Mizoram University lamah
Kum 2013-a Mizoram University Mizo Department-a kan inziah luh hnuah ngat phei chuan kan inkawm nasa ta viau mai. Ani chu Students Council hruaitu a ni nghal a, an term-ah hian ‘Mizoram University Students’ Union’ (MZUSU) tih thin chu ‘Mizoram University Students’ Council (MZUSC) tih a nih tak avangin thil tihfel ngai neuh neuh a tam thin a, a buai thin hle. A hmaa Asst. General Secretary tih thin chu, Jt. Secretary tih a nih tak avangin Fela hi MZUSC Joint Secretary hmasa ber tiin a sawi theih awm e.
Class-ah pawh awm tha hman mang lo khawpa a buai thin avangin zirna lamah a inpumpek thei meuh lo va, Aizawla cheng mah ni se, Engineering ho awmna hostel lamah room pakhatah a awm tawp a, chutah chuan a remchan changa zuk lengin a riah te pawh ka riak hial a ni. Tum khat chu final semester kan nih hnuah Miss Ruth-i (Dr. Ruth Lalremruati d/o Dr. Lalruanga) class-ah test kan nei a, Rinzuala nen chhan ngaihna ngang an hriat loh avangin Miss Ruth-i bulah an va kal nal a, ngaihdam an va dil tawp mai a, kan nui tlang dar dar a. Hetiang hi kan zirtirtu Miss Ruth-i pawhin a la tawng kher lo maithei.
Kan class tan chuan engkima engkim a ni tawp mai. Kan hun laiin university-in OE an kalpui tan a, engkim mai kha thil thar a ni a, mark pek chungchangah te, class chungchangah te, course chungchangah te harsatna neuh neuh nei kan tam em em a, chungah te chuan kan class tan theihtawp a chhuah a, a tel lovin engmah kan su kaw thei lo a ni ber. Kan class inhlawhna tur te a ngaihtuah a, ani avangin kan batch kha MZU Class of the Year 2015 kan nih phah, ti ila a sual tam lo vang. Ani anga mi taima leh inpe hi a tam lo hle ang.
Class khat mai kan ni lo va, exam-na thlengin kan thu dun a. MA 4th Sem. (final semester)-ah hian thutna (bench) a tam lutuk loh avangin exam-naah pahnih tê têin kan thu a, Fela nen hian inti-confi takin tlar hmasa ber, duty awmna zawn chiahah kan thu dun ngat zel a ni. Class khatah rau rauvah pawh inkawm ngeih bik te awm loh theih a ni lo va, kan class lehkhabu tihchhuah ‘Kuhmum’ hming vuahin October ni 30, 2014 khan WhatsApp-ah group ka siam a. Vawi duai lo chaw kan ei khawm a, waiwai chhum ei khawm tum lah a tam. Lehkhabu kan han tlangzarh a, thian dangte nen ‘mi hausha nuih’ kan ti a, ha langin then sángin thla kan laho thin. MZU lama kan ‘mi hausha nuih’ te, MZP Conference Hall-a ‘Pindan Khawhar’ kan tlangzarh tuma kan ‘mi hausha nuih’ te, High Field-a Aizawl Book Fair kan neih tuma kan ‘mi hausha nuih’ te kha theihnghilh a har dawn mang e.
October ni 11, 2016 khan kan thianho chuan Maubawk-a Maruata te inah chaw kan ei khawm a. Kan chaw eikham inkawm chu, EPL chungchang sawiin kan inhnial laih laih a. Fela hian Manchester United a tan a, Hlua’n Liverpool a tan thung a. Manchester United leh Liverpool hi a karleh, October ni 18, 2016 zanlaia inkhel tur an ni a. Chak tur zawk ringin kan inhnial kan inhnial fiam a, a tawpah intiamna lehkha ziakin kan dah ta a. Chu chu,
tih a ni a, Liverpool aiawhin Hlua Pachuau-in hming a sign a, Manchester United aiawhin Fela Ngente-in hming a sign a. Mi dang zawng — kei TS Khupchong te, RD Lalsanglura te, Lalrinzuala Sailo leh Maruata Tochhawng te’n hriatpuitu tiin hming kan sign bawk a, ‘Intiamkamna tihlawhtling lo chuan KFC bucket khat an chawi ngei ngei tur a ni’ tiin thu kan dah a. Vanduaithlak takin kan ti dawn nge, vanneihthlak takin kan ti zawk dawn, heng club pahnihte hi an indraw ta hlauh a ni.
MZU atanga thian inchharte hi kan han inkawm ngeih hlawm khawp a. Exam lai te, exam dawn chawlhah te kal khawmin card kan deng ho va, a chawiin tui kan in a. Krismas dawnah kawn chei fangin kan tlan chhuak a, Aizawl daiah te kan tlan kual a, thla êng kan lawm a, thianghlim tak zelin. Kan duh hun hunah chaw kan ei khawm a, a chang leh kan riak ho thûl. Ngaihzawng chenin kan inhriatpui a, nula kan rim ho bâng lo.
MZU lam kan hun tawp a lo hnai a, kan class hi kan inngaiin kan inkawm ngeih em em a. Farewell chaw ei khawm kan nei a, t-shirt-ah hming kan in-sign-sak a, green board-ah class zirlai tinten signature kan ziak a, a thla kan la bawk a; maksak tak takin thla kan laho bawk a. Khatiang hun kha engtikah mah a thleng tawh dawn lo tih kan hre lawk a. Engtikah emaw chuan nupui pasal neiin kan la darh ang a, engtikah emaw chuan hna thawhna avang tein hmun hran hranah kan la awm darh ang. A then rihsang mual an liam ang a, inbe tawn thei mang tawh hlek lovin, rilru inhre reng chung siin zawi zawiin kan inhlat telh telh dawn a ni tih kan hria a. Nia, kan rin leh kan hriat ang neiin a then chuan nupui pasal neiin chhungkua an din tawh a, hmun tin hmun tangah hna hrang hrang thawkin an darh tawh a, kan Fela erawh chu rihsang mual min liamsan hmasa berah a tang a, class pumpui tana mi hnai ber thina kha kan lak ata a hla ta ber a, kan rilruah a hnai leh ta ber thung a nih hi.
Kum 2013-a Mizoram University Mizo Department-a kan inziah luh hnuah ngat phei chuan kan inkawm nasa ta viau mai. Ani chu Students Council hruaitu a ni nghal a, an term-ah hian ‘Mizoram University Students’ Union’ (MZUSU) tih thin chu ‘Mizoram University Students’ Council (MZUSC) tih a nih tak avangin thil tihfel ngai neuh neuh a tam thin a, a buai thin hle. A hmaa Asst. General Secretary tih thin chu, Jt. Secretary tih a nih tak avangin Fela hi MZUSC Joint Secretary hmasa ber tiin a sawi theih awm e.
Class-ah pawh awm tha hman mang lo khawpa a buai thin avangin zirna lamah a inpumpek thei meuh lo va, Aizawla cheng mah ni se, Engineering ho awmna hostel lamah room pakhatah a awm tawp a, chutah chuan a remchan changa zuk lengin a riah te pawh ka riak hial a ni. Tum khat chu final semester kan nih hnuah Miss Ruth-i (Dr. Ruth Lalremruati d/o Dr. Lalruanga) class-ah test kan nei a, Rinzuala nen chhan ngaihna ngang an hriat loh avangin Miss Ruth-i bulah an va kal nal a, ngaihdam an va dil tawp mai a, kan nui tlang dar dar a. Hetiang hi kan zirtirtu Miss Ruth-i pawhin a la tawng kher lo maithei.
Kan class tan chuan engkima engkim a ni tawp mai. Kan hun laiin university-in OE an kalpui tan a, engkim mai kha thil thar a ni a, mark pek chungchangah te, class chungchangah te, course chungchangah te harsatna neuh neuh nei kan tam em em a, chungah te chuan kan class tan theihtawp a chhuah a, a tel lovin engmah kan su kaw thei lo a ni ber. Kan class inhlawhna tur te a ngaihtuah a, ani avangin kan batch kha MZU Class of the Year 2015 kan nih phah, ti ila a sual tam lo vang. Ani anga mi taima leh inpe hi a tam lo hle ang.
 |
| Exam-naah kan thu dun thin (Thlalatu: Dr. Lalnunpuia Renthlei) |
 |
| Pindan Khawhar tlangzarhnaa 'mi hausha nuih' |
INTIAMKAMNA
Dt. 18.10.2016 (12:30am)-a LIVERPOOL leh MANCHESTER UNITED inkhel turah hian a chak lo zawk zawkin kar khat chhung chu facebook-a kan profile picture atan kan bialnu/kan biak thin nen chauhva kan thlalak kan hmang ang.
tih a ni a, Liverpool aiawhin Hlua Pachuau-in hming a sign a, Manchester United aiawhin Fela Ngente-in hming a sign a. Mi dang zawng — kei TS Khupchong te, RD Lalsanglura te, Lalrinzuala Sailo leh Maruata Tochhawng te’n hriatpuitu tiin hming kan sign bawk a, ‘Intiamkamna tihlawhtling lo chuan KFC bucket khat an chawi ngei ngei tur a ni’ tiin thu kan dah a. Vanduaithlak takin kan ti dawn nge, vanneihthlak takin kan ti zawk dawn, heng club pahnihte hi an indraw ta hlauh a ni.
 |
| Central Library-ah kei Siama, Fela leh Zuia |
MZU lam kan hun tawp a lo hnai a, kan class hi kan inngaiin kan inkawm ngeih em em a. Farewell chaw ei khawm kan nei a, t-shirt-ah hming kan in-sign-sak a, green board-ah class zirlai tinten signature kan ziak a, a thla kan la bawk a; maksak tak takin thla kan laho bawk a. Khatiang hun kha engtikah mah a thleng tawh dawn lo tih kan hre lawk a. Engtikah emaw chuan nupui pasal neiin kan la darh ang a, engtikah emaw chuan hna thawhna avang tein hmun hran hranah kan la awm darh ang. A then rihsang mual an liam ang a, inbe tawn thei mang tawh hlek lovin, rilru inhre reng chung siin zawi zawiin kan inhlat telh telh dawn a ni tih kan hria a. Nia, kan rin leh kan hriat ang neiin a then chuan nupui pasal neiin chhungkua an din tawh a, hmun tin hmun tangah hna hrang hrang thawkin an darh tawh a, kan Fela erawh chu rihsang mual min liamsan hmasa berah a tang a, class pumpui tana mi hnai ber thina kha kan lak ata a hla ta ber a, kan rilruah a hnai leh ta ber thung a nih hi.
Share this
0 Comment to "FELA LEH KEI - 4"
Post a Comment
Eng nge i ngaihdân?