Tun ṭum chu ka ṭhiante hnen aṭanga fuihna thu ka dawn ṭhenkhat min fuiha min tichak em emte ka'n dah ang e.
* Mi chuan engtin paw'n ti che sela, nang erawh chuan an tih awm tawk lekah ngai la, la-na reng reng suh; engmah an ni bik lo ve. He khawvelah hian Tsa Khupchong hi a dang an awm ve lo, tih thinlung kha pu tlat rawh, pa takin. -Carolyn
* Ih maw... Ropui taka nangmaha i dinchhuah hun tur suangtuah la, chutiang tur chuan tuarchhel ang che. I nihna zahpui ngai suh la, chapo lo ang che. Pathian hre reng ang che aw... -Chami
* Rilru pik tak i neih chang pawha mite tana hmel hlim tak pu chunga i nui hmel i lantir hram hram avang hian mi lungngai an nui leh thin asin! -Mapuii
* Eng nge ni ta ang, khawvel a nih hi, a pangngai reng dawn hleinem. Hun duhawm kan ta tur chu a la rawn inher ve leh thin dawn alawm. -Chhanpuii
* Engkim hi i ta vek ang mai hian i hneh tlat. -Dari
* Hmangaihnaah hmanhmawh reng reng suh, a tlanpel lovang che. Midangin 'Ngati nge tun thlenga kawppui i la neih loh?' an tih che chuan tihian i chhang dawn nia: 'Pathian-in khawvela love story tha ber tur a la ziak mek a ni,' ti zel ang che. -Mapuii
* I thinlungin thian a mamawhin Isua nen hun hmang la, khawhara i awmin A kutah vuan la, harsatna i tawhin A hnen pan la, i hlim lai leh lawm lai pawhin Amah hre reng la, i nun hruaitu lo ni rawh se. -Msi
* Dam hlutzia hrefiah turin nat phawt a ngai a, hlim nawmzia hre turin lungngaih phawt a tul chawk. Lawm fo thei tur chuan lawm loh hrehawmzia hriat a ngai thin. -Mickey
* Kan nun hi kan nuih bawk bawk lai pawh hian a khawhar ru fo va, a chhan chu hlimna famkim mihringin amah maia a neih zawh loh vang a ni. Khawhar leh lungngaih chang nei lo khawpa tlei kan nih chuan tanpui ngai lo mihring kan ni ang a, chu chu kan thlarau tan thil hlauhawm tak a ni. A hun lai chuan khawhara lungngaih tur a ni a, mahse, pan tur dik kan hriat erawh a pawimawh khawp mai. Tisa leh thlarau nun zawmtirtu tangkai tak chu he na thei taksa a rum kawk kawk leh a kun ngawih ngawih te hi a ni tih kan chhiar thiam chiah hian mittui kara hlim hmel tisa tak atanga chhuak ni lo a lo thleng tawh thin. -Zonuni
* I tawngtaina kha ka hria a, i mittui tla pawh ka hmu e: ngai teh, ka tidam ang che. Holy Bible
A dik in a tha hle mai.
ReplyDeletei post gaicangn kan nileng fo mai a, a ril in a dik hle mai...chhunzawm zel rwh
ReplyDeleteA tha e.
ReplyDeleteZei i lo zir viau tawh nge, hmeichhia an ni deuh vek tlat! :-)
@Pu David, nia, ka thiante hian min hmangaih hlawm teh mai a nia...:)
ReplyDelete@Habakuka, a lawmawm hle mai! Nia, ka lo la post fo dawn nia. Ka lawm lutuk e.
@Ajo, Zei tawh raps! Mahse, i thil thlir dan teh daih hi mi zei tak i ni tih a hriat. :D
Fuihna hmasa ber khi a va tha ve le. Mi'n kan chunga thil engemaw an tih changa han sat ve deuh phat phat tum te, harsatna, manganna leh lungchhiatna tawrh tuma chhiar fo atan a va tha tak em.
ReplyDeleteA dang ho pawh khi a tha hlawm kher mai. Thian fuihtu i lo nei tha hlawm em anih hi. I vannei e.
Inspirational... A va tha kher em. Heng an fuihna thu hi chu mitin mamawh a ni e. I lo chhinchhiah zel nge i va hrethei bik ve aw, keichu mi thusawi hi ka hre rei theilo lutuk hi a buaithlak a ni
ReplyDelete@Pu Caribou, ni e, vannei ka inti khawp mai. Han lungngaih leh han beidawn tak tak chang chuan an hlu tawp thei lo hi a ni twp. Kan pan leh ruai thin.
ReplyDelete@Cyber, SMS-a ka dawnte vek an ni a. Hetiang chi chu folder hran siamin ka save hmak hmak. Chutiang lo chuan ka thluak ringawt chuan engmah a hre rei thei tawh lo; kan tar tawh a...:)
thian tha tak tak i nei a, i vannei hle mai ..... good post . :D
ReplyDeleteThu rawn i va han dawng tha hlawm em. I van nei hle mai.
ReplyDelete@Peter, ka lawm e. Ka vannei teh a nia...:)
ReplyDelete@Miss Irene: I lo lenglut teh khiah chu, ka lawm hle mai.