Mizo ṭawnga ‘J’ hi hmanna a tlêm riau mai a, a awm ve tho bawk sia, chuvângin he post-ah chauh hi chuan ka’n hmang ve juai ang e. Min lo hrethiam juai rawh u.
Juai 1-na: Juai chi hrang hrang a awm. He juai 1-na hi a pawimawh ber tihna a ni lêm lo. Ka rawn juai hmasak ber tihna a ni mai. Nulât tlangvalna hman juai hi a va pawi em! Siamtu duh loh zâwng a nih chu thuhran ni se, nun pum tichhe thei thil a ni. He juai hian damchhûng chhiatna a thlen thei a, chuvângin juai rei chi a ni a, juai chi lohna tak a ni.
Juai 2-na: Thil sual inṭanna chu juai aṭangin a ni tlángpui. Ruihtheih thil i tih juai khan juai leh a hring a, i juai reng tawh mai ṭhîn a nih kha. Mi i thah juai chuan jail-ah i tâng juai hauh lovang. Chuvângin he mi kawngah hian he juai hi i tem lovang u.
Juai 3-na: Juai hi a va pawimawh tehlul em! Thil ṭha ti juai la, malsâwmna i dawng juai ang a, tih leh i châk juai juai mai ang.
Juai 4-na: An sawi ka hre tawh ṭhîn; KS-te rate bithliah dân tlángpui chu – Juai, ngawr ngawr, hlawp hlawp te hi a ni âwm e. Juai hian a man a tlâwm bîk an ti. Mahse, hemi kawngah hian juai te, ngawr ngawr te, hlawp hlawp te hi a ṭhat loh dân a inang vek a, a vaiin tih loh tawp tur a ni.
Juai 5-na: Nula chhe lo deuhvin tlangval a han melh juai te hi tawrh a lo va har duh tehlul em! Nula leh tlangval inhmangaih juai ang chi te hi tih loh tawp tur a ni – thihna a thlen thei!
Inbum juai te, motor-a insut juai te, thil rûk juai te, eirûk juai adt. te hi juai ṭha lo vek a ni a, tih loh hmak tur a ni. Mi ṭanpui juai te, inṭawngṭaipui juai te, taimâk juai adt. hi juai ṭha mi a ni a, tih ngam tur a ni. Mahse, vawi khat juaia a tâwp chuan juai engmah lo mai a ni dâwn a, chuvângin engtik lai pawhin a juai reng tur a ni.
Ka rawn phuahpawlh juai a ni e.
0 Comment to "Juai!"
Post a Comment
Eng nge i ngaihdân?