A pa chu a hnathawhna hmun aṭangin chau takin a lo haw a. A chauh em avangin a âw pawh a vînin a meng pawh a sen deuh rúm a. A fapa chuan a pa lo haw chu làwmin, "Ka pa, darkar khatah engzât nge i hlawh?" a lo ti a.
A fapa hnen aṭanga a zawhna hriat beisei ngai loh a ni. "Ka fapa, mi lo tibuai lo teh. I nu'n a hria, va zâwt mai rawh. Ka chauh em hi," tiin a lo chhâng a.
A fapa chuan, "Mahse ka pa, nangma mi hrilh ngei ka duh a ni. Darkar khatah engzât nge i hlawh?" a han ti leh a.
A pa chuan nin hmêl zet mai hian, "Dollar sawmhnih," a ti ta a. A fapa chuan, "Ka pa, ka lâwm e. A nih leh dollar sawm min lo pûktir ta che," a han ti leh a.
A pa ngaihdan a ni ta lo, "Ka fapa, eng atan nge i tih? I hriat duh i hre tawh a, va mu la, min lo tibuai tawh suh ang che," a ti ta hlur mai a.
A fapa chuan lungawi lo tak chungin a kalsan ta hnà hnâ a.
Nakinah chuan a fapa chuan eng emaw lei duh a nei a nih ringin a inbengdai thei ta hrâm a. A fapa mutnaah a va kal a.
"Ka fapa, i muhil tawh em?"
"Muhil lo ve ka pa. Engati nge?"
"Kha le, pawisa chu."
"Ka pa, ka lâwm e." tih pahin naupang chuan pawisa chu a la a, a lukham hnuai aṭangin dollar sawm dang a rawn la chhuak a.
"Tunah chuan ka nei daih ta! Dollar sawmhnih ka nei ta!" a ti chûl mai a. A pa chuan mak ti zetin a en a. Chutia a tih zawh chuan a fapa chuan a pa chu a han en a.
"Ka pa, i hun darkar khat mi leitir rawh aw.."
Fate hian an nu leh pa te hi chaw pe tur ringawt te, mamawh leisak tur ringawt te hian min duhkhawp zo tawk lova. Kan hun hlu tak hi anmahni tana kan pek hi an mamawh takzet a ni. I thuziak hian min kheng nasa hle mai. Kei pawh, ka duh aiin ka fate tan ka inpumpek tawk lova, ka kilkawi lo mah mah thin. I thuziak tawite hi a fingin a va tha reuh em.
ReplyDelete@Pu Caribou: A ni ngawt mai tiraw? Kan fate tluka kan ro hlu hi an awm chuang si lo va. Hmangaih taka enkawl leh a tam thei ang ber an bula hun hman hi nu leh pate tih tur dik tak a ni. Tuna thalai laktlak loh tam takte pawh hi an naupan laia an bula an nu leh pate'n hun an hman tam tawk loh vang a ni awm asin!
ReplyDeletei ziak tha hle mai a, ka sermon tehkhin thuah ka la hmang ngat ang.
ReplyDeleteFate tana hun pek tam tawk hi a har bakah ninawm tihna chin pawh hi a awm lo thei lo va, tlin hi a har khawp mai. A theih hram chuan an tana hun pek hi ka tum ve thin a, ka chhuah vahpui a, nuam an ti ve thin khawp mai. Inah pawh hian han talpui viau ka duh thin a, ka tlin lo leh mai thin.
Pu Rpa, nia..fa enkawl hi thil hautak tak a nih ka ring khawp mai. Hnathawkte nih chuan fate bula hun hman reng a theih loh va, hunawl neih chhun chhunah erawh chuan fate nena infiam hote hi a tha ngawtin ka ring. Ka ziah ni lovin ka lehlin a ni a, a ziaktu hriat loh.
ReplyDeletehei chuan ngaihtuah a ti thui hle mai. Good one.
ReplyDelete@Opa, nia tiraw.. A zirtir pawh a tha khawp asin.
ReplyDeleteEngemaw min zirtir leh ta. I blog nge nge...
ReplyDelete@Pu Zaia, ka lawm e..:)
ReplyDeleteChhiar thuak chuan a tawpna khi a bo deuh hu theih dawn mai. Mahse, a thu khi uluk tak maiin han chhiar ila, pafa inkar hmangaihna, fate'n pate min thlahlel zia a tilang hle thung.
ReplyDeletePhone-ah ka fapa Jacob an, "Pa, ka ngai thei lutuk che..." a tih min tihrechhuak chiang hle mai. TS, ka lawm e...min ti harh thar sawng sawng mai.
Pu Hv, i comment a ropui hle mai. Fate tan chuan pate hi an kulhbang an ni, an pawimawh takzet. Kei pawh sawi ta dawt ila, ka bulah ka pa'n hun a hmang tam lutuk lo va, inpawh tak tak hi a har duh khawp mai. I comment tha tak avangin ka lawm takzet e.
ReplyDeleteTs, dik tak cuan Pate hian fapa fel tak nu leh pa hmangaih tu. Engkima thlptu neih kan duh a, mahse, abik takin mizo mipate hian ti teh ang, zir tur kan neitam hle in ka hria
ReplyDelete@Anon, a ni khawp mai. Fa enkawl lamah hian tan kan lak a ngai a, fa enkawl hi a tlangpuia han thlir chuan kan la thiam tawk lo a ni. I rawn lenluh avangin ka lawm e.
ReplyDeleteA va ropui em!! Kan naupan laia ka nu leh pa te'n an theihtawpa kan tana hun min pe thin kha a hlutna ka la hre chho zel..
ReplyDeleteHigh School kal laiin vawikhat chu kan teacher in kan puitlin huna enge nih kan tum min zawt theuh a, a then chuan "Doctor" "Teacher" etc in an chhang a, kei chuan "Ka nu anga nu tha nih ka duh" tiin ka chhang. Ka nu thingtlang nu lo nei a nitin feh thin kha ka tan a ropui ber. Amah ang ka ni pha lo nasa tih hi ka hre fo.
Ka ziak ta teuh. TS, i thuziak hi awmzia a va nei thui tak em.
Pi Ma, i comment a ngaihnawm takzet e. I comment hlu tak avangin ka lawm takzet bawk e.
ReplyDeleteThawnthu tawi fing tak a va ni chiang em! Tha leh thuai thuai khawp mai a.
ReplyDeleteFa hi ka la nei miah lova mahse fa ang maia enkawl leh buaipui hi ka ngah ta malh malh khawp mai. Ka cousinte ho phei hi chu ka kutah hian an nghat ni ringawt hian ka hre thin. Ka chhukthlak hnu phei hi chuan phone bakin in zilh leh infuih a theih tawh si lova hahthlak thin hle mai. Mihring enkawl hi tih mai mai a ni lo. Turu tak a ni.
Good Post!
Kú Krista, ka lawm lutuk e.
ReplyDelete