ngat mai a ni. Entirnan, tunah hian ADA hlutna hi Rs 200 vel a ni a. Rs 1000-in ADA panga i lei theih a. Chu chu dahtha char char a. A hlutna Rs 10000 vel a nih hunah i hralh chuan Rs 50000 i nei tihna a ni a Rs 1000 i invest a, Rs 50000 a lo let dawn tihna a ni. Chumi tur erawh chuan teirei peih a ngai thung.
Eng te nge lei ila tha ang?
Coins tam tak a awm a; chung token te chu an website-ah lutin han zirchiang la, internet-ah mi review/analyse-na te han chhiar la, tha tura rin ber lei mai tur a ni. A chunga a lar zual tlem azawng ka sawite hi a hlutna a sang hlawm viau tawh a, Bitcoin phei chu coin pakhat lei tur ringawt pawhin hausak sa ve deuh a ngai. Mahse, pakhat lei tlin kher a ngai chuang lo va, i pawisa neih leh i phalna zat zat khan lei mai tur a ni. ADA ang chi te hi kum 10 chhung hralh lova i dah ngat ngat peih chuan i hausakpui maithei e! Tin, coins hlutna la hniam te te, Re 1 pawh la tling lo ang chi te hi pawisa tlemtein a lei teuh theih a, i chhelnain a tlin chuan chutiang te chu leiin kum han chhir liam ve zat zat la, a fuh maithei.
Engtin nge a value a san?
Ka hre thûk lutuk lo va, ka hriatthiam chinin han sawi ta ila. Coins kha market tualzawlah a trillion tel mai an rawn chhawp chhuak rum mai a. Coins thenkhat chu a siamtu, developer-te'n supply tihtlem nan an burn (tiriral) thin a ni. Market tualzawla Coins an rawn chhawpchhuah kha leitu an tam poh leh a hlutna a sang ve zel a. Exchange hrang hrangah lei theiha a awm hian leitu chu an tam mai a ni. Market-ah supply a tlem poh leh a value chu a sang ting mai a ni. Thil chu a vanna apiangah a hlutna a sang ang deuh hian.
Lei leh hralh ringawt lo deuhvin investment tihdan phung hi chi hrang hrang a awm a. Binance angah te chuan coins kan lei kha kan stake thei a; ni 30 chhung emaw, 60 emaw, 90 chhung emaw kha hralh theih miah loh leh khawih chet theih miah loh turin kan dah (lock) a. Chumi chhung chuan kan coins dah kha a pung (interest) a lo awm ve a. A tha ve riau. Hetiang lo deuh pawh investment tihdan phung dang dang pawh a awm a, chungte erawh chu ka la tih ve loh avangin sawi lo mai ila a tha awm e.
Fimkhur a ngai
Coins/token lem hi a awm ve thin a. Chungte kan lei loh nan chuan exchange rintlak (Binance, Coinbase, WazirX ang chi te) chauh hman a tha a. Tin, exchange hack hi a awm ve fo avangin exchange nazawng hi chu hman rim lutuk loh a him awm e. Tin, trading/investment chungchang hi ziah ringawt chuan a chiang tawk lo thin a. Kan thiam loh chu internet-ah a tihdan zawn nachang hriat a tha hle. A bikin youtube lamah tutorial video a tam a, hman tangkai mai tur a ni. Thiam loh chu risk chi a ni lo va, a tihdan an siamte entawna tih hram hram a tha.
Han sawi tak tak dawn chuan a kaihhnawih a tam a. Trustwallet/metamask wallet tih angreng te, Binance Smart Chain tih angreng eng eng emaw a tam em em a. Exchange pakhat atanga exchange danga transfer/deposit/withdraw dan te, P2P hmanga pawisa dah luh dan te, spot trading tih angreng te sawi tur tam tak a awm. Chung thil neuh neuhte chu kei pawhin ka thiam nghal chuang lo va, tun hnaiah youtube tutorial te nen beiin zawi zawiin ka hmang thiam ve chauh a ni a, sawi zui tawh lo mai ang.
Kum eng emaw zat hnua ka lo hausa thut a nih chuan, a thianghlim a ni tih min lo hriatsak dawn nia...hahahaa
Ti ve turin thu ka râwn hauh lo che a, i lo ti ve duh a nih erawh chuan heng ka referral link hmang hian exchange-ah i lo sign up ve dawn nia. (Exchange i hman duh khu i click ang a, ka referral link-ah i lut nghal ang).
Pi Network hi ka lo hre ngai lo va, ka facebook friend pakhatin a wall-a a post ka hmu a, ani chu hetiang lam chi-a eizawng a nih avangin rintlak turah ka ngai nghal a. A post ka chhiar a, google lamah ka en nghal thuak thuak a. Cryptocurrency, bitcoin ang chi deuh a ni tih ka hrethiam nghal mai a. Bitcoin lah chu a hming ka hre lar em em a, eng nge a nih chiah pawh chiang taka hriatna ka nei chuang lo, hausakpui an tam tih kan hre ringawt a. Pawisa invest ngai miah lo, free-a tih theih a nih avang leh mi rintlak tak ti an lo awm nual takah chuan ka han ti ve rawih a. Facebook-ah ka post a, rin aia miin an lo ngaihven avangin a tih dan fumfe taka tar lan thain ka hria a, ka rawn dah dawn a ni. Pi Network hi eng nge a nih chiah i hriat loh chuan google chawm mai la, chhiar tur thahnem tak a awm a, playstore lama an application review te pawh i lo chhiar ve reng reng dawn nia.
** Facebook leh Phone number hmanga identity verify turah khan phone number kha hmang zawk la. I continue hnuah India Code kha i select ang a, i number i chhu lut ang a,
** Password-ah khan hawrawp 8 aia tlem lo, hawrawp te, hawrawp lian leh number awm i hmang ang, i chhinchhiah theih tur.
** Hming chhut luh turah khan hming lem a hman theih loh. 1st name leh 2nd name kha i dah ang (i bank account hming ang khan). 2nd name i neih loh chuan 1st Name kha dah ve ve mai a pawi lo (Hei hi a edit theih tawh loh). Username-ah khan i duh duh, hminglem pawh ni se i hmang thei. Chu chu mi dang i downline-a awm turte tan invitation code tur a ni nghal.
** I submit hnuah invitation name (nangmah invite-tu/i upline tur) chhut luh a ngai a. Mi dang i ṭhiante tihtir che i nih lem loh chuan ka code i hmang thei (tskhupchong tih kha ni mai).
** I zawh vek hnuah Profile-ah khan facebook verification i ti ang. Facebook verification i tih tawh chuan phone number verify kha a ngai tawh lo.
** Homepage-a kawlphetha leh ṭek ang deuh kha ni khatah vawi khat zel va click zeuh tur (24 hrs danah zel a nih chu). Tih a ṭul hunah chuan notification a lo lang mai ang. A hnuai thlalaka tap to earn tih hi tap/click zeuh hnua dismiss leh mai tur. 24hrs a ral hma chuan tap/click a ngai lo.
** Logout loh tur a ni a, logout chuan inactive angin i awm ang a, inactive chhung khan mining (pawisa ve a ni ang chu) a kal lo. Minimize tawp kha tawk. Net on reng bawk tur. Net a ei na lo va, battery a ei hek lo hi a ṭhat ve em emna a ni.
** Ni thum hnuah (72 hrs hnuah a nih chu) Security Circle kha a activate theih dawn a, khatah khan downline/upline i mi hriat chian, ṭhian emaw, chhungte emaw kha i add dawn nia. Chuan, chumi i tih hunah i mining rate a sang sawt ang. A hnuai thlalaka Contributor tih hi. Ambassador hi i downline zat leh anmahni atanga pung awm zat a ni.
** Downline i ngah poh leh i mining rate a sang dawn a. Anni pawh nangmah ang thova nitina an va click zeuh kha a ngai ve tho.
** Tunah hian Pi Network hi Phase 2 a ni mek a, Phase 3-ah chuan KYC submit a ngai tawh dawn a. I downline-te'n KYC an submit loh chuan anmahni aṭanga i lo khawl zawng zawng kha i chân vek dawn a ni.
** Pawisa engmah senso a ngai lo va, risk a awm lo. Hetiang chi hian a tirah rin a hlawh mawh khawp mai a, mahse, google theih reng a ni.
** Tunah hian Pi hian value (hlutna) a la nei rih lo. Value a nei chho vat tura ngaih a ni. Value a neih hunah i khawl sa kha internet-ah thil lei nan a hman theih dawn a, i duh chuan pawisain i thleng (exchange) thei bawk ang.
** Rei lo tea hausak thut theihna a ni lo. Teirei ngai chi, kum 3-4 vel nghah vang vang ngai chi a ni a, teirei peih loh chuan tih loh law law a ṭha a. Ring lo tan tih loh law law a pawi lo bawk.
** Hei hi cryptocurrency (digital currency) chi khat a ni a, Bitcoin ang chi a ni. Ni kum kum tir lama bul an ṭan chauh a ni a, tunah hian mi maktaduai 8 chuang user an nei ta der mai. Bitcoin value hi tunah hian a sang tawh khawp mai a, 1 Bitcoin leh Rs. 7 lakhs chuang a inhen mek. Google theih.
** A tira kan tarlan anga application i install hnuah ka code (tskhupchong) hmanga i luh chuan Pi 1 i dawng nghal ang. Hemi link aṭang hian i lut nghal thei bawk.
An application homepage-ah khan chat-ah lut la, hriat duh i neih chuan chat-ah khan zawhna a zawh theih reng a. Frequently Asked Questions (FAQ) kha i lo chhiar ngei dawn nia.
