Zir rûn sánga than hâwl val khan,
Huang zauhvin theihna a fâwntir,
A thãwm thang velin beng a luh,
‘Hei raw, a goal leh ta!’ tiin.
An sêl e lengtinkhumtu chu,
I-League a puang tuai thiam an ti,
NECS Cup a aw a țhing tiin,
Leng nghawr lo val selna a dawng.
Rial ang a rûm ar ang a vai,
‘Tih tak arpa tuihalna khan,
Awmzia a nei thei ta lo maw’
Tiin beidawn thu a hril ta.
Tuang tichhahin huang zauh zel la,
Selna anka sirah hnawlin,
Khawfing a chah hma loh zawngin,
Hmatiang sawn tumin bei zel rawh.
Kan chhuang che i țhen leh rualte’n
I hnungah kan ding zam lo la,
Au kan nuam khuavel hriat thama,
‘Justice For Our Dustin’ tiin.
NECS Cup 2016-ah khan kan thianpa Dustin Lalkulhpuia kha commentator a nia, facebook lamah an sawisel nasat em avangin a thlavang hauh nan hei hi March 24, 2016 khan ka phuah a ni.
Huang zauhvin theihna a fâwntir,
A thãwm thang velin beng a luh,
‘Hei raw, a goal leh ta!’ tiin.
An sêl e lengtinkhumtu chu,
I-League a puang tuai thiam an ti,
NECS Cup a aw a țhing tiin,
Leng nghawr lo val selna a dawng.
Rial ang a rûm ar ang a vai,
‘Tih tak arpa tuihalna khan,
Awmzia a nei thei ta lo maw’
Tiin beidawn thu a hril ta.
Tuang tichhahin huang zauh zel la,
Selna anka sirah hnawlin,
Khawfing a chah hma loh zawngin,
Hmatiang sawn tumin bei zel rawh.
Kan chhuang che i țhen leh rualte’n
I hnungah kan ding zam lo la,
Au kan nuam khuavel hriat thama,
‘Justice For Our Dustin’ tiin.
NECS Cup 2016-ah khan kan thianpa Dustin Lalkulhpuia kha commentator a nia, facebook lamah an sawisel nasat em avangin a thlavang hauh nan hei hi March 24, 2016 khan ka phuah a ni.
0 Comment to "Justice for Dustin"
Post a Comment
Eng nge i ngaihdân?