Ka ṭhiannu kha..

Tum khat chu ka ṭhiannu pakhat, pawl kaw zirlai kum 15 mi lek hian ‘tihian SMS mi rawn thawn a:

“Ih maw.. Naupang të ka nih laiin ânu leh âpa an inṭhen a, âpa chuan nupui dang a nei a. Ânu chu chhûngkaw harsa tak an nih loh avângin âpa a neih hian a zo lo a ni deuh ber a. Ânu chu nuhrawn a ni a, âpa awm lai chuan min duat thei lutuk a, a awm loh veleh min tiduhdah thei lutuk. Hmêlchhia tia sawi tur ka ni lo va, naupang të mah ni ila, kan vêngah chuan inlêng ka nei ṭhîn a. Inlêng ka neih lai te hian ânu chuan min hau chiam ṭhîn a, ka zak thei lutuk. Ih maw.. Pângngai taka nun te hi ka châk ve ṭhîn a, mahse, chu chu ka tân vâna rah ang a ni si,” tiin.

He ka ṭhiannu hi a nuhrawn chuan a tirethei em em ṭhîn a, a châng chuan a chaw ei ve pawh a phal ngai lo. Zân dâr sâwm rîk dâwnah a insu ṭhîn a, a insûk zawh hnuah biakinah ṭawngṭai turin a kal ṭhîn a, a ṭawngṭai tlaivâr hîn. Zîng lam dâr li vêlah a haw ṭhîn a, chutah chuan SMS mi rawn thawnin min ṭawngṭaipui thu mi rawn hrilh ziah ṭhîn.

A châng chuan a hrehawm ti lutuk hian ṭap chungin mi rawn be ṭhîn a, theih ang tâwkin ka lo hnèm ṭhîn. A nu hriat hlau chung chungin a nia mi rawn biak ṭhîn ni.

Kan ramah hetiang mi tam tak an awm mêk.

Hei hi kum nga kal tâa ka thil tawn a ni a, kan inkâwm zui tâk loh avângin a chanchin ka hre zui ta lo. Engtin tak awm zêl ang maw?

Share this

TS Khupchong