27 February 2012

Thusawi ropui lo te - II

* Zakkha rim hi a lo chak âwm khawp mai, 'Mosia chu a han ban phar a, chu veleh Amalek ho chu an thi phuk phuk a,' tih ziak aang rëng hian.

* YMA ho hian an kuang lo an van nawr nasa tak em! Mizoram-ah chuan mahni kuang lo nawr nasa ber an nih ka ring. Mitthi an awm hian mi kuang hi an nawr deuh zel tawh a...

* Hnam puanzar hi tunge maw lo thlep leh hîn ni? Kumtin pawhpharh leh ziah a ngai mai.

* Pathianni tukah kan kohhranin sakramen kan han ei chu YMA strict vanglai kha a ni bawk a, hnar awk deuh deuh an tam ngei mai.

* Tu emaw bula i huta earphone-a music a ngaihthlaksan chea a maimitchhin bawka a kâ a chîp hmak chuan i tan a hnarkua chiah a hawng tihna a ni; be lui tlat suh.

Share:

25 February 2012

Pu Arro-Khuanga chanchin ngaihnawm


Pu Arro-Khuanga hi a tam zawk chuan kan hre lo maithei a, a kum upa lam erawh chuan in hre ngeiin ka ring. Pathian thu hriltu ropui tak a ni. A chanchin kimchang rawn post ka tum lo va, a ngaihnawm lai ṭhenkhat ka rawn dah mai zawk a ni.

Pu Arro-Khuanga hi a hming diktak (lai ah hming) chu Khuangringvunga a ni a, kum 1888 July ni 21-ah Khuangleng khuaah a piang a, a pa chu Sellaia a ni a, Tlau hnam a ni. Kum 1911 (?) khan Tawii nen an innei a, fapa hlir pathum an nei. Kum 1960 August ni 15 khan Lailak khuaah a boral.

* A khaw pakhat, Arro hi tuna a hming kan hriat tâk a put phahna chhan a ni. Mizote chu hming bunga inkoh kan chîng a, ani pawh hi Pu Khuanga ti-a koh ṭhin a ni a; (zeldin thuin) Arro khuaah hian Pu Khuanga dang an awm ve avangin a hriat awlsam nan Arro-Khuanga tiin an ko ṭhin ni awm tak a ni. Kum 1935 (?) khan Lailak khuaah an pêm a. Lailak-a an awm hnu pawh hian Arro-Khuanga ti-a koh a la ni reng mai a, "Lailak khuaa awm ka ni tawh a, Arro-Khuanga ka ni tawh lo ve; 'Lailak-Khuanga' min ti tawh rawh u," a ti ṭhin!

Share:

23 February 2012

Simcard tips!

Simcard tips phei chu a ni chiah lo va, a awlsam zâwngin ka'n dah ve ṭhuais mai a nih hi. He'ng a hnuaia ka dah te hi a dik ber e tihna a ni lo a nia. A dik lo a lo awm a nih phei chuan mawh phurh ka huam miah lo! Mizoram-a kan hman bik te chauh tarlan a ni bawk.

Recharge Card thunna:
Aircel — *124*rechargenumber#
Airtel — *555*rechargenumber#
BSNL — *123*rechargenumber#
Idea — *223*rechargenumber#
Reliance — *368*rechargenumber#
Vodafone — *140*rechargenumber#

Share:

19 February 2012

SMS Mangkhâwng

April ni 1, 2009 a ni a. Ka In awm tih tur hre lo kut hlei chuan ka hmeichhe hian hnaivãi zual 20 vêl chu ‘Ka hmangaih lutuk che’ tiin SMS ka thawn chhuak a. A hnu lawkah chhànna a rawn lût indawt zut a, hun ãwl hnawh khah nan chuan a ha angreng viau nâ a, an mi chhànna thute ka'n hmuh tâkah chuan ka lungawi leh ta chiah lo va. Ngaihtuahna thar ka nei ta a.

Engati nge hetiang êm êma duh loh ka nih tâk mai le!?

Ahriati te tal kha chuan, “Mãwl lutuk suh, khatiang khan hiante an ti ngai em ni?” ti lovin, ‘I uang peih em mai,’ rawn ti tal sela ka la hrethiam ang. A lâk dân pawh ka la thiam deuh tur a nia. hian leh hian inchhàn nan chuan a na mah mah.

Share:

17 February 2012

Blogger tips tlém

Tuna ka han tarlan ho hi a tih vel a awlsam a, a ṭha phian. Tin, a code hi a tam vak loh hlawm avangin blog a tih-muan phah vak lovin ka hria.

Back to Top
Vawilehkhata a chung lama chhoh thutna a ni! Hei hi a ṭha phian a nia. I blog-a dah i duh chuan HETAH lut la, 'add to blogger' icon (milem) lo awm kha click zeuh la, a dahkhah tur awm (Blog leh a title) kha dahkhat la, OK. A zo. Vei lam hnuai kilah khan a lo awm vâng mai ang. He blog-ah pawh hian in hmu ang.

Share:

16 February 2012

Ka thlâ a hrâng!



College zirlai ka ni a, mi in luahin ka khawsa a. Ka in luah hi RCC building chhâwng thum niin a hnuai ber ka luah a, a thlang lam chu khâmpang awih vut hi a ni. He thil rawn thlen hmasak ber zân hian ka mut hnuin kawngka a rawn ri rak a, ka ṭhiante an nih ringin ka va hawng mai a; mahse, tumah hmuh tur an awm lo va, ka mu leh mai a.

Ka muhil dâwn ta maw tihah chuan kawngka kik thâwm ka hre leh ta a. Ka ṭhiante hi fiamthu duh tak tak an nih avângin min rawn fiam mai mai a nih ka ring a, ngaih ṭhat lohna nei lêm lovin, “In va ninawm mai mai e..” tih pahin ka va hawng leh a. Kawtah chuan mihring êk leh bawng êk hi a lo awm ṭeuh mai a. ‘An mi fiam dân mai mai chuh!’ ka ti rilru nghe nghe.

Share:

12 February 2012

Ka ngaihzâwng neih hmasak ber leh Lehkhathawn

Beethugs post 'This is My First Love Letter' hian lunghlui a tilêng riau mai a, tlém të ka'n ziak ve mai mai teh ang.

Ka hmangaih lehkhathawn dawn hmasak ber chu 2004 kha a ni âwm e. Lo dahṭhatna châng ka hre lem lo va, a pawi tak tak a ni. Chu'ng lai chuan (ti ve khanglang ila!) mobile handset hi kan la nei ve lo va, hmun danga mi kan biak pawhin mi landline hi man chawiin kan hmang mai ṭhin a. Ngaihzawng biak nan erawh a tihchi lem loh; mi ina phone hmang kan nih avangin sawi duh tak kan sawi ngam ngai lo va.

Share:

08 February 2012

07 February 2012

Allison-i lungphu khâwl



Allison-i, naupang kum 3 mi lek chu damlohna nasa tak avângin a lungphu chu tâwpin, thi sa tih theih mah ni se, doctor-te’n vawikhat an lâk leh tumin an buaipui hle a.

Ben Lawrence leh a chhûngkuate tân chuan zân khat mai ni lovin mitkhap kâr lek pawh a rei hle àwm e. An fanu Allison, tui taka muhîl lai chu a rawn han harh chuan khawsik sáng tak avângin a luak nghâl bawrh bawrh a. A hrawkte chu a ri bawrh bawrh a. A pa chuan a ngaihna hre lo takin, “A hritlàn luat vâng a niang a..?” tiin chuti lutuka hlauhthâwnawmah a ruat lo va. A lo tumrûk rauh rauh dân chuan, zîng khawvar veleh inrinni May ni 2, 1993-a an chhûngkuaa khawi lai hmun emaw bera chawlh hmanga zin a tum a ni.

Share:

03 February 2012

Ka pu mawlh mai kha! - II


Vânneihthlâk takin ka pu, ka chhuan em em mai chuan min la dampui hlauh mai a, a chanchin min hrilh ang angte chu chhuahchhàwn a remtih angin ka rawn ziak chhuak zêl a ni a, a chungah pawh ka lâwm khawp mai.

A pian kha henrual zînga sawi hè hû tlâk ni lo mah se, ka zahpui ngai lo. A kareh hi a zau hle a, a hen tak tak châng phei chuan a tukkhumah a insi chät thei a, a kâin a lu-ûm a vêtchhuak thei a ni. A beng pawh hi parh viau àwm tak a ni a, mahse, a të viau thung. A bekah a inzep tat a, hrilhru duh tân chuan a sam keu niap niap a ngai hial hîn a, a kareh hian a hék hle. Tin, a khabe hi tap khabe ang lo tak maiin a phîr hai mai a, henkhat phei chuan a khabe a keh emaw an ti hial hîn a, a chhan zâwttu a tawng nawk hîn; hei hi a tlangval laia a nula rìmna hmanrua ber a ni. A lu ûm hrim hrim hi a bial vak lo va, a chhiarkawp dân takin rectangle shape deuh hian a awm a ni àwm e.

Share:

Total Pageviews

He blog-a thu leh hlate hi a ziaktu phalna lo chuan engti kawng zawng maha chhuah chhawn phal a ni lo. Chhuah duh i neih chuan ka profile-a email-ah emaw, TS Khupchong link-ah emaw mi rawn contact dawn nia.

Popular Posts (Last 30 Days)

Recent Comments

Blog Archive

Powered by Blogger.

Ka luh ṭhinna

Followers