Nikhat chu kan khuaa mi ka ṭhianpa hi a lo riak a, zânah kan titi mai mai a. 3rd year result nghâk lai a ni a, chhûna a thil tih ṭhinte ka han zâwt a. Ani chuan bungbel lampang chi an zawrh thu a sawi a. A ṭhen chu alu leh sawhthing eng ilo channa a ni a, chemte te, bungbel dang dangte chu veng hrang hrangah an zuarkual ṭhin hi a lo ni a.
Ka han zâwt zêl a. Bazar Bungkawn-a office an neih thu a sawi a, an office hming leh awmna tak phei chu mi hrilh lêm lo va. Chutah an thil zawrh dan chanchin min han hrilh ta a. "Kan thil zawrhte hi a man zât kan belchawp ṭhîn a. Cheng 500 manah cheng 2000 te kan bel a, cheng 500 te'n kan titlâwm leh a, mi'n an duh lutuk. Zemabawk aṭanga Saikhamakawn thlengte'n kan hrût a, kan zawrh tirh lamah phei chuan nikhatah a sâng têl kan hlawh thei a, a ṭha ve khawp mai," a ti ta mai a.
A mak ka ti ta viau mai a. He an thil man bel pawh hi an office aṭanga an bel (an pute hova tih) a ni âwm a. An sum ûm luatah mipui an bum hi a lo ni reng mai! Thil dik lo an ti a ni tih chu an hre reng tho vang a, mahse, sum hmuhna hlâwk tak chu an bànsan phal bîk lo a ni ngei ang. Eiru ṭhinte dinhmun chiah chiah!
A tûk zingah chuan eirawng a bawl a. Chawhmeh a siam a, alu a chan dâwn a. "Kan alu channa hi ka'n hmang ang e," tiin a khâwl zawrh lai chu a phawrh a, alu a her a, a awlsam phian a. Nakinah chuan a blade pakhat a lo tla hlawk a. A khâwl chu a thar hlak a ni lehnghâl! A blade dang a vuah leh mai a. Tih chhunzawm pah chuan, "Kan zawrh lai chuan a hman dân leh ṭhat zia fak an hmuhah ngei kan hmang ṭhîn a. A blade hi a ṭhat vak loh avângin a tlâk mai loh nan dîm deuhvin kan her mai a, chutiang chuan mi'n an lei duh lutuk," a ti zui a.
Ka ngaihtuah zui mai mai a, bum kan nawm zia hi! Mahni in lumah awlsam taka lei kan duh a, thil chinchâng kan hre si lo va, kan la chîk peih lo em em zui a. Thil ho deuh deuhvah kan insêngso leh vak vak a. Thil reng reng hi awlsam taka neih leh tih kan duh ṭhin a, hei hian kan chhia leh ṭha hriatna mit a tidel a, ṭûl lo deuh deuhvah kan insèn phah ṭhîn.
He thilah pawh hian a zuartu leh neitute'n thil sual lian tak an ti a, a dâwrtute pawh an fimkhur tâwk loh avangin ṭûl lo takah an insêngso ta vak mai a ni. A man diktak lêta tamin an lei a, rei lo të-ah a chhe ngei dâwn tih lah chu a chiang reng mai si! Chumi ai chuan, an mamawh chu agent/distributor hnênah lei mai se, dâwr pângngai rintlâk tak tak pawh a tam vei nen.
A mipui nâwlpui chu kan fing ve tawh lutuk a, mahse, bum theih a mual mual chu kan lo awm leh ṭhin a. Kan hloh hi mi ṭhenkhatte'n hlêpah an chhiar a. Bum theih tura kan la awm chhung chuan kan ṭhiante'n min kalsan váwk váwk mai dawn a nih hi!
Sumdawnna hmun tur a awm a, chenna hmun a awm bawk. Chenna hmuna sumdawng an lo kal teivet hi an ninawm ka ti thin. Sumdawnga mi ina kal kual thin zingah mi bum tum ngar ngar an awm thin. Kan duh leh mamawh hi chu, lei theih mai turin dawrah a awm reng na a, ina an lo khai luh hian, manto zawk hle mahse a zuartuin a fakmawi thiam bawk a, kan lei leh mai thin.
ReplyDeleteMi bum ching an awm a, bum theih tur zawngin an hmanhlel hle thin. Mipui lam pawh bum theihin kan awm a, bum kan nuam hle bawk; buma kan awm hnuah pawh kan sawisel hek lo. Kan phun ral mai mai thin.
Sumdawng thenkhat, MRP inziak tichhia a lehkha dang bel ching an awm. Hetiang tih ching ho hian meng reng chungin min bum a ni.
Damdawi zuar thenkhat, pawisa nawi aia vitamin C min kir tum ngar ngar ho pawh hi ka ning thei khawp mai.
Ts, ka rawn call leh ta lo che a; ka buai chur chur lutuk a, ka rawn call ni chiah kha ka free bawk si a. i hman bik si lo va, pawi tak a ni.
ReplyDeletei sawi ang khi kan tawn chhoh tur a ni mek. fimkhur a ngai; a leitu mawhphurhna a lian tual tual dawn 'meng leh meng' hi kan inbumna nasa tial tial dawn a nih hmel e. Kolkata-ah hian (New Marketah) Rs2500 man vela an chhiar suitcase vel hi Rs300 atang ka dawn deuh ber. Rs500-ah kan intawk nge nge.
A nih hi, fimkhur hle tur anih hi.
ReplyDeleteA dik khawp asin, bum hi chu kan nuam ve hrim hrim niin a lang; tin pawisa hmuh awlsamna a nih dawn phawt chuan engmah tih hreh kan neilo. Kan in bihchian a ngai; mahse lehlam atanga thlir chuan sumdawnna thil kalphung chu a ni bawk si alawm. Hlawk zawka thil zuar an nia, an product a lo chhe deuh anih leh mipui lam pawn fimkhura a man hu tawk vela kan lei thiamsak a tul bawk niin ka hre bawk. Tam tak in an hlawkpui ngei ka beisei, post tha tak a nie. hrim hrim niin a lang; tin pawisa hmuh awlsamna a nih dawn phawt chuan engmah tih hreh kan neilo. Kan in bihchian a ngai; mahse lehlam atanga thlir chuan sumdawnna thil kalphung chu a ni bawk si alawm. Hlawk zawka thil zuar an nia, an product a lo chhe deuh anih leh mipui lam pawn fimkhura a man hu tawk vela kan lei thiamsak a tul bawk niin ka hre bawk. Tam tak in an hlawkpui ngei ka beisei, post tha tak a nie.
ReplyDeleteAvan tenawm vele aw. Hetiang deuh zel hi Mizorama dawrkai te hi anni thei mai lo maw?!! An thil zawrh an hlep uchuak thin em mai.
ReplyDeleteNi e fimkhur hi a tha ania.
Thuziak ho awma lang mahse pawimawh tak a ni a. Ka like awn awn e.
ReplyDelete@Pu Caribou: A dik khawp mai. Mi bum tur zawng reng renga khawsa ho hi an ninawm khawp mai. Bum kan nuam si.
ReplyDelete@Pu Rp, i haw leh tawh em ni? Nia, kan chanchinbu chhuah lai vel kha a ni atin lawm le.. Kan la inhmu ngei ang!
@Sangpuiipa: :-)
@Hmelthatea: Tul lovah kan insenso phah vak thin a, kan fimkhur chu a ngai khawp mai.
@Pu Hv, hetiang hi dawrkai zingah an tam khawp asin.
@Krista: Ka lawm e. :-)
Ka thuziak min chhiarsak avangin in zavaia chungah ka lawm em em e.
Ts-a, i comment double thin hi, kei pawh phone atang chuan a ni ve thin. Here's the remedy: I type zo chiah i ok khan, a page kha 'processing' angin a awm em? a inload nghal kha, a awm chuan cancel la, manual in send/submit tawh mai rawh, hope its works...
ReplyDeleteA dik lutuk. Hman kumah tawh Burma mi hian JXD digital camera kha a rawn zuar a. A hunlai na na na chuan a tha ve khawp mai. A chhan chu digital camera kha a dang a awm leh awm loh kha bazar lamah chik nachang ka lo hre lo reng reng.
ReplyDeleteRs. 6000/- in ka lei saka. A chhiarna zat erawh chu Rs. 12000/- a ni vang mai. Khatihlai kha chuan Rs. 6000/- chu a la hlu khawp mai. Tifuh ka inti phian lehnghal. Mahse a hnu lawk ah Dawr pangai a an zawrh kha ka hmu leh sia. Aman kan zawh chian chuan Rs. 3000/- - Rs 4000/- bawr vel in an hralh thei reng kha a lo ni si a. Tisual ka inti khawp mai. A hnu deuh phei kha chuan a tlawm ta zel niin ka hria.
Burma thil zuar lo kal leh an awm pawn an zawrh a nih vang khan tlawm deuh turah leh duh duh a dawn hniam a lei tlawm inti tak a leisak hi ka tum tawh ngai lo reng reng. Dawrah an zuar em tih lam kha ka ngaihtuah hmasa ngei ngei tawh.
Tin Burma sumdawng pawn an thil rawn zawrh thenkhat Digital camera, DVD etc. te hi Guwahati leh Aizawl dawr atanga an lak te a lo ni reng zel. Khawi atanga an lak nge tih hi chian hmasak a tha khawp mai. I sawi ang hian mitin te kan fimkhur a tha khawp mai. Bumin vawikhat ka awm tawh a. In bum nawn tir leh hi ka tum tawh lo reng reng.
@Hmelthatea: Awm thin e. Khami loading kha ka nghak hmasa te te thin asin. A chhan chu a lo blank leh vek thin a..! Chutiang chuan ka lo tih thin tawh ang. Ka lawm lutuk e.
ReplyDelete@Noddy: Chutiangah chuan sum a uiawm duh khawp mai! Burma thil zawrh reng reng hi a tlawm em em a, a tlo ngai lo. Leisak loh mai hi a him thin. Burma sumdawng hi thingtlang lamah an tam khawp mai. Min chhiarsak a, ka lawm lutuk e.
Hetiang hi anla awm reng tho a ni maw...? A thalo khawp mai. Ka post nen pawh alo in ang deuh em tak a nih hi mawle...Kan fi khur hi ava ngai tak em...
ReplyDelete@marvinic: A awm mai ni lovin a hluar ru zek asin.
ReplyDeleteTum khat chu Burma lam atangin pheikhawk an rawn zuar a; a tlawm bawk tiin kan nu'na lo zuar chhawng a. Vawikhat an bunnaah te a chhia a, a then te phei chu a man an pek hma te a ni si a, a zia lo tak tak a ni. aleitute an fel hlauh a aman min pek a an sawi chhuah chuan kan nui tlang ta vel mai mai ta ringawt a. a zia lo tak tak a ni...
ReplyDelete@lntviolet: A zia lo tak hle mai! Kan lei kan fimkhur a tul ang bawkin kan zawrh tur pawh fimkhur a ngai, a ngai hlei hlei! Ka blog-ah i rawn lut a, ka lawm e. I hman chang changin i rawn lut thin dawn nia..
ReplyDelete