Hmangaihna hi hlimna emaw tiin ka zawng a,
Hmangaihna hi damchhan emaw tiin ka ûm a,
Hmangaihna hi chawlhna emaw tiin ka pawm a,
Hmangaihna hi nun innghahna emaw tiin ka vuan a,
Ka ṭap ṭhin!
Hmangaihna hi lungngaihna emaw tiin ka ṭih a,
Hmangaihna hi beidawnna emaw tiin ka buai a,
Hmangaihna hi chauhna emaw tiin ka tlànsan a,
Hmangaihna hi natna emaw tiin ka hlau va,
Ka ṭap ṭhin!
Hmangaihna hi hlimna emaw ka tih laiin ka lungngai a,
Hmangaihna hi damchhan emaw ka tih laiin ka beidawng a,
Hmangaihna hi chawlhna emaw ka tih laiin ka chau va,
Hmangaihna hi nun innghahna emaw ka tih laiin min tinâ a,
Ka ṭap ṭhin!
02.02.2012 (03:00am)
A ni alawm thianpa. I sawi dik khawp mai.
ReplyDeleteKan hmangaihte leh min hmangaihtu-te hian min ti damlo fova. Hmangaihna a nasat zawh poh leh a kut thlak let chu na tak a ni.
Tahna, mittui hnamtir-tu, lungngaihna, inchhirna leh demna te ber leh tualthahna rapthlak ber thlengin a pai tel vek a. Hmangaihna a ni tho si a.
Thianpa, lehkha zir rawh! :D I comment-ah erawh ka lawm hle a nia.
ReplyDeleteAdik ka bawksia, mahse hmangaihna hi engemaw anih chiah le? engkim bul ani mai lo maw?!
ReplyDeleteLal Isuan a hmangaih che Ts... tap duh suh!
ReplyDeleteI va ziak chhuak thiam thin bik tak em. Tawn inang theuh theuh i han ziak chhuak thiam bik tlat thin hi fak che pawh hreh mah ila ka fak lo thei thin lo che a ni. MIdang pawhin an tawng ve theuh, an rilruah pawh a khat liam zawih zawih thin, chutihlaiin nang erawh chuan mawihnai takin i rawn ziak chhuak thei thin.
ReplyDeleteKhai a, TS, i hmangaihna sawi khi hmangaihna tak tak a ni lo a nih khi!! :)
ReplyDeleteTak tak a, Pathian hmangaihna chauh hi hmangaihna dik tak chu a lo ni. Mihring inhmangaihna pawh hi Pathian hmangaihna atanga zung kai a nih loh chuan hmangaihna mahni hmasial, hmangaihna thikthu chhia, hmangaihna tihtauh hmang leh hmangaihna chapo te mai an ni duh khawp mai. Chuvang chuan a niang e, "Hmangaihna nunrawng" te pawh kan lo neih ni!!
I phuah chhuak nalh thei hle thin mai!
@Marvin: Engkim bul mai a nih theihna chen pawh a awm ngei ang le. :)
ReplyDelete@Maisek: A ni viau. ;)
@Pu Caribou: Em em thin a che. Ka luangliamin ka khatliam em a, ka sah hawk hawk a ni ber mai. I mi faknaah erawh ka lawm e.
@Pu Dina: Nia, mihring hmangaihna hi kumhlun tak tak a lo awm lo a nih dawn hi. Nimahsela, hmangaihna avanga thih ngam lu pu te pawh an awm bawk si a, hriatthiam a har ta nak mai! Pathian hmangaihna ropuizia erawh 'thuin a hril seng lo' an tih ang deuh hi a ni e. I chungah ka lawm e.
ReplyDeleteHmangaihna hi hlimna a nih rualin natna a ni tel ve mauh mai si a ni. Ṭhianpa, i sawi dik khawp mai; kil tin aṭanga thlir a ni bawk a, i fun kim khawp mai. I chhuanawm e
ReplyDeleteA khaih khaih! I ti zahthlak e! Ka lawm e. :D
ReplyDeleteA va fuh chai chai ve... Hmangaihna chu i hre chiang viau dawn nih hi le :) , flow a fuh khawp mai.
ReplyDelete@Beethugs: Ka luangliam ve mai mai a ni. Hmangaihna hi chu kei aiin i hre zawk fein ka ring! :D
ReplyDeleteTuaite, hmangaihna hi la na lutuk duh suh, i buai vek ang!!! Tak tak a, i dek nalh lutuk. Hmangaihna lipuiah i cheng mek anih ka ring, a boruaka chen loh chuan tiang hian thu leh hla a chhuak theilo.
ReplyDeleteHmangaihna chu hlimna a ni a, lungngaihna a ni bawk a.
A va nalh em!
ReplyDelete@sheldon: Nia, i rin ang ngeiin hmangaihna lipuiah ka hleuh mek a nih hi. A changin ka buai a, a changin ka hlim a, mahse, a tawpa ka thutlukna chu post ang khi a ni tho tho. Min lo chhiarsak a, ka lawm e.
ReplyDelete@Pu Zaia, ka lawm e. :)
TS rin ai takin hmangaihna i va la na ve! Hmangaihna hi min ti hlim thei ber tu leh min ti tap thei ber tu ni bawk si.. buaithlak anih hi.. I ziak chhuak thiam hle e..
ReplyDeletePi Ma, ni e, hmangaihna hi chu a na ve alawm.. Min tihhlim chang nge tam anga min tihhrehawm chang, te ka ti vel mai mai thin. Englekhawle, ka lawm e.
ReplyDeleteArticle kekawrte tak a nih hi le..(a tawi a, a fun kim bawk) :D (Y)
ReplyDeletetren tren
A pa Chhuakling, ka lawm e. :D
ReplyDeleteHmangaihna i la lungrun awm hle mai a hairehai :D
ReplyDeleteI thiam khawp mai :)
Hmangaihna Thla Valentine's Day te a hnai tawh bawka..i post chu a inhmeh ngawt mai. Hmangaihna hi chuan min ti luangliam ve thin zawng anih hi a
ReplyDeletePu Hv, nang paw'n i lâk lungrun viau kha! Hahaha.. Ka lawm e.
ReplyDeleteHermit,
Phone atanga ka comment hian a lut kim lo ziah!
ReplyDelete@Hermit: Hmangaihnaah hian luangliam thei lo tak tak pawh hi kan lo awm lo a nih hi a! I rawn tlawh a, ka lawm khawp mai.
Hringmi inhmangaihna hi zawng doral an chang leh thin tiin han ti tawp hnap la a mawi lehzual dawn mange. Mahse heti pawh hian a tha lutuk tho!
ReplyDeleteGood Post! Philosophy of Life lam a ni e...