Blogger tips tlém

Tuna ka han tarlan ho hi a tih vel a awlsam a, a ṭha phian. Tin, a code hi a tam vak loh hlawm avangin blog a tih-muan phah vak lovin ka hria.

Back to Top

Vawilehkhata a chung lama chhoh thutna a ni! Hei hi a ṭha phian a nia. I blog-a dah i duh chuan HETAH lut la, 'add to blogger' icon (milem) lo awm kha click zeuh la, a dahkhah tur awm (Blog leh a title) kha dahkhat la, OK. A zo. Vei lam hnuai kilah khan a lo awm vâng mai ang. He blog-ah pawh hian in hmu ang.

Blog Statistics

Hei hi blog-a comment leh post awm zât a ni mai. Hriat duh chânga keu lêt vak a ngai lo va, a awlsam khawp mai. Post & comment thar a awm apiangin i buaipui hah ngai miah lovin a inbelh zel mai ang. I duh chuan HETAH lut la, a hmaa kan sawi ang khan 'add to blogger' milem te reuh te kha a lo awm ang a, i click ang a, a dahkhah tur (i blog URL) a lo lang ang a, i dahkhah hnuah i customize ang a, 'Add Widget To My Blog.' A zo. I blog-ah chuan i duhna hmun hmunah i dah leh mai dawn nia.

Top Commentors

Blog-a comment tam zualte an ni; he blog-a awm ang hian. I duh chuan HETAH lut la, a hmasa lama kan sawi angin 'add to blogger' milem awm kha click la, dahkhah tur a lo lang ang. Chutah chuan i blog URL dahna tur te, top commentor-a lang tur chin (he blog-ah chuan 10) kha i dah leh ang a, top commentor-a i hming lan tel ve loh i duh chuan 'filter your name' tihah khan i hming i dah ang a, i customize leh ang a, 'Add Widget To My Blog' i click ang a, a zo leh mai.

Users Online

Blog-a online mêk zât hriat theihna a ni a, mahni chauhvin kan blog kan nghak emaw kan tih lai pawha inlêng kan neih leh neih loh hriat nan a ṭha ve mai mai a! I blog-a dah i duh chuan HETAH lût la, dahkhah tur awm ang ang kha dahkhat la, i dahkhah vek hnuah 'Get the code' kha click la, code a lo lang ang. Chu chu copy la, go to blogger.com -> design -> page element -> add a gadget -> HTML/JavaScript kha i add ang a, i code copy kha i paste dawn nia. A zo.

Share this

TS Khupchong