Tum khat chu ka ṭhiannu nen SMS-in kan inkâwm a. ‘I SMS-te hi ka delete ngai lo. I SMS zawng zawng chu note-ah ka ziak chhuak vek a, kan inhmuh leh hunah ka la chhiartîr vek dâwn che a ni,’ a ti ta reuh a. Chuta ṭang chuan amah ka message chuan ka fîmkhur phah ta hle. Nakinah inchhîr leh zak ru veng veng chung leh, hrehawm ti chung chunga chhiar ngai a tam lutuk palh ang. Hlim taka chhiar ka duh si a.
Chutiang bawkin ka nitin hun hman dân hi Siamtu chuan a lo record zêl a, Amah nen nena kan inhmuh leh hunah ka nitin hun hman dâna chu min la chhiartîr ang a. Chutah chuan inchhîr leh zak chung chung leh, hrehawm ti tak chungin ka chhiar dâwn em? Hlim takin ka chhiar thei ang em?
Kan tihsual hi siamthat theih a ni; a la tlai lo ve. Ka bulṭan fuh loh kha, ka tâwpna fuhin a thup mawi thei.
0 Comment to "Hringnun Record"
Post a Comment
Eng nge i ngaihdân?