I ngaihtuah ngai em?

20 January 2012

I ngaihtuah ngai em?

1/20/2012 02:33:00 PM No Comments

  • Ruahsur i nin em em lai khan khawkheng avanga thi tam tak an awm ṭhin tih i ngaihtuah ngai em?
  • I mut mai mai lai khan mutna tur nei lo an awm tih i ngaihtuah ngai em?
  • Puar avanga i irh uk uk lai khan rilṭama thi tam tak an awm ṭhin tih i ngaihtuah ngai em?
  • Ke-a kal peih lova motor-a i chuan voh voh lai khan ke-a kal châk ngawih ngawih tam tak an awm tih i ngaihtuah ngai em?
  • Ruihtheihthil ti tura i intintuah mek laiin ruihtheihthil ti ṭhinte tana ṭawngṭai ṭhin tam tak an awm tih i ngaihtuah ngai em?
  • Nun beidawng leh dam chhan nei tawh lova i inhriat changin mamawh ngawih ngawihtu che tam tak an awm tih i ngaihtuah ngai em?
  • I nu leh pate i ânkhum bawrh bawrh lai khan nu leh pa nei tawh lo tam tak an awm tih i ngaihtuah ngai em?
  • Hlim taka i nuih hawr hawr lai khan lungngai taka ṭap hawm hawm tam tak an awm tih i ngaihtuah ngai em?
  • Biakin chhunga i awm lai khan zu zuar in chhunga awm tam tak an awm mek tih i ngaihtuah ngai em?
  • Intihhlum duhna thinlung i put changin dam thlahlel ngawih ngawih tam tak an awm mek a ni tih i ngaihtuah ngai em?

Share this

TS Khupchong

0 Comment to "I ngaihtuah ngai em?"

Post a Comment

Eng nge i ngaihdân?

Subscribe to: Post Comments (Atom)